Wikipedia

Francia Márquez

activista polos derechos humanos colombiana

 

Francia Márquez
Ministra de Igualdad y equidad (es) Traducir

12 avientu 2022 -
Vicepresidente de Colombia

7 agostu 2022 -
Vida
Nacimientu Suárez, 1 d'avientu de 1981[1] (42 años)
Nacionalidá Bandera de Colombia Colombia
Grupu étnicu afrocolombianu
Estudios
Estudios Universidá Santiago de Cali llicenciatura : derechu
Universidá Pedagóxica Nacional de Colombia doctor honoris causa : educación
Llingües falaes castellanu
Oficiu activista polos derechos civiles, política, ambientalista, abogada, Vicepresidente
Premios
Miembru de gobiernu de Gustavo Petro
Movimientu Ecoloxismu
feminismu[4]
Creencies
Partíu políticu Pactu Hestóricu [5]
IMDb nm12667117
franciamarquezmina.com
Cambiar los datos en Wikidata

Francia Elena Márquez Mina (1 d'avientu de 1981, Suárez) ye una líder social, activista medioambiental, defensora drechos humanos, feminista, abogada, y política colombiana[6]. Dende'l 7 d'agostu de 2022 ye la vicepresidenta de la República de Colombia. Ye la segunda muyer en ser vicepresidenta de la ñación y la primera d'orixe afrocolombianu.

Foi representante llegal del Conseyu Comuñal del correximientu de La Toma en Suárez, al norte del departamentu del Cauca onde s'opunxo a la esplotación minera indiscriminada y a la entrega indiscriminada de títulos mineros por mor al impautu negativu d'estes actividaes, como'l deterioru del mediu ambiente y el desplazamientu forzáu de comunidaes. Esto valió-y amenaces y atentaos escontra la so vida, pero tamién la reconocencia internacional como defensora de drechos humanos y del mediu ambiente.[7] Recibió delles distinciones poles sos actividaes sociales y ambientales, ente elles los premios Goldman de mediu ambiente y Joan Alsina de drechos humanos.[8][9] Foi presidenta del Conseyu Ñacional de Paz y Convivencia nel añu 2020[10] onde s'ocupó del siguimientu al cumplimientu de los alcuerdos de paz.[11]

Foi precandidata a la presidencia na consulta interna para escoyer al candidatu de la coalición Pacto Histórico en representación del so movimientu Soy porque somos y col aval del partíu Polo Democrático Alternativo. Na votación llogró'l segundu puestu con más de 782 000 votos y el 23 de marzu de 2022 foi anunciada como candidata a la vicepresidencia como fórmula de Gustavo Petro para les elecciones presidenciales de 2022.[12]

Biografía

editar

Mocedá y estudios

editar

Ñació'l 1 d'avientu de 1981 na parroquia de Yolombó, correximientu del conceyu de Suárez nel departamentu del Cauca,[13] asitiada en territoriu d'una comunidá afrodescendiente.[14] La so infancia, según cuenta, "tuvo marcada por pasar tiempu en casa de mios güelos maternos, otru tiempu cola mio ma y el restu colos mios güelos paternos."[15] La so madre ye partera, llabradora y minera. El so padre, agrominero y obreru.[16] A la edá de 16 años tuvo'l primeru de los sos dos fíos que crio cómo madre soltera. Mientres la so adolescencia trabayó como minera d'oru artesanal nel so conceyu y como emplegada doméstica na ciudá de Cali.[6]

Márquez graduóse como técnicu agropecuáriu nel Servicio Nacional de Aprendizaje (SENA). En 2020 llogró un títulu en Drechu na Universidá Santiago de Cali.[17][18] En 2021 empecipió una especialización n'escritures creatives na Universidá ICESI.[11]

Activismu

editar

Activismu medioambiental

editar
 
Represa Salvajina nel departamentu del Cauca (Colombia) en 2010.

