Foru de les Islles del Pacíficu

Logo del Foru de les Islles del Pacíficu.

El Foru de les Islles del Pacíficu (Pacific Islands Forum, PIF) ye una organización intergubernamental creada col oxetivu de potenciar la cooperación ente los países y territorios del océanu Pacíficu. Fundáu en 1971 como Fórum del Pacíficu Sur (South Pacific Forum, SPF), camudó'l so nome en 1999 pa qu'esti fora más inclusivu dempués de que munchos territorios de los dos hemisferios s'integraran nelli. El Foru tien estatus d'observador na Asamblea Xeneral de les Naciones Xuníes.

La misión del Foru ye «trabayar, n'apoyu de los gobiernos de los miembros del Foru, p'ameyorar el bienestar social y económicu de los pueblos del Pacíficu Sur mediante la cooperación ente gobiernos y ente axencies internacionales, y representar los intereses de los miembros del Foru na forma alcordada por ellos». Les sos decisiones llévelas a la práctica'l Secretariáu (Pacific Islands Forum Secretariat, PIFS), un muérganu institucional desarrolláu a partir de la Axencia del Pacíficu Sur pa la Cooperación Económica (South Pacific Bureau for Economic Co-operation, SPEC). Amás del so papel como harmonizador de les posiciones rexonales en cuestiones polítiques, el Secretariáu desarrolla programes técnicos de desarrollu económicu, tresporte y comerciu.

Australia y Nueva Zelanda son muncho mayores y más ricos que los demás estaos miembros del Foru; Australia tien el doble de población que los otros 17 estaos miembros xuntos, y una economía cinco veces mayor. Por ello son los principales donantes de fondos, y importantes mercaos pa les esportaciones de los otros estaos insulares. Soldaos y policíes de los estaos miembros, principalmente Australia y Nueva Zelanda, conxuntamente con personal civil, tomaron parte nos caberos años n'operaciones de pacificación y estabilización en dalgunos estaos miembros, como les Islles Salomón (dende 2003) y Nauru (2004-2009), por mandatu del Foru. Esta capacidá d'intervención ta avalada pola Declaración de Biketawa, aprebada na 31ª cumbre de xefes d'estáu del Foru, cellebrada en Kiribati n'ochobre de 2000. La 50ª cumbre del Foru cellebrose en Tuvalu n'agostu de 2019.

Estaos y territorios miembrosEditar

En setiembre de 2011 los territorios estauxunidenses de Samoa Americana, Guam ya Islles Marianes del Norte consiguieron l'estatus d'observador del Foru, y en setiembre de 2016 los territorios franceses de Polinesia Francesa y Nueva Caledonia convirtiéronse en miembros de plenu derechu. De magar, tolos territorios insulares y naciones d'Oceanía, sacante'l Territoriu Británicu d'Ultramar de les islles Pitcairn, son miembros o observadores del Foru. A elli pertenez tamién, como observador, Timor Este, magar qu'aveza a consideráselu parte del Asia suroriental.

 
Estaos y territorios miembros[1]
  Australia (AU)   Islles Cook (CK)   Fixi (FJ)   Polinesia Francesa (PF)[2]
  Kiribati (KI)   Islles Marshall (MH)   Micronesia (FM)   Nauru (NR)
  Nueva Caledonia (NC)[2]   Nueva Zelanda (NZ)   Niue (NU)   Paláu (PW)
  Papúa Nueva Guinea (PG)   Samoa (WS)   Islles Salomón (SB)   Tonga (TO)
  Tuvalu (TV)   Vanuatu (VU)
Miembros asociaos Observers
  Tokelau (TK)[2][3]   Samoa Americana (AS)   Guam (GU)   Islles Marianes del Norte (MP)
  Timor Oriental

(TL)

Wallis y Futuna (WF)[4] Organización de les Naciones Xuníes
Bancu Asiáticu de Desarrollu Mancomunidá de Naciones Comisión de Pesca del Pacíficu Occidental y Central
Bancu Mundial
Socios interlocutores
  Canadá   China Cuba  Cuba   Xunión Europea
  Francia   Alemaña   India   Indonesia
  Italia   Xapón   Corea del Sur   Malasia
  Filipines   España   Tailandia   Turquía
  Reinu Xuníu   Estaos Xuníos d'América
Socio para el desarrollu
  Taiwán[5]

ReferenciesEditar

  1. «Forum Communiqué, Alofi, Niue» (PDF). Thirty-Ninth Pacific Islands Forum. Pacific Islands Forum Secretariat (2008-08-20). Consultáu'l 2008-08-22. The Niue Declaration on Climate Change is Appendix B of this document.
  2. 2,0 2,1 2,2 «Forum Communiqué, Pohnpei, Federated States of Micronesia» (PDF). Forty-Seventh Pacific Islands Forum. Pacific Islands Forum Secretariat (2016-09-10). Consultáu'l 2016-09-15.
  3. «Tokelau happy as forum associate member». Pacific News. Radio New Zealand International (2016-09-27). Consultáu'l 27 September 2016.
  4. Unattributed (2008-08-22). «Decision on Wallis bid to join Forum (as Associate Member) deferred». Latest Pacific News Headlines. Radio New Zealand International. Consultáu'l 2008-08-22.
  5. 國際組織參與現狀