Islla Perejil
Esti artículu o seición necesita un ameyoramientu no que cinca a la redaición, la gramática o la ortografía. |
La islla de Perejil[1] ye un isllote asitiáu nel estrechu de Xibraltar (ente'l mar Mediterraneu y l'océanu Atlánticu), a unos 200 metros de la costa continental de Marruecos y a unos 8 km al noroeste del centru urbanu de la ciudá española de Ceuta. Per un tiempu, apaeció nos mapes como punta Alemán por mor de que nella repostaben, supuestamente, somarinos y barcos alemanes alloñaos de les sos bases nes dos Guerres Mundiales.
| Islla Perejil | |
|---|---|
| Isla Perejil (es) | |
 | |
| Situación | |
| Monarquía constitucional |  Marruecos |
| Rexón | Tánger-Tetuán-Alhucemas (es)  |
| Tipu | castru |
| Asitiáu en | Mar d'Alborán |
| Coordenaes | 35°54′50″N 5°25′07″W / 35.9139°N 5.4186°O |
  Islla Perejil Islla Perejil (España) | |
| Datos | |
| Altitú media | 74 m |
| Superficie | 0,15 km² |
| Población | 0 |
| Fusu horariu | UTC+01:00 |
| Llonxitú | 0,4 km |
 | |
Anguaño alcuéntrase despoblada y ensin qu'heba señal dala de soberanía pela parte de los dos países que la reclamen (España y Marruecos). España sostién que l'isllote ye parte d'España. Sicasí, la so situación xurídica ye escura, pues oficialmente nun ye parte nin de la ciudá autónoma de Ceuta[2] nin consideráu plaza de soberanía. Pa Marruecos la so soberanía nun ufre duldes xurídiques y ye parte del so territoriu nacional poro, disputa la so posesión a España, lo que dio llugar a un famosu incidente en 2002. Tres d'esti incidente, dambos países firmaron una nota na que se comprometíen a tornar a la situación anterior al incidente, de manera que l'isllote yera desaloxáu ensin abandonar dengún d'ellos les sos pretensiones.[3]
Datos xeográficos
editar- Coordenaes xeográfique: llatitú: 35° 54' 48,11" N, llonxití 5° 25' 03,34" O
- Estensión: tien unos 500 m de llargu por 300 m d'anchu.
- Altitú máxima: de relieve mui accidentáu, el puntu más eleváu ye'l peñatu que s'atopa a 74 msnm
Una canal de media milla sepárala del continente. La fondura del augua embaxo d'ella llega a los 20 ó 30 metros. Ente la islla y la tierra firme, ta'l fondeaderu de Perejil que pue abellugar pequeñes embarcaciones, y que foi emplegáu polos pescadores qu'énte'l mal tiempu andaben a la gueta de proteición y tamién por contrabandistes qu'atopaben abellugu énte la belicosidá de los habitantes próximos.
Na costa Este apaecen dos pequeñes badíes, llamaes la más septentrional del Rei y la más meridional de la Reina. Cercana d'esta, atópense los restos d'una torre y d'un alxibe, fechos polos portugueses. La islla tien una cuova abondo grande como p'abellugar a 200 persones.
La islla nun ta anguaño habitada, cuasi nun tien flora o fauna. Y les sos temperatures anden ente los 15 °C n'iviernu y los 40 °C en branu.
Soberanía
editarTres de la llegada d'un grupu de xendarmes marroquinos al isllote en 2002, rellevaos darréu por infantes de marina y llueu desaloxaos por tropes españoles, Perejil tornó a quedase ermo (statu quo ante), nun habindo tratáu billateral o u multillateral qu'alcuerde quién tien la soberanía nel isllote. El tratáu d'independencia de Marruecos nin siquier ta mentáu.
La mayoría de la población española innoraba dafechu la so esistencia hasta que'l 11 de xunetu de 2002 un grupu de 6 xendarmes marroquinos instalaron tiendes de campaña nuna pequeña esplanada asitiada ente les paredes de roca de la islla, según Marruecos pa usala como observatoriu escontra la inmigración illegal y el tráficu de drogues. Esti fechu provocó l'incidente diplomáticu.[4] Los más de los países de la Xunión Europea sofitaron a España ensin reserves cola esceición de Francia y Portugal. Na mañana del 17 de xunetu, na denomada Operación Romeo-Sierra, códigos radiofónicos de les lletres R y S, Recuperar Soberanía, d'un coste de cuasi un millón d'euros[5], los 6 soldaos marroquinos que sustituyeron a los xendarmes fueron desaloxaos ensin plantegar resistencia dala por tropes pertenecientes al Mandu d'Operaciones Especiales (MOE) del Exércitu de Tierra, nuna aición conxunta cola Armada, que desplegó abondos buques, y l'Exércitu del Aire, que-y di ocobertura con aviones F/A-18 con base en Morón, Sevilla. Llevaron a los xendarmes marroquinos n'helicópteros a la Comandancia Xeneral de la Guardia Civil de Ceuta, dende onde los devolvieron a la llende con Marruecos. A lo llargo d'esi mesmu día, les tropes especiales españoles van ser sustituyíes por miembros de la Lexón que van caltenese nel isllote hasta que Marruecos, al traviés de los Estaos Xuníos, alcordó'l retornu al statu quo previu al 11 de xunetu na islla, que quedó otra vegada erma.
