Boston

Boston ye la capital y ciudá más poblada de Massachusetts, y una de les ciudaes más antigües de los Estaos Xuníos. Al tratase de la ciudá más poblada de Nueva Inglaterra, Boston ye considerada'l centro económicu y cultural de la rexón y ye referida n'ocasiones como la "Capital de Nueva Inglaterra" de manera non oficial. En 2008 la ciudá contaba con una población de 645.169 habitantes. Boston ye, tamién, el centro neurálxicu `'un área metropolitana considerablemente grande denominada Gran Boston, con una población de 4,5 millones d'habitantes, la décima mayor área metropolitana de la nación. El Gran Boston, como rexón a la que se desplacen multitú de trabayadores, incluye siete condaos de Massachusetts, tou Rhode Island y partes de New Hampshire; colo que suma un total de 7,5 millones d'habitantes, polo que esta Área Estadística Combinada ye la quinta de los Estaos Xuníos por población.

Boston
Alministración
País	Estaos Xuníos d'América
Estaos	Massachusetts
Condáu	Condado de Suffolk [[File:Arbcom ru editing.svg
Tipu entidá	capital de estado o región insular de Estados Unidos
Mayor of Boston	Marty Walsh
Nome oficial	Boston
Nome llocal	Boston
Códigu postal	02150
Xeografía
Coordenaes	42°21′30″N 71°03′45″O
Boston Boston (los EE.XX.)
Superficie	232.140634 km²
Altitú	43 m
Llenda con	Quincy , Brookline , Cambridge , Somerville , Winthrop , Revere , Chelsea , Everett , Watertown , Newton , Dedham , Milton, Chestnut Hill y Needham
Demografía
Población	617 594 hab. (2010)
Porcentaxe	100% de Condado de Suffolk
Densidá	2660,43 hab/km²
Más información
Fundación	7 setiembre 1630 (Xulianu)
Prefixu telefónicu	617
Estaya horaria	Horariu del este de Norteamérica
Llocalidaes hermanaes	Kyoto, Estrasburgu, Barcelona, Hangzhou, Padua, Melbourne, Taipéi, Sekondi-Takoradi , Haifa , Atenes, Santu Domingu y Boston
www.cityofboston.gov/

En 1630, los colonos puritanos llegaos d'Inglaterra fundaron la ciudá na península de Shawmut. A finales del sieglu XVIII, Boston foi'l llugar oonde ocurrieron varios eventos importantes demientres la Revolución estauxunidense, como la Masacre de Boston y el Motín del té. Varies batalles nos entamos de la Revolución, tales como la Batalla de Bunker Hill y el Sitiu de Boston, ocurrieron dientro de la ciudá y n'árees de la redolada. A través de la recuperación de terrenos y anexones municipales, Boston espardióse más allá de la península.

Masacre de Boston. Na imaxe vese l'asesinatu de Crispus Attucks, que se convirtió nun importante símbolu pa los abolicionistes. (Obra de John Bufford, circa 1856).

Depués de la independencia de los Estaos Xuníos llogróse que Boston se convirtiera nun importante puertu marítimu y centro manufactureru, y la so rica historia agora atrae a 16,3 millones de visitantes al añu. La ciudá foi sé de varies primicies, incluida la primera escuela pública d'Estaos Xuníos, la Escuela Llatina de Boston (1635) y la primera universidá, Harvard College (1636), na vecina Cambridge. Boston foi tamién el llar de la primera rede de metro nos Estaos Xuníos.