Niue ye un estáu insular asitiáu nel Océanu Pacíficu Sur, a 2.400 km al noreste de Nueva Zelanda. La islla tien una estensión de 261 km2 y una población, mayoritariamente d'etnia polinesia de 1.612 habitantes (2016). Niue asítiase nel interior d'un triángulo que los sos vértices son Tonga, Samoa y les islles Cook. La islla, a la que avecen a llamar La Roca, una abreviatura del so nome tradicional La Roca de Polinesia, ye una de les mayores islles de coral del mundu. El so terrenu tien dos niveles d'altitú. El superior fórmalu un cantil de caliza que cuerre paralelu a la costa, con una meseta nel centru de la islla con un altor de 60 m sobro'l nivel de la mar. El nivel inferior ye una terraza costera de 500 m d'anchor y 25-27 m d'altor, que se somorguia na mar al traviés de pequeños cantiles. La islla ta arrodiada por un arrecife de coral, que dexa un pasu na costa centruoccidental, cerca la capital, Alofi.

Niue
territoriu dependiente
Niue ISS004.jpg
Flag of Niue.svg Public Seal of Niue.svg
Bandera de Niue (es) Traducir Coat of arms of Niue (en) Traducir
Himnu nacional Ko e Iki he Lagi (es) Traducir
Alministración
Nome oficial Niue
Reinu[[d:Special:EntityPage/Q889033|10px
Capital Alofi
monarca de Nueva Zelanda (es) Traducir Sabela II del Reinu Xuníu
Premier de Niue (es) Traducir Dalton Tagelagi (dende 11 xunu 2020)
Llingües oficiales Idioma niuano y inglés
Rellaciones diplomátiques
Miembru de
Xeografía
Coordenaes 19°03′00″S 169°55′00″O / 19.05°S 169.91666666667°O / -19.05; -169.91666666667Coordenaes: 19°03′00″S 169°55′00″O / 19.05°S 169.91666666667°O / -19.05; -169.91666666667
Niue on the globe (small islands magnified) (Polynesia centered).svg
Superficie 262 km² (puestu 214)
% agua 0%
Costes 64 km
Llenda con 0 km
Puntu más altu Niue Highest Point (en) Traducir
Demografía
Población 4,076 (2006) hab. (2016)
Densidá Error d'espresión: Operador ( inesperáu hab/km²
Xentiliciu (niueanu, -a, -o)
Economía
Moneda Dólar neozelandés y Niue dollar (en) Traducir
Más información
Dominiu d'Internet .nu
Códigu telefónicu +683
Códigu ISO 570 / NIU / NU
Estaya horaria UTC−11:00
niueisland.com y gov.nu…
Cambiar los datos en Wikidata

Niue ye un estáu autogobernáu que caltién un estatus de llibre asociación con Nueva Zelanda, que dirixe la mayoría de les sos rellaciones diplomátiques. Como parte que son del Reinu de Nueva Zelanda, los niueanos son ciudadanos de Nueva Zelanda, y la reina d'Inglaterra ye, pola so condición de reina de Nueva Zelanda, la xefa del estáu. Ente'l 90 y el 95% de los niueanos viven en Nueva Zelanda, y ente ellos el 70% de los falantes de la llingua niueana. Niue ye un país billingüe: el 11% de la población ye falante d'inglés, el 46% de la llingua niueana y el 30% billingüe.

Niue nun ye un estáu miembru de les Naciones Xuníes, pero les organizaciones dependientes d'ella acepten el so estatus d'estáu llibre asociáu, y considérenlu equivalente a la independencia no que cinca a la llei internacional. Poro, Niue forma parte de delles de les axencies de la ONX, como la UNESCO o la OMS, y ye invitáu, igual que l'otru estáu que nun forma parte de la ONX les islles Cook, a asistir a les conferencies de Naciones Xuníes. Niue forma parte de la Comunidá del Pacíficu de magar 1980.

El país sodivídese en 14 conceyos (villages). Caún ye dirixíu por un conseyu, elexíu democráticamente, qu'escueye a un alcalde, y como los conceyos son, al tiempu, distritos electorales, caún unvia tamién un representante al parllamentu del país. Nesti pequeñu país democraticu les eleiciones llexislatives cellébrense cada trés años.

El Plan Estratéxicu Integráu de Niue (Niue Integrated Strategic Plan, NISP), adoptáu en 2003, ye'l plan de desarrollu nacional, el que fixa les prioridaes nacionales de desarrollu en árees como la sostenibilidá financiera. De magar finales del sieglu XX el país tien convertíose nún llíder del crecimientu verde, y, cola axuda de la Xunión Europea, ta camudando toes les sos fontes d'enerxía por otres renovables.


Países d'Oceanía
Australia | Fixi | Islles Cook | Kiribati | Marianes del Norte | Islles Márxal | Micronesia | Nauru | Niue | Nueva Zelanda | Paláu | Papúa Nueva Guinea | Islles Salomón | Samoa | Tokeláu | Tonga | Tuvalu | Vanuatu | Wallis y Futuna