Defensa del ríu Ovejas

editar

Dende 1994 hasta 1997 participó nel procesu d'evaluación de los impautos que xeneraría a la so comunidá y al territoriu'l megaproyeutu d'esviación del Ríu Ovejas a la Represa Salvajina, sobremanera los impautos qu'esti proyectu trayeríen a la vida de tolos miembros de la so comunidá, incluyendo l'efeutu negativu sobro'l so territoriu consideráu como ancestral, y per ende sobro la identidá étnica y cultura de los sos habitantes. Nel 2005, participó nel procesu de exigibilidá a la Corporación Autónoma Regional del Valle del Cauca (CVC) y a la Empresa d'Enerxía del Pacíficu (EPSA) pala igua de los impautos creaos pol megaproyeutu Salvajina.[19] Procesu que nun tuvo en cuenta'l drechu fundamental al consentimientu llibre, previu, ya informáu de les comunidaes, con vía a reparar los impautos xeneraos nos 35 años de vida de la represa.[20]

Oposición a la minería indiscriminada

editar

Nel 2009, empecipió un procesu de protesta a cuenta d'evitar que les comunidaes afrodescendientes del Conseyu Comunal de La Toma nel conceyu de Suárez fueren desallugaes por fuecia del territoriu ancestral, por cuanto'l gobiernu apurriera al señor Héctor Sarria, a empreses multinacionales como AngloGold Ashanti y a otres persones foriates, títulos d'esplotación minera, violando'l debíu procesu a la implementación del drechu fundamental al consentimientu llibre, previu, ya informáu. Este mesmu añu, el Conseyu Comunal y dellos de los sos líderes fueron declaraos oxetivu militar per parte de los grupos paramilitares Águilas Negras, Los Rastrojos y Bloque Capital, pos según estos actores armaos, la comunidá taba oponiéndose al desenvolvimientu y torgando la entrada d'empreses multinacionales. Márquez instauró una aición de tutela denunciando la violación de los sos derechos fundamentales a la vida digna, a la permanencia nel territoriu, al debíu procesu y a la consulta previa, llibre ya informada, que fueron tutelaos por aciu de la sentencia T-1045A de 14 d'avientu de 2010.[21]

Nel añu 2013, foi nomada como representante llegal del Conseyu Comuñal de comunidaes afrodescendientes del correximientu de La Toma, cargu qu'exerció hasta'l 12 d'avientu de 2016.[22] Tamién participó na Asamblea Permanente declarada poles comunidaes afrodescendientes del Cauca, na cual esixóse-y al INCODER (güei Axencia Nacional de Tierres) protexer los territorios ancestrales de comunidaes negres y avanzar na titulación colectiva, para garantizar l'accesu a la tierra por mediu de compres realizaes por dicha entidá.[23]

Nel 2014, participó na mesa interétnica ya intercultural del Norte del Cauca dende la cual esixóse-y al Gobiernu Nacional detener la minería illegal y el otorgamiento de títulos mineros ensin consulta previa en territorios étnicos. Asina mesmu pidióse-y realizar aiciones que dexaren identificar posibles actos de corrupción institucional frente a la minería illegal que taba contaminando'l territoriu. N'ochobre de 2014, foi desplazada de manera violenta del territoriu y declarada, xunto colos sos fíos, oxetivu militar per parte de grupos paramilitares.[24][25]

Marcha de los Turbantes

editar

En 2014, Márquez foi una de les líderes qu'entamó una marcha a la que se xunieron alredor de 70 muyeres afrodescendientes qu'usaben turbantes qu'identificaben el so orixe étnicu y que foi conocida como "La Marcha de los Turbantes" tamién conocida como "Muyeres Negres pol Curiáu de la Vida y los Territorios Ancestrales". La marcha partió'l 17 de payares del correximientu de La Toma en Suárez con 15 muyeres lideraes por Márquez, mientres el percorríu axuntáronse muyeres d'otros conceyos del norte caucanu qu'igualmente teníen problemes pola minería illegal nos sos territorios como Santander de Quilichao, Buenos Aires, Guachené y Caloto;[26] llegó a Bogotá el 27 de payares dempués de percorrer alredor de 600 kilómetros a pie.[27][28] L'oxetivu yera esixir al gobiernu'l cumplimientu de la sentencia de la Corte Constitucional qu'ampara los territorios ancestrales de les comunidaes ñegres de la rexón y esixir el fin de la minería illegal y la minería inconstitucional que taba causando la contaminación del ríu Ovejas y el desplazamientu forzáu de comunidaes.[29]

