Héroe de la Xunión Soviética
Esti artículu o seición necesita un ameyoramientu no que cinca a la redaición, la gramática o la ortografía. |
Héroe de la Xunión Soviética (Герой Советского Союза, Guerói Sovétskogo Soyuza) yera'l más altu títulu honorariu y el grau de distinción superior de l'antigua XRSS. Incluyía la Orden de Lenin y, como señal d'escelencia, la medaya de la Estrella Dorada col certificáu de la fazaña (gramota), concedíu pol Presidium del Sóviet Supremu de la XRSS. El gallardón foi establecíu'l 16 d'abril de 1934.
| Héroe de la Xunión Soviética | |
|---|---|
distinción a la valentía (es)  , títulu honoríficu y altos honores de la Unión Soviética (es) | |
 | |
| Direición | Xunión Soviética |
| Historia | |
| Fundación | 16 abril 1934 |
| Participación empresarial | |
| Formáu por |
Estrella de Oro (es) Orde de Lenin |
 | |
Recibiéronlu más de 12.500 persones, la gran mayoría na Gran Guerra Patria (11.635 Héroes de la XRSS, 101 en dos ocasiones, 4 en trés ocasiones y 2 en cuatro ocasiones). Un héroe famosu foi Alexander Matrosov que recibió póstumamente la distinción por morrer al bloquiar una ametralladora enemiga col so propiu cuerpu. Tamién recibió la condecoración a títulu póstumu l'español Rubén Ruiz Ibárruri, únicu fíu home de Dolores Ibárruri La Pasionaria, cayíu demientres la durísima batalla pol control de la estación central de Stalingráu.
Los primeros en recibir la distinción foren los pilotos Liapidevsky, Levanevsky, Vasili Molokov, Mavrikiy Slepnev, Nikolai Kamanin, Ivan Doronin y Vodopianov, que participaron na búsqueda y rescate de la tripulación del vapor Cheliuskin, que se fundió n'agües ártiques el 13 de febreru de 1934.
Hai casos estraños, como'l de Lev Shestakov que reclamó'l títulu al presentar pruebes de que derribara y diera muerte a Hans-Ulrich Rudel, l'as de Stuka que fizo españar al acorazáu rusu Marat en Kronstad-Leningráu.
Shestakov que taba de patrulla observó l'aterrizaxe d'emerxencia d'un Stuka y dempués cuando yá s'acercaben vio otru Stuka aterrizar, asina qu'él y los sos soldaos apuraren el pasu, pues los blancos víense "interesantes".
Al llegar al sector onde aterrizaron los alemanes vio que los dos aparatos taben en llames y a les sos respeutives tripulaciones correr al escape, Shestakov reconoció qu'unu de los aparatos yera'l de Rudel, al que-y se punxera preciu a la so cabeza, asina que salieron entusiastamente na so persecución por espaciu de 6 km, un de los tiradores rusos abatió a un pilotu y firió gravemente'l so ametrallador, la otra pareya siguió la so escapadera hasta algamar el Dniester, al llegar a la orilla nun pudieron ver a naide na otra orilla, asina que Shestakov asumió que'l pilotu abatíu podía ser Rudel, asina que tomó partes del Stuka de Rudel y otres pruebes y pomposamente reclamó'l premiu ofrecíu por Stalin y títulu al presentase como'l rusu que derribó a Rudel y lu mató, recibiendo'l tratu de noble Shestakov y Héroe de la Xunión Soviética. Ensín querer, Rudel que sobrevivió al cruce del Dniester y llogró llegar a les sos llinies(non asina el so ametrallador Henschel) dio a Shestakov una les más altes condecoraciones ruses.
Depués de la dixebra de la Xunión Soviética, a fines de 1991, el títulu d'Héroe de la Xunión Soviética foi asocedíu en Rusia pol d'Héroe de la Federación Rusa, n'Ucraína pol d'Héroe d'Ucraína y en Bielorrusia pol d'Héroe de Bielorrusia.
Referencies
editarEnllaces esternos
editar
Wikimedia Commons acueye conteníu multimedia sobre Héroe de la Xunión Soviética.
Datos: Q178473- Multimedia: Hero of the Soviet Union
