Ilíada

poema épicu atribuyíu a Homero
Wikipedia:Wikipedia:Llista d'artículos que toa Wikipedia tien que tener/Archivu

La Ilíada considérase'l poema épicu más antiguu na lliteratura occidental. El so autor ye Homero, y ta escritu n' hexámetros dactílicos, nel sieglu VIII e.C.. Tien 15.690 versos, que fai tiempu (dica'l sieglu VI e.C.) s'iguaron en 24 llibros, y esta división respetóse hasta anguaño cásique ensin cambéu nengún.

Ilíada
AmbrosianIliadPict47Achilles.jpg
poema épicu
Datos
Autor Homero
Xéneru épicu y épica
Llingua de la obra griegu homéricu y griegu antiguu
País orixinal Bandera de Grecia Antigua Grecia
Serie de llibros Ciclu troyanu
Personaxes Héctor (es) Traducir
Andrómaca (es) Traducir
Eris
Q65770432 Traducir
Q65770448 Traducir
Ares
Q65770440 Traducir
Dione
Leto (es) Traducir
Escamandro (es) Traducir
Atenea
Poseidón
Hera
Hefesto
Hermes
Tetis (es) Traducir
Zeus
Peón (es) Traducir
Iris (es) Traducir
Hebe (es) Traducir
Moires
Hipnos (es) Traducir
Aquiles
Agamenón
Áyax el Menor (es) Traducir
Áyax el Grande (es) Traducir
Asteropeo (es) Traducir
Calcas (es) Traducir
Casandra (es) Traducir
Deífobo (es) Traducir
Diomedes (es) Traducir
Dolón (es) Traducir
Hécuba (es) Traducir
Helena (es) Traducir
Enees
Glauco (es) Traducir
Macaón (es) Traducir
Menelao (es) Traducir
Mirmidones (es) Traducir
Néstor (es) Traducir
Pándaro (es) Traducir
Paris (es) Traducir
Patroclo (es) Traducir
Polipetes (es) Traducir
Príamo (es) Traducir
Reso de Tracia (es) Traducir
Sarpedón (es) Traducir
Odiseo
Eudoro (es) Traducir
Alcimedonte (es) Traducir
Menestio (es) Traducir
Peisander and Hippolochus (en) Traducir
Acamante (es) Traducir
Cipria Ilíada Etiópida (es) Traducir y Posthoméricas (es) Traducir
Cambiar los datos en Wikidata

El poema cuenta coses sobre la guerra ente griegos (llamaos aqueos nel llibru) y troyanos, que supuestamente pasaren nel sieglu XII e.C.; poro, 400 años enantes d'Homero. Probablemente tolos personaxes seyan inventaos, anque la hestoria ye verosímil; por exemplu, l'autor pon curiáu en non falar del fierru, que nun se descubriera na dómina de la Ilíada, anque sí yera ya conocíu na dómina d'Homero, y cásique toles referencies a metales y armes falen de bronce.

La ciudá de Troya conózse tamién col nome de Ilión, y por eso el poema se titula la Ilíada.

ArgumentuEditar

La hestoria de la Ilíada pue decise que ye la hestoria de la cólera de Aquiles, ún de los personaxes, un guerreru perimportante na so dómina. Desendólcase durante'l décimu añu na guerra. Aquiles fora pa Troya con una enorme flota de barcos griegos pa lluchar contra los troyanos; el xefe principal d'esta flota yera Agamenón, el rei más importante. El rei de los troyanos, Príamo, tenía dos fíos: Héctor y Paris. Paris raptara a Helena, la muyer de Menelao, que yera l'hermanu de Agamenón. Asina, la guerra de Troya sería una guerra enre troyanos y griegos, ente otres coses pol honor de Menelao. Los griegos nun pudieron ganar a los troyanos dafechu, y entamaron un sitiu a la ciudá, que se mantuvo durante munchos años, con escaramuces y batalles.

Aquiles enfádase porque quíten-y una esclava que él capturara, Briseida, y entós dexa de lluchar y retírase pa la so tienda. Cuandu na guerra Héctor mata a Patroclo, el meyor amigu de Aquiles, esti enfádase y decide volver a la llucha.

Anque cuandu se fala de Troya se piensa immediatamente nel caballu de madera nel que se diz qu'entraron los soldaos griegos escondíos pa abrir les puertes de la muralla, esti episodiu nun se cuenta na Ilíada (que termina enantes de que pasen estes coses), nin na Odisea, otru poema d'Homero que ye la continuación de la Ilíada, sinon na Eneida, escrita pol romanu Virxiliu munchos años dempués.

Hai que decir que la hestoria nun ye namás una narración de los fechos rellacionaos cola llucha. Hai munches descripciones, enforma detallaes; por exemplu, ye famosa la descripción de los barcos de la flota, que dan munches idees sobre los participantes na guerra y sobre aquella dómina en xeneral. Tamién tienen muncha importancia los sentimientos y les pasiones humanes, y tienen un papel perimportante los dioses, que colos sos caprichos influyen na hestoria constantemente y son personaxes tan presentes comu los guerreros.

HistoriaEditar

Hebo muncha discusión sobre munchos aspeutos de la Ilíada. Lo primero, a propósito del autor, porque nun se sabía seguro si Homero yera una presona real o el poema fuera obra de estremaos poetas, tresmitíu oralmente. Anguaño considérase que sí, que Homero esistió y yera un personaxe hestóricu real.

Otra cosa que foi duldosa por munchu tiempu foi si Troya esistió de verdá o non. Na Ilíada fálase de una ciudá asitiada nel Helesponto, y na década de 1870 l'arqueólogu alemán Heinrich Schliemann alcontró na actual Turquía les ruines superpuestes d'una ciudá que güei s' almite que yera la Troya d'Homero. Asina, paez que anque la Ilíada seya ficción, básase en fechos reales y recueye elementos tresmitíos oralmente sobre una guerra que se desendolcó n'aquella zona na dómina en que se ambienta'l poema.

Enllaces esternosEditar