James Horner
James Roy Horner (14 d'agostu de 1953, Los Angeles – 22 de xunu de 2015, bosque nacional Los Padres (es) 
y Santa Barbara) foi un compositor y direutor d'orquesta d'Estaos Xuníos, dedicáu principalmente a componer bandes sonores pa películes, trabayando nesti campu mientres 35 años.
Foi nomáu a los Premiu Óscar en diez causes. Dos d'elles nel apartáu de Meyor Cantar y ocho nel apartáu a la Meyor Banda Sonora: Aliens (1986), Field of Dreams (1989), Braveheart (1995), Apollo 13 (1995), Titanic (1997), A Beautiful Mind (2001), House of Sand and Fog (2003) y Avatar (2009). Consiguió dos estatuilla con Titanic, tantu nel apartáu a la Meyor banda sonora como al Meyor cantar.
Información editar
James Horner yera fíu de los inmigrantes xudíos austriacos Harry Horner, diseñador de producción y direutor de cine ocasional, ganador de dos Premiu Óscar a la meyor direición artística por The Heiress y The Hustler, y de la so muyer, Joan.
Horner empezó a tocar pianu a los cinco años, pero a temprana edá foi a Londres, onde estudió nel Royal College of Music. Más tarde siguió los sos estudios nel Green Valley High School de Sedona, Arizona. Consiguió la so llicenciatura en música y el grau de maestru na Universidá del Sur de California. Ellí empezó a trabayar nel so doctoráu, xunto a Paul Chihara. Escribió la pieza de conciertu Spectral Shimmers, interpretada en 1978 n'Indianapolis. Pero la música académica nun foi lo que más esteló a Horner, y dempués de dellos trabayos puntuales col American Film Institute a finales de la década de los 70 y entamu de los 80, terminó la so enseñanza de teoría de la música na UCLA y empecipió la so carrera na música cinematográfica.
A finales de década de los 80 y entamos de la década siguiente, el so trabayu en cine empezó a ser reconocíu, convirtiéndose n'unu de les pilastres de la música cinematográfica. La obra musical que compunxo pa la película Titanic ye la más conocida del direutor, valiéndo-y el so primer Óscar de l'academia. Al igual que Titanic en 1997, Avatar en 2009 tamién recibió munchos aponderamientos.
D'ente les sos obres, son tamién destacables les bandes sonores pal American Film Institute y pa les películes de terror y ciencia ficción de baxu presupuestu. Horner ganó dos Óscar, dos Globos d'Oru, trés Premios Satellite, trés Premios Saturn, y foi nomáu a tres Premios de Cine de l'Academia Británica (BAFTA).
Trayeutoria editar
El primer trabayu importante de Horner pa una película foi en 1979, pa The Lady in Red. La so carrera empieza como compositor de cine trabayando col productor Roger Corman pa la película Battle Beyond the Stars (1980). Col tiempu la so notoriedá aumenta en Hollywood y la dimensión de los proyeutos tamién. En 1982 da una reblagada cola secuela de StarTrek, StarTrek II: La roxura de Khan, convirtiéndose nun compositor conocíu.
Na década de los 80 los sos ésitos siguen: 48 Hrs (1982), Krull (1983), Star Trek III: The Search for Spock (1984), Comandu (1985), Cocoon (1985), Aliens (1986), Batteries Not Included (1987), Willow (1988), Glory (1989) y Field of Dreams (1989). Los resultaos d'eses producciones ábren-y les puertes a munchos nuevos trabayos. N'ocasiones les sos composiciones son utilizaes pa tráilers de películes. Asina, delles películes que les sos bandes sonores fueron compuestes por otros compositores contienen la música de Horner nos sos respeutivos tráilers.
Mientres la década de 1980 y principios de los 90, Horner tamién se dedica a películes d'animación, escribiendo partitures orquestales pa An American Tail (1986), The Land Before Time (1988), Fievel Goes West (1991), We're Back! A Dinosaur's Story (1993), Casper, Jumanji y Balto (estos trés de 1995). Tamién la tema pal logotipu ente 1990 y 1997 de la Universal Pictures foi compuestu por Horner. Surden más proyeutos y llega a tener hasta 75 al so cargu. Trabaya con persones conocíes del mundu artísticu (George Lucas, Steven Spielberg, James Cameron, Oliver Stone y Ron Howard) que-y dan ciertu sonadía, volviéndose una figura importante dientro de la música cinematográfica.
En 1995 foi bastante aclamáu pol públicu gracies a les sos obres pa Braveheart y Apollo 13, que valiéron-y dos nominaciones a los Óscar. Pero foi en 1997 cuando llega'l so mayor ésitu: Titanic. Foi un ésitu non solo a nivel de crítica sinón tamién económicamente, pos vendió más de 27 millones de copies en tol mundu, convirtