Islles Vírxenes Americanes

Islles Vírxenes Americanes
	territorios ensin incorporar de los Estaos Xuníos
Bandera de les Islles Vírxenes Americanes
Himnu nacional	Virgin Islands March (es) ;
Alministración
Nome oficial	U.S. Virgin Islands (en); Panenské ostrovy Spojených štátov (sk); Amerikanesch Joffereninselen (lb)
ISO 3166-2	VI
Capital	Carlota Amalia
Gobernador de les Islles Vírxenes Americanes	Albert Bryan Jr. (dende 7 xineru 2019)
Llingües oficiales	inglés
Xeografía
Coordenaes	18°20′00″N 64°50′00″W / 18.33333°N 64.83333°O
Superficie	346.36 km²
Llenda con	Islles Vírxenes Britániques y Puertu Ricu
Puntu más altu	Crown Mountain (en)
Puntu más baxu	Mar Caribe
Demografía
Población	87 146 hab. (2020)
Densidá	251,61 hab/km²
Esperanza de vida	79,26829 años
Tasa de fertilidá	1,75 (2014)
Economía
Moneda	dólar de los Estaos Xuníos
Más información
Dominiu d'Internet	.vi (es)
Códigu telefónicu	+1340
Códigu ISO	850 / VIR / VI
Estaya horaria	UTC−04:00
	vi.gov

Les Islles Vírxenes Americanes^[1] son un piñu d'islles asitiaes nel Caribe, dependientes d'Estaos Xuníos d'América. Estes islles son parte del archipélagu de les Islles Vírxenes; y acueye cuatro islles principales (Saint Thomas, Saint John, Saint Croix y Water Island) amás de delles islles menores. Les Islles Vírxenes de los Estaos Xuníos tán incluyíes na llista de les Naciones Xuníes de territorios non autónomos. Ye l'únicu territoriu norteamericanu onde se conduz pela izquierda.

Historia

Les Islles Vírxenes tuvieren habitaes por delles grées indíxenes, especialmente los ciboney, los caribes y los arawaks. El navegante Cristóbal Colón columbró estes islles en 1493 mientres el so segundu viaxe, y llamóles asina n’honor de Santa Úrsula y les so vírxenes. Nos trescientos años siguientes, l'alministración destes islles recayó en dellos colonizadores europeos: España, o Reinu Xuníu, los Países Baxos, Francia, la Orde de Malta y Dinamarca.

La Compaña Danesa de les Indies Occidentales llegó a la islla de Saint Thomas en 1672 y a Saint John en 1694. En 1733, los daneses compraren la islla de Saint Croix a los franceses. En 1754, les islles convirtiérense nuna colonia del Reinu, llamada Jomfruøerne. La colleta da caña d'azucre por esclavos dirixó la economía de les islles nos sieglos XVIII y XIX, hasta l'abolición de la esclavitú decretada pol gobernador Peter von Scholten, el 3 de xunetu de 1848.

Mientres la guerra de submarínos na Primer Guerra Mundial, Estaos Xuníos, temiendo una posible captura de les Islles por cuenta d'Alemaña pa usales como base naval, presionó al Reinu de Dinamarca para que-y vendiere'l territoriu. Temiendo que si Alemaña invadiere Dinamarca, Estaos Xuníos conquistaría les islles, el país nórdicu aceptó la ufierta. El 17 de xineru de 1917, Estaos Xuníos compró el territoriu de les Indies Occidentales Daneses por 25 millones de dólares, garrando posesión el 31 de marzu. En 1927, Estaos Xuníos decretó la ciudadanía a tolos habitantes de les islles.

Gobiernu y política

Les Islles Vírxenes d'Estaos Xuníos son un territoriu organizáu non amestáu a Estaos Xuníos d'América. Magar que son cidadanus estauxunidenses, nun pueden votar nes eleiciones presidenciales d'Estaos Xuníos.

Los principales partidos políticos son el Partíu Demócrata de les Islles Vírxenes, el Movimientu de Ciudadanos Independentes y el Partíu Republicanu de les Islles Vírxenes.

Nel ámbitu nacional, escueyen un Representante al Congresu de los Estaos Xuníos de les Islles Vírxenes d'Estaos Xuníos como delegáu al Congresu d'Estaos Xuníos. Con tou, el delegáu ellixíu nun tien derechu a votu nel Congresu.

Nel ámbitu territorial, quince senadores - siete del distritu de Saint Croix, siete del distritu de Saint Thomas y Saint John, y un senador que ha ser residente de Saint John - son ellixíos por un tiempu de dos años a la Llexislatura unicameral de les Islles Vírxenes. Les islles ellixeren un Gobernador de les Islles Vírxenes d'Estaos Xuníos cada cuatro años dende 1970. Enantes los gobernadores yeren escoyíos pol Presidente de los Estaos Xuníos.

Les islles tienen un Tribunal de Distritu y un Tribunal Superior. Los xueces son escoyíos pol Presidente y el Gobernador respeutivamente. El Congreso d'Estaos Xuníos organizó dellos referendos llocales p'aidar nel autodetermín de les islles. Mesmo que Puerto Rico, los residentes tuvieren la escoyeta de la independencia, statu quo, o la escoyeta de ser Estáu; con tou, estes medíes fallaren, lo que fizo que sigan col status actual.

Organización político-alministrativa

Nun hay una xebra política de primer orde establecía pol gobiernu; pero hay tres islles de segundu orde: Saint Croix, Saint John y Saint Thomas.

Xeografía

Les Islles Vírxenes d'Estaos Xuníos tán allugaes ente’l Mar Caribe y l'Océanu Atlánticu, a 80,5 km al este de Puertu Ricu. El territoriu inclúi cuatro islles principales: Saint Thomas, Saint John, Saint Croix y Water Island, asina como un garapiellu de pequeñes islles.

Son conocíes poles sos playes d'arena blanco (Magens Bay y Truk Bay) y los sos puertos estratéxicos, incluíndo Charlotte Amalie y Christiansted. Munches de les islles son d'orixe volcánicu y montesu. El finxu más altu ye Crown Mountain (474m) en Saint Thomas. Saint Croix, la más grande de les islles, alcuéntrase al sur y tien un terrén planu. El Serviciu Nacional de Parques poseye más de la metada de la islla de Saint John, al redor de tola islla Hassel, y delles árees de roncheles de coral.

Les islles atópense na llende de la Placa Norteamericana y la Placa del Caribe. Ocurren fenómenos naturales como terremotos, furacánes y tsunamis.

Economía

El turismu ye l'actividá económica primaria. Reciben davezu dos millones de visitantes por añu. El sector manufactureru ufre depuración de petroleu, textiles, electrónica, destilación de ron, farmacéutica, y plantes d'ensamblaxe de reloxes. L’agricultura ye probe lo que fai que l'alimentu seya importáu. Los negocios internacionales y servicios financeiros son reducidos pero tán volviéndose nun componente’n crecemientu de la economía. Una de les refineríes de petroleu más grande del mundiu tá allugada’n Saint Croix.

Les islles tán sometíes a tones tropicales y furacanes. Va poco, los furacanes Hugo en 1989 y Marilyn en 1995 produxeren perimportantes daños económicos.

Demografía

La mayoría de la población ye d'orixe africanu (80%). Hai tamién blancos estadunidenses e europeos (15%), asina como una pequeña población portorricana (5%).

A población de cultu cristianu protestante ye la mayoritaria, destacándo les Ilesia Bautista (42%) y la Ilesia Episcopal (17%). Ente les minoríes relixoses la Ilesia Católica ye la más importante (34%).

L’idioma oficial, más estendíu ye l'inglés, qu'algama al 80% de la población. D’otru llau l'idioma español ye falao pol alredor del 15% (inmigrantes de Puerto Rico y la República Dominicana). Hay amás inmigrantes de les islles de Dominica y Saint Lucia que falen llingües criolles derivaes del francés. Muncha población fala tamién una llingua criolla viniente del inglés.

Llendes

Fai frontera marítima, al este, coles Islles Vírxenes Britániques y al oeste, con Puertu Ricu. Les principales islles, allende Saint Croix, son Saint John e Saint Thomas.

Referencies

↑ (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.

Enllaces esternos

Sitiu web oficial (n'inglés)

Islles Vírxenes Americanes n'OpenStreetMap.

[Cartafueyu_países-1] (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.

[1]