Jack Nance

John Nance, (21 d'avientu de 1943, Boston – 30 d'avientu de 1996, South Pasadena ^(es) ) conocíu profesionalmente como Jack Nance, foi un actor de cine y teatru estauxunidense. Ye sobremanera conocíu pol so trabayu col direutor cinematográficu David Lynch y taba especializáu en papeles de personaxes excéntricos.

Jack Nance
Vida
Nacimientu	Boston, 21 d'avientu de 1943
Nacionalidá	Estaos Xuníos
Llingua materna	inglés
Muerte	South Pasadena (es) , 30 d'avientu de 1996 (53 años)
Causa de la muerte	hematoma (es)
Familia
Casáu con	Catherine Coulson (1968 – 1976) Kelly Jean Van Dyke (1991 – 1991)
Estudios
Estudios	South Oak Cliff High School (en)
Llingües falaes	inglés
Oficiu	actor, actor de teatru, actor de televisión, actor de cine
IMDb	nm0620756

El so nome de nacencia ye Marvin John Nance, nació en Boston el 21 d'avientu de 1943, pero crióse en Dallas. Trabayó por un tiempu nel American Conservatory Theater en San Francisco. Nos 70s, Nance conoció al direutor David Lynch, quien lo contrató como protagonista de la so estravagante película independiente Eraserhead.

El papel de Nance incorporando al neuróticu Henry Spencer ye un iconu del cine de cultu. Yá nesa dómina empezó a tener serios problemes col alcohol. Mientres el rodaxe de Blue Velvet, tamién con David Lynch, Nance pidió conseyu sobre'l particular al rehabilitáu actor Dennis Hopper. Nesi entós, Nance taba casáu cola actriz Catherine Coulson (la futura "Log Lady" en Twin Peaks), pero divorcióse en 1976.

Nance casóse darréu, en mayu de 1991, cola actriz porno Kelly Jean van Dyke (nome artísticu Nancee Kellee). Kelly yera fía del actor Jerry Van Dyke (hermanu menor del famosu protagonista del filme Mary Poppins, Dick Van Dyke) y sufría de drogodependencia.

El so matrimoniu terminó trágicamente col suicidiu de Kelly, por aforcamientu, el 17 de payares de 1991. Nance, quien naquellos momentos participaba na filmación de la película Meatballs 4, cuntaría-y al so hermanu qu'aquel día (un día de nube), él faló per teléfonu cola so muyer tratando de consolala; Kelly prometiólu que si colgaba'l teléfonu mataríase, pero una avería de les llinies por causa de la nube cortó la comunicación, y ella llevó a cabu la so promesa.

N'años posteriores, Nance dexóse crecer un llamativu bigotito blancu que se convirtió en distintivu so en munches películes, xunto cola so peculiar sorrisa siniestra y les sos ojillos enigmáticos. Nance permaneció siempres en bonos términos con Lynch, quien lo contrató pa munchos de los sos proyeutos:

• Dune: un pequeñu papel como'l Capitán Nefud de l'Harkonnen.
• Blue Velvet: un papel de repartu como Paul, el respigante amigu del villanu interpretáu por Dennis Hopper.
• The Cowboy and the Frenchman: como Pete, unu de los vaqueros.
• Twin Peaks: Pete Martell, l'home de la serrería.
• Wild at Heart: un pequeñu papel como l'estrañu '00 Spool'.
• Lost Highway: Phil el mecánicu.

Jack Nance morrió en Pasadena del Sur, California, el 30 d'avientu de 1996 baxu misterioses circunstancies. Los informes oficiales señalaron que'l temperamental actor viose envolubráu nuna engarradiella nel esterior del establecimientu Winchell's Donuts, na mañana del día 28 d'avientu, engarradiella na cual recibió serios traumatismos nel craniu que-y causaron un hematoma cerebral, resultando na so muerte dos díes depués.

Sicasí, dellos conocíos de Nance duldaron d'esta versión, afirmando que l'actor yera un bultable insomne, y que fuera bien inusual atopalo despiertu a la temprana hora en que se producieron los fechos.

Enllaces esternos

• Jack Nance n'Internet Movie Database
• Jack Nance en Find A Death Archiváu 2009-01-19 en Wayback Machine
• Jack Nance en Find-A-Grave

• Datos: Q386349
• Multimedia: Jack Nance