La muyeres ocuparon un salón de la sede del Ministeriu del Interior conocida como Casa La Giralda nel centru de Bogotá y na Casa Afro, onde habitaron hasta'l 11 d'avientu.[28] Tres la movilización les muyeres llograron la reconocencia de 27 Conseyos Comuñales del Norte del Cauca como suxetos de reparación coleutiva.[11]

Otres movilizaciones

editar

En xunetu de 2015 participó nuna asamblea permanente entamada pola asociación de Conseyos Comuñales del Norte del Cauca, que llevóse a cabu sobro la Vía Panamericana coles mires d'esixi-y al gobiernu nacional garantíes de protección a los líderes del norte del Cauca por cuenta de que permanentemente reciben amenaces de muerte. Tamién pidió'l cumplimiento de los alcuerdos enantes apautaos ente'l gobiernu y les comunidaes ñegres d'esta rexón. En setiembre de 2015, la organización sueca Diakonia otorgó-y el premiu como Defensora de Drechos Humanos.[30][31]

En 2016, participó nel paru realizáu pola Cumbre Nacional Agraria, Llabradora, Étnica y Popular. Tuvo na mesa política y el so trabayu tuvo enfocáu nes víctimes. Darréu, nel mes de mayu, viaxó a París al Foru sobro minería y bones práctiques entamáu pola Organización pa la Cooperación y el Desenvolvimientu Económicu (OCDE).

Participación nos diálogos de paz

editar
 
Francia Marquez en diálogos sobro los alcuerdos de paz col Institutu de Paz de los Estaos Xuníos en 2016.

N'avientu de 2014, Márquez Mina viaxó a L'Habana pa participar nos diálogos de paz ente'l gobiernu de Juan Manuel Santos y la guerrilla de les Fuercies Armaes Revolucionaries de Colombia - Exércitu del Pueblu (FARC-EP), como víctima na quinta delegación.[32] Nesti procesu participó énte la mesa de los diálogos de paz col so relatu sobro la forma na que'l conflictu armáu políticu y económicu afectó históricamente de manera desproporcionada a les comunidaes afrocolombianas, y de manera específica a les muyeres ñegres. Tamién faló sobro la necesidá de garantizar la participación efectiva de los pueblos étnicos nel procesu pa llograr la paz estable y duradero.[33]

N'abril de 2016, Márquez viaxó a Suiza pa dialogar sobro los retos y desafíos del procesu de paz, y los drechos de los pueblos étnicos afrocolombianos ya indíxenes.

En xunu de 2020 foi electa miembru del Conseyu Nacional de Paz y Convivencia del cual foi presidenta,[10] creáu al traviés del decretu 885 de mayu de 2017, como instancia pal siguimientu al cumplimientu de los alcuerdos de paz.[11]

Amenaces escontra la so vida

editar

A finales de 2014, foi desplazada del so pueblu d'orixe por cuenta d'amenaces que recibió en liderando iniciatives de llucha en contra de la minería illegal nel so territoriu.[34] Na so condición de desplazada pola violencia armada, foi convidada a viaxar a Cuba a desenvolver actividaes coles delegaciones del gobiernu y les FARC-EP nel marcu del procesu de paz colombianu.[35]

El 4 de mayu de 2019 foi víctima al pie de otros activistes d'un atentáu perpetáu con armes de fueu y granaes nel Cauca que dexó dos mancaos.[36]

Reconocencia internacional

editar

Como activista, Márquez viaxó a distintos países talos como Estaos Xuníos, Ecuador, Panamá, Méxicu, Cuba, Suiza y Francia pa llevar a la conocencia internacional les violaciones sistemátiques a los drechos humanos a les que foi sometíu'l pueblu afrocolombianu, y pa resaltar la resistencia y la llucha por permanecer nos territorios reconocíos como ancestrales.

Márquez participó en distintos foros y conferencies en delles universidaes, y xuntes con parllamentarios del Congresu de los Estaos Xuníos, n'instituciones gubernamentales y non gubernamentales, y eventos académicos esponiendo la so visión sobro cómo funciona'l racismu estructural en Colombia, y cómo les muyeres negres "son fuertemente violentaes y los sos cuerpos usaos como preséu de guerra".[37]

Participación política

editar

Márquez Mina foi candidata a la Cámara de Representantes del Congresu de Colombia nel añu 2018, col aval del "Conseyu Comuñal del ríu Yurumanguí" pa la circunscripción especial de afrodescendientes. Nun llogró ser electa.[11]

Elecciones presidenciales de 2022

editar
 
Francia Márquez xunto con mozos simpatizantes en xunu de 2022.

N'agostu de 2020 Francia Márquez anunció que se llanzaría como precandidata a les eleiciones presidenciales de 2022 dientro de la coalición Pacto Histórico, representando al so movimientu Soy porque Somos.[38] N'abril de 2021 oficializó la so candidatura. Nel marcu de la Convención Nacional Feminista, el Movimientu feminista Estamos Listas ufiertó-y el so sofitu, y a la tamién precandidata Ángela María Robledo.[39]

N'avientu de 2021 el partíu Polo Democrático Alternativo dio-y l'aval pa participar na consulta interna del Pacto Histórico, esto dempués de que la campaña de la candidata nun llograra recoyer les firmes necesaries pa la so inscripción.[40]

En marzu de 2022 llogró una votación de más de 780.000 votos dientro de la consulta pa la eleición del candidatu presidencial de la coalición, dexándola en segundu llugar detrás del exalcalde de Bogotá, Gustavo Petro y asitiándose como la tercer votación más alta de toles consultes a nivel nacional.[12] Márquez foi considerada como "revelación electoral" per medios como Forbes Colombia y CNN.[41]

El 23 de marzu de 2022 aceptó la nominación como fórmula vicepresidencial del Pacto Histórico, acompañando a Gustavo Petro, hacia les eleiciones presidenciales de Colombia que se llevaron a cabu'l 29 de mayu de 2022. Llograron el primer llugar na primer vuelta, con una votación de más de 8 millones 500 mil votos, dándo-yos el pasu a segunda vuelta electoral del 19 de xunu.[42] Finalmente, con más de 11 millones de votos, vencen a la candidatura de Rodolfo Hernández y Marelen Castillo na votación.

Mientres la campaña popularizáronse delles frases de Márquez como «vivir sabrosu», frase de filosofía de vida del pueblu afrocolombianu que, según dixo, refiérese a «ser quien vivir ensin mieu, en dignidá y con garantía de drechos»,[43] y que foi n'ocasiones mal interpretada polos sos detractores como referencia a «vivir cómodamente y ensin esfuerciu»; esta frase terminó convirtiéndose nuno de los lemas más utilizaos nes últimes selmanes de la campaña presidencial. Asina mesmu, foi constante la referencia de Márquez a ser ella quien representaba a «los naides» o persones del común «invisibles énte l'Estáu y les élites polítiques».[44] Igualmente Márquez pronunció en dellos discursos la fras «hasta que la dignidá faigase costume» qu'amás incluyó nel so xuramentu de posesión al cargu a la vicepresidencia'l 7 d'agostu de 2022.[45]

Vicepresidenta de Colombia

editar
 
Francia Márquez tomáu xuramentu énte Gustavo Petro el 7 d'agostu de 2022.

Mientres la campaña anunciárase que Márquez taría a cargu del nuevu Ministeriu de la Igualdá, que velaría polos derechos de les muyeres, la comunidá LGBTI y la población vulnerable, amás, llucharía pola xusticia social y económica de los pueblos escluyíos.[46] Informóse que dichu ministeriu tardaría alredor de 2 años en ser creáu.[47]

En xunetu de 2022, díes antes de la so posesión, Márquez realizó visites a distintos líderes llatinoamericanos como'l presidente de Chile Gabriel Boric, d'Arxentina Alberto Fernández, el presidente de Bolivia Luis Arce, y el expresidente y candidatu presidencial Lula da Silva en Brasil.[48]

Francia Márquez asumió como vicepresidenta'l 7 d'agostu de 2022.