Naquel entós, apuntóse como causa principal del incidente la reclamación marroquina de Ceuta y Melilla. De fechu, estremaos analistes apuntaron que la desproporción de la fuercia militar emplegada por España pa recuperar l'isllote llevaba arreyada una alvertencia implícita a Marruecos con respeutu a les sos reclamaciones sobro les dos ciudaes norteafricanes como posible maniobra de distraición sobro la situación nel antiguu Sáḥara Español y d'esti mou poder incumplir les resoluciones al respeutive que tomare a lo cabero la ONX y el so Conseyu de Seguranza.
L'interés estratéxicu del isllote ye abondo duldoso si tenemos en cuenta la teunoloxía militar d'anguaño. Otra esplicación del incidente son los supuestos yacimientos petroleros na zona.
Referencies
editar- ↑ El nome paez que deriva de Pérez Gil. N'árabe llámenla Turah, pallabra que vien del bereber Tura, pero en Marruecos llámenla Leila, que quier dicir "nueche".
- ↑ Pascual Madoz indicaba que pertenencia ensin dulda dala a Ceuta y a España, pero, por abandonala nel sieglu XVIII y a entamos del XIX, nunca nun apaeció nin nos trataos nin nos acuerdos. (Diccionario Geográfico-Estadístico-Histórico de España y sus posesiones de ultramar. Madrid, 1848, Voz: «Ceuta»). D'otra miente, el proyeutu d'estatutu d'autonomía de Ceuta incluyía l'isllote como territoriu de la ciudá, pero esto retiróse énte les protestes de Marruecos.
- ↑ La nota pue consultase na páxina del Ministeriu d'Asuntos Esteriores d'España:Los ministros d'Asuntos Esteriores del Reinu d'España y del Reinu de Marruecos confirmaron formalmente l'alcuerdu pa restablecer y caltener la situación al respeutive de la islla de Perejil/Toura qu'había con anterioridá al mes de xunetu de 2002, como interpretó'l secretariu d'Estáu de los Estaos Xuníos d'América, señor Colin Powell, el día 20 de xunetu de 2002.
Les actuaciones d'entrambes aprtes nesti sen nun prexulgarán les posiciones respeutives en rellación col status de la islla. Dambes partes van aplicar esti entendimientu de bona fe.
Dambes partes alcordaron tamién abrir un diálogu francu y sinceru col envís de reforzar les rellacioens billaterales. Con esti enfotu, dambos ministros decicieron aconceyar en Madrid en setiembre de 2002.
- ↑ «Archived copy». Archiváu dende l'orixinal, el 2007-08-23.
- ↑ El Gobiernu asegura que la invasión de Perejil costó menos d'un millón d'euros, noticia del diariu El País, 7 de febreru de 2003
Enllaces esternos
editar- (castellán) Semeya aérea Archiváu 2007-09-29 en Wayback Machine
- (castellán) Cronoloxía de la crisis de Perejil, na web de CNN+ Archiváu 2005-02-09 en Wayback Machine
- (castellán) «El falso contencioso de la Isla Perejil» Archiváu 2006-06-14 en Wayback Machine, artículu de María Rosa de Madariaga nel diariu El País, 17 de xunetu de 2002.
- (castellán) «Memoria histórica y rellaciones hispano-marroquíes», artículu de Juan B. Vilar, nel diariu El País, 8 d'agostu de 2002, en rempuesta al anterior.
- (castellán) «Más dudas que certezas», artículu de Luis Matías López nel diariu El País, 19 de xunetu de 2002.
- (castellán) «Aspectos históricos del conflicto de la Isla del Perejil» Archiváu 2007-09-27 en Wayback Machine, analís de Dionisio García Flórez pal Real Institutu Elcano (14 de xunetu de 2002)
- (castellán) «Les pretensiones de Marruecos sobre los territorios españoles del norte d'África (1956-2002)» Archiváu 2006-09-10 en Wayback Machine, Documento de Trabajo (DT) nᵘ 15/2004 de xunetu D. González Campos (16 d'abril de 2004) pal Real Institutu Elcano (14 de xunetu de 2002)
- (castellán) «A propósito de la soberanía sobre el islote de Perejil» Archiváu 2007-07-05 en Wayback Machine, artículu de Jaume Saura Estapà na Revista Electrónica de Estudios Internacionales (2002).
- (castellán) Comunicáu conxuntu hispano-marroquín de 22 de xunetu de 2002
- (en francés) Puntu de vista marroquín sobro'l conflictu de la Islla de Perejil Archiváu 2007-09-27 en Wayback Machine
Datos: Q191750
Multimedia: Isla Perejil
