Gliese 710
Gliese 710 (GJ 710 / HD 168442 / BD-01 3474)[1] ye una estrella na constelación de Serpens, la culiebra. Ta asitiada na so cola (Serpens Cauda), al oeste d'Alya (θ Serpentis), al nordeste de η Serpentis y al este de Cebalrai (β Ophiuchi). La so magnitú aparente ye +9,65.
 Gliese 710 | ||
|---|---|---|
| Datos d'observación (Dómina J2000) | ||
| Constelación | Serpens | |
| Ascensión reuta (α) | 18h 19min 50,8s | |
| Declinación (δ) | -01º 56’ 19’’ | |
| Mag. aparente (V) | +9,65 a +9,69 | |
| Carauterístiques físiques | ||
| Clasificación estelar | Nana naranxa | |
| Tipu | K7Vk | |
| Masa solar | ~ 0,42 M☉ | |
| Radiu | (~ 0,67 R☉) | |
| Índiz de color | +1,23 (U-B) | |
| Magnitú absoluta | +8,7 | |
| Lluminosidá | 0,042 L☉ | |
| Temperatura superficial | 4130 K | |
| Astrometría | ||
| Mov. propiu n'α | +1,15 mas/añu | |
| Mov. propiu en δ | +1,99 mas/añu | |
| Velocidá radial | -13,8 km/s | |
| Distancia | 63,0 años lluz (19,6 ± 0,6 pc) | |
| Paralax | 51,12 ± 1,63 mas | |
| Referencies | ||
| SIMBAD | enllaz | |
| Otres designaciones | ||
| GJ 710 / Gl 710 / BD-01 3474 / HIP 89825 / HD 168442 / O449 / Vys/McC 63 / NSV 10635 | ||
| [editar datos en Wikidata] | ||
Gliese 710 ye una nana naranxa de tipu espectral K7V[2] con una temperatura efectivo de 4130 K.[3] Tien una masa d'aproximao 0,42 mases solares, un radiu de 0,67 radios solares y una lluminosidá d'apenes el 4,2% de la del Sol. Ye una posible estrella variable que recibe la denominación de NSV 10635.[4]
Anque Gliese 710 alcuéntrase a unos 63,0 años lluz de distancia del Sistema Solar, el so movimientu propiu, distancia y velocidá radial —basaos nos últimos datos del satélite Hipparcos— indiquen que Gliese 710 va averar a 1,1 años lluz (70.000 UA) de la Tierra nos próximos 1,4 millones d'años.[5] Cuando tea a mínima distancia de la Tierra va ser una estrella de primer magnitú con un rellumu comparable al d'Antares (α Scorpii).[4]
Nel intervalu de tiempu de ± 10 millones d'años dende'l presente, Gliese 710 ye la estrella que la so combinación de masa y distancia va causar una mayor perturbación gravitatoria nel Sistema Solar. En concretu, va tener el potencial d'alteriar la Nube d'Oort lo suficiente como pa unviar una agua de cometes escontra'l sistema solar interior. Sicasí, estudios recién señalen que namái va suponer l'apaición d'un nuevu cometa per añu y que la medría neta nel riesgu d'impautu astronómicu nun va ser detectable.[5]
Referencies
editar- ↑ HD 168442 -- Variable Star (SIMBAD)
- ↑ Gray, R. O.; Corbally, C. J.; Garrison, R. F.; McFadden, M. T.; Robinson, P. Y. (2003). «Contributions to the Nearby Stars (NStars) Project: Spectroscopy of Stars Earlier than M0 within 40 Parsecs: The Northern Sample. I.». The Astronomical Journal 126 (4). páxs. 2048-2059. http://cdsads.u-strasbg.fr/cgi-bin/nph-bib_query?2003AJ....126.2048G&db_key=AST&nosetcookie=1.
- ↑ Morales, J. C.; Ribas, I.; Jordi, C. (2008). «The effect of activity on stellar temperatures and radii». Astronomy and Astrophysics 478 (2). páxs. 507-512 (Tabla consultada en CDS). http://cdsads.u-strasbg.fr/cgi-bin/nph-bib_query?2008A%26A...478..507M&db_key=AST&nosetcookie=1.
- ↑ 4,0 4,1 «Gliese 710. Solstation». Archiváu dende l'orixinal, el 2021-03-30.
- ↑ 5,0 5,1 García-Sánchez, J.; Weissman, P. R.; Preston, R. A.; Jones, D. L.; Lestrade, J.-F.; Latham, D. W.; Stefanik, R. P.; Paredes, J. M. (2001). «Stellar encounters with the solar system». Astronomy and Astrophysics 379. páxs. 634-659. http://cdsads.u-strasbg.fr/cgi-bin/nph-bib_query?2001A%26A...379..634G&db_key=AST&nosetcookie=1.
Coordenaes: 
18h 19m 50.841s, -1° 56′ 19.005″
Datos: Q1062319