Distinciones

editar
  • Premiu Nacional a la Defensa de los Derechos Humanos en Colombia, categoría «Defensora del Añu» (2015)[49][50]
  • Premiu Medioambiental Goldman (2018)[8][51]
  • Top 100 de muyeres influyentes de 2019 de la BBC.[52]
  • Premiu Joan Alsina de Drechos Humanos 2019.[9] Apurríu pola Casa América Cataluña.[53]

Referencies

editar
  1. ↑ URL de la referencia: https://www.letemps.ch/sciences/dor-sang-combat-francia-marquez-terres-afrocolombiens.
  2. ↑ «Francia Marquez, une femme au cœur de la lutte afrocolombienne» (francés) (23 xunu 2017). Consultáu'l 21 xunu 2022.
  3. ↑ «BBC 100 Women 2019: Who is on the list this year?» (16 ochobre 2019).
  4. ↑ Data de consulta: 11 agostu 2022. URL de la referencia: https://ladiaria.com.uy/feminismos/articulo/2022/6/francia-marquez-la-primera-vicepresidenta-afro-y-feminista-de-colombia-vamos-las-mujeres-a-erradicar-el-patriarcado-en-nuestro-pais/.
  5. ↑ URL de la referencia: https://www.lasillavacia.com/detector-de-mentiras/detector-francia-marquez-no-se-ha-retirado-del-pacto-historico/.
  6. ↑ 6,0 6,1 The New York Times (6 de mayu de 2022). Madre adolescente. Empleada doméstica. Activista. ¿Vicepresidenta?. https://www.nytimes.com/es/2022/05/06/espanol/francia-marquez-colombia.html. 
  7. ↑ El País (Cali) (2019). Las luchas de la comunidad negra del corregimiento La Toma, en el norte del Cauca. https://www.elpais.com.co/colombia/las-luchas-de-la-comunidad-negra-del-corregimiento-la-toma-en-el-norte-del-cauca.html. 
  8. ↑ 8,0 8,1 Líder colombiana Francia Márquez gana "Nobel de medioambiente", El Espectador, consultáu'l 23 d'abril de 2018.
  9. ↑ 9,0 9,1 «Entrega del XVIII Premio Joan Alsina de Derechos Humanos a la medioambientalista colombiana Francia Márquez» (castellanu). americat.barcelona. Consultáu'l 2022-03-24.
  10. ↑ 10,0 10,1 Gobierno de Colombia (2020). «Elegido nuevo comité del Consejo Nacional de Paz». Consultáu'l 15 d'agostu de 2022.
  11. ↑ 11,0 11,1 11,2 11,3 11,4 «Biografía – Francia Márquez Mina» (castellanu). Archiváu dende l'orixinal, el 2022-03-24. Consultáu'l 2022-03-14.
  12. ↑ 12,0 12,1 France 24 (2022). Francia Márquez, de líder social a fenómeno político en las elecciones en Colombia. https://www.france24.com/es/am%C3%A9rica-latina/20220314-francia-marquez-lider-colombia-elecciones. 
  13. ↑ Proenza, Anne (5 de xunu de 2018). «D’or et de sang, le combat de Francia Marquez pour les terres des Afro-Colombiens». Le Temps.
  14. ↑ «Etnoterritorios». www.etnoterritorios.org. Consultáu'l 8 d'ochobre de 2017.
  15. ↑ rural, Semana. «Hasta los espantos se fueron» (castellanu). Semana rural. Archiváu dende l'orixinal, el 2022-03-16. Consultáu'l 2022-03-14.
  16. ↑ «¿Quién es Francia Márquez de 'Soy porque somos'?» (castellanu). Revista Diners | Revista Colombiana de Cultura y Estilo de Vida (2022-01-15). Consultáu'l 2022-03-14.
  17. ↑ «Quienes somos – Francia Márquez Mina» (castellanu). Archiváu dende l'orixinal, el 2022-11-08. Consultáu'l 2022-03-24.
  18. ↑ Francia Márquez, la mujer que puso en jaque a la minería ilegal y a las represas en Colombia y acaba de ganar el "Nobel ambiental”. BBC News Mundo. 25 d'abril de 2018. https://www.bbc.com/mundo/noticias-43879742. Consultáu'l 15 d'agostu de 2022. 
