Fluorita
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La fluorita ye un mineral formáu pola combinación de calciu y flúor, con fórmula CaF2. Cristaliza nel sistema cúbicu. Descríbese como un empaquetamientu cúbicu compautu d'átomos de Ca nel que los átomos de F ocupen tolos güecos tetraédricos. Si se tien en cuenta la rellación de radios iónicos, esta descripción paez absurda (1,33 [[Ángstrom|Å pa F-1 y 0,99 pa Ca+2), yá que los iones F nunca nun coyeríen nos güecos del Ca. Sicasí, esta descripción reproduz fielmente los allugamientos relativos de los átomos na celda unidá.
Fluorita | |
|---|---|
 | |
| Xeneral | |
| Categoría |
especie mineral (es)  [1] |
| Subclase de |
fluorite mineral group (en) [2] y minerales haluros (es) |
| Fórmula química | CaF₂ |
| Epónimu |
corriente (es) (llatín) |
| Propiedaes físiques | |
| Color |
púrpura, lila (es) , verde, azul, rosa, champagne (en) , incoloro (es) , marrón y oru |
| Color de la raya | blancu |
| Durez de Mohs | 4 |
| Clasificación | |
| Nickel-Strunz 8ª ed. | III/A.07[4] |
| Nickel-Strunz 9ª ed. | 3.AB.25[5] |
| Nickel-Strunz 10ª ed. | 3.AB.25[6] |
| Dana | 9.2.1.1[5] |
 | |
Según esta descripción tolos güecos octaédricos de la estructura taríen vacios. La coordinación del F ye tetraédrica (IC = 4), mentes que la del Ca ye cúbica (IC = 8).
Carauterístiques
editar- Fórmula: CaF2
- Clas: Haluros
- Sistema: Cúbicu
- Durez na escala de Mohs: 4
- Frecha: Xeométrica
- Esfoliación: Perfeuta
- Rellume: Vitreu
- Raya: Blanca
La fluorita ye un mineral perdifundíu na natura. Preséntase formando bolsaes en forma de xeodes o druses ocupando fisures y requexos. N'estáu puro ye incoloro y tresparente, anque nos más de los casos presenta delles coloraciones que se puen deber a impureces orgániques o minerales; los más habituales van del morao al violeta pero la fluorita tamién pue ser azul, verde, rosa, naraxa, mariello o de tonos menos definíos. Munches variedaes amuesen fluorescencia.
Suel presentase con forma de cristales de vezu cúbicu bien formaos, davezu con macles de compenetración de cubos. Les demás formes son rares, anque puen obtenese octaedros por esfoliación. Tamién pue tar masivo, compacto o granular.
Esti mineral suel atopase en vetes pures o asociáu con menes de plomu, plata o cinc. Ye común en caliares y en dolomites y, dalgunes vegaes, ye un mineral accesoriu en pegmatites y n'otres roques ígnees.
Yacimientos
editarLa fluorita suel atopase n'España, Rusia, Inglaterra, China, EEXX, Méxicu, Namibia y Alemaña. España ye un importante productor de fluorita. Los principales yacimientos atópense n'Asturies nos conceyos de Caravia y Ribeseya. Con menor importancia como yacimientos o como ganga de menes metáliques alcuéntrase fluorita en Siero, Villabona y Picos d'Europa (Asturies y Cantabria), y Irún, Berastegui y Bidasoa (Guipúzcoa). En Cataluña son yacimientos d'interés los de Anglès, Montseny, Sant Cugat del Vallés (onde apaez n'octaedros verdes mui lluminiscentes) y Ulldemolins.
Usos
editarLes variedaes cristalines, como l'espato de Derbyshare que tien un lleve color, tállense sobre vasixes y otros orniamentos; la variedá clorofanu utilízase como xema. L'usu principal de la fluorita foi la producción d'ácidu fluorhídricu, material esencial na fabricación de criolita sintético y de fluoruru d'aluminiu pa la industria del aluminiu, y en bien d'otres aplicaciones de la industria química. La fluorita ye un fluxu común na fundición d'aceru. Úsase en grandes cantidaes na producción d'esmalte y de vidru tresllúcido; los cristales perfeutos utilícense na fabricación de llentes apocromátiques.
Amás del so usu orniamental, la fluorita utilízase nes aceríes como elementu qu'aida a la fusión del fierro. Tamién s'utiliza na fabricación de freba de vidru y de vidru ópalu pero, sobre manera, pa la producción d'ácidu fluorhídricu y otros productos fluoraos, ente ellos el fluoruru d'aluminiu del que s'obtién l'aluminiu metálicu. Tamién s'usa na industria del cementu pa incorporar otros material al clinker y na fabricación d'abrasivos y artículos de soldadura.
Referencies
editar- ↑ Afirmao en: The IMA List of Minerals (November 2018). Autor: International Mineralogical Association - Commission on new minerals, nomenclature and classification. Data d'espublización: payares 2018.
- ↑ Afirmao en: Fleischer’s Glossary of Mineral Species 2014. Autor: Malcolm E. Back. Editorial: The Mineralogical Record. Data d'espublización: 2014.
- ↑ Afirmao en: A Dictionary of the Names of Minerals. Autor: Albert Huntington Chester. Editorial: Forgotten Books.
- ↑ Afirmao en: Mineralogische Tabellen : Eine Klassifizierung der Mineralien auf kristallchemischer Grundlage, mit einer Einfuhrung in die Kristallchemie (1982). Autor: Karl Hugo Strunz. Editorial: Akademische Verlagsgesellschaft. Data d'espublización: 1982.
- ↑ 5,0 5,1 Afirmao en: mineralienatlas.de. Llingua de la obra o nome: inglés.
- ↑ Afirmao en: MinDat. Llingua de la obra o nome: inglés.
Enllaces esternos
editar
Wikimedia Commons acueye conteníu multimedia sobre Fluorita.