  19. ↑ Cárdenas, Hugo Mario (2020). La Toma: más que un nombre, un presagio. El País. https://tierraderesistentes.com/es/2020/03/25/la-toma-mas-que-un-nombre-un-presagio/. 
  20. ↑ El Tiempo (25 d'abril de 2018). Francia Márquez: de desplazada a ‘Nobel de medioambiente’. https://www.eltiempo.com/colombia/cali/quien-es-francia-marquez-la-mujer-que-gano-el-nobel-de-medioambiente-209858. 
  21. ↑ Las2orillas (10 de marzu de 2022). «Francia Márquez: historia de un milagro social». Consultáu'l 15 d'agostu de 2022.
  22. ↑ El Tiempo (2020). Francia Márquez fue elegida presidenta del Consejo Nacional de Paz. https://www.eltiempo.com/colombia/cali/francia-marquez-fue-elegida-presidenta-del-consejo-nacional-de-paz-508618. 
  23. ↑ VerdadAbierta (2016). «Tras acuerdo con gobierno nacional, líderes afro son amenazados en Cauca». Consultáu'l 15 d'agostu de 2022.
  24. ↑ Francia Márquez, la mujer que puso en jaque a la minería ilegal y a las represas en Colombia y acaba de ganar el premio Goldman.. BBC. https://www.bbc.com/mundo/noticias-43879742. 
  25. ↑ ¿Quién es Francia Márquez de 'Soy porque somos'?. Revista Diners. 2018. https://revistadiners.com.co/tendencias/73317_quien-es-francia-marquez-de-soy-porque-somos-pacto-historico-colombia/. 
  26. ↑ «Francia Márquez: luchar contra la minería». Consultáu'l 15 d'agostu de 2022.
  27. ↑ Las2orillas (2014). «Marcha de mujeres afro del Norte del Cauca llegó a Bogotá». Consultáu'l 15 d'agostu de 2022.
  28. ↑ 28,0 28,1 Arocha, Jaime (2014). La Marcha de los Turbantes. El Espectador. https://www.elespectador.com/opinion/columnistas/jaime-arocha/la-marcha-de-los-turbantes-column-530872/. 
  29. ↑ TV5MONDE (23 de xunu de 2014) (en francés). Francia Marquez, une femme au cœur de la lutte afrocolombienne. http://information.tv5monde.com/terriennes/francia-marquez-une-femme-au-coeur-de-la-lutte-afrocolombienne-176733. Consultáu'l 15 d'agostu de 2022. 
  30. ↑ Premio a Defensores de los DDHH en Colombia 2017. «Ganadores y ganadoras año 2015 - Premio a Defensores de los DDHH en Colombia 2017». Archiváu dende l'orixinal, el 9 de marzu de 2018. Consultáu'l 15 d'agostu de 2022.
  31. ↑ Administrator. «"We are defenders of life" – Francia Elena Márquez Mina - Latin America Working Group» (inglés). www.lawg.org. Archiváu dende l'orixinal, el 19 d'abril de 2018. Consultáu'l 25 de febreru de 2018.
  32. ↑ En La Habana no nos están escuchando”: Francia Márquez, líder afrodescendiente del Cauca. El País. 2016. https://www.elpais.com.co/judicial/en-la-habana-no-nos-estan-escuchando-francia-marquez-lider-afrodescendiente-del-cauca.html. 
  33. ↑ “En La Habana no nos están escuchando”: Francia Márquez, líder afrodescendiente del Cauca. Periferia Prensa. 2018. https://www.periferiaprensa.com/index.php/component/k2/item/2070-el-conflicto-armado-tambien-es-consecuencia-del-racismo-estructural-francia-marquez. 
  34. ↑ «“En La Habana no nos están escuchando”: Francia Márquez, líder afrodescendiente del Cauca». Consultáu'l 27 d'agostu de 2016.
  35. ↑ «Hablamos con Francia Márquez, la lideresa negra que puso contra la pared al presidente Santos». Archiváu dende l'orixinal, el 2016-08-28. Consultáu'l 27 d'agostu de 2016.
  36. ↑ «Ataque contra Francia Márquez y otros líderes sociales en Colombia deja dos heridos». www.dw.com. Deutsche Welle.
  37. ↑ Lanzas y Letras (2021). ««“El pueblo se salva a sí mismo en la medida en que asuma que es poder”: Una entrevista a Francia Márquez»». Consultáu'l 15 d'agostu de 2022.
  38. ↑ FM, La (2020-08-26). «Francia Márquez, la líder social, anuncia que se lanzará a la Presidencia» (castellanu). www.lafm.com.co. Consultáu'l 2021-04-12.
  39. ↑ «Estamos Listas: la estrategia feminista para cambiar la política» (castellanu). La Silla Vacía. Archiváu dende l'orixinal, el 2021-05-12. Consultáu'l 2021-04-12.
  40. ↑ Contreras, Alejandra Cetina (2021-12-16). «Polo Democrático anuncia apoyo a la candidatura presidencial de Francia Márquez» (castellanu). Caracol Radio. Consultáu'l 2022-02-05.
  41. ↑ Forbes Colombia (2022). Francia Márquez, la revelación de la política colombiana. https://forbes.co/2022/03/14/politica/francia-marquez-la-revelacion-afro-de-la-izquierda-y-la-politica-colombiana/. 
  42. ↑ El Espectador (23 de marzu de 2022). Es oficial: Francia Márquez será la fórmula vicepresidencial de Gustavo Petro.. https://www.elespectador.com/politica/elecciones-colombia-2022/es-oficial-francia-marquez-sera-la-formula-vicepresidencial-de-gustavo-petro/. 
  43. ↑ López Vela, Valeria (2022). Francia Márquez: trabajar para vivir sabroso. La Razón. https://www.razon.com.mx/opinion/columnas/valeria-lopez-vela/francia-marquez-vivir-sabroso-488537. 
  44. ↑ ABC.es (2022). Francia Márquez, la vicepresidenta de «los nadie» en Colombia. https://www.abc.es/internacional/abci-francia-marquez-enf-202206271748_noticia.html. 
  45. ↑ Suárez, Catalina (2022). Hasta que la dignidad se haga costumbre, una nueva era llegó: Petro presidente. W Radio. https://www.wradio.com.co/2022/08/08/hasta-que-la-dignidad-se-haga-costumbre-una-nueva-era-llego-petro-presidente/. 
  46. ↑ RCTV (2022). Francia Márquez sería también ministra de la Igualdad en eventual gobierno de Petro. https://www.rtvcnoticias.com/francia-marquez-seria-tambien-ministra-igualdad. 
  47. ↑ Ante la demora de su Ministerio propio, Francia busca una cuota en el Minciencia. La Silla Vacía. 2022. https://www.lasillavacia.com/historias/silla-nacional/ante-la-demora-de-su-ministerio-propio-francia-busca-una-cuota-en-el-minciencia/. 
  48. ↑ EFE (2022). Boric recibe a Márquez y le ofrece Chile como sede para los diálogos de paz. https://www.efe.com/efe/cono-sur/latinoamerica/boric-recibe-a-francia-marquez-tras-su-encuentro-con-lula-en-brasil/50000764-4858831. 
  49. ↑ «Premio a la Defensa DDHH» (castellanu). Archiváu dende l'orixinal, el 4 de setiembre de 2017. Consultáu'l 27 d'agostu de 2016.
  50. ↑ Semana. «La cara de la lucha afro en Cauca». El poder de las Razas Afros, Francia Márquez amenazada en Cauca. Consultáu'l 25 de febreru de 2018.
  51. ↑ Francia Márquez, la colombiana que ganó el ´Nobel de medio ambiente´, El tiempo, consultáu'l 23 d'abril de 2018.
  52. ↑ «Francia Márquez, en el top 100 de mujeres influyentes 2019 de BBC». El Tiempo (2019-10-16). Consultáu'l 2022-02-09.
  53. ↑ Casa América Cataluña (2019). «Vítores a Francia Márquez en la entrega del Premio Joan Alsina de Derechos Humanos». Consultáu'l 15 d'agostu de 2022.

Enllaces esternos

editar
Sacáu de «https://ast.wikipedia.org/w/index.php?title=Francia_Márquez&oldid=4301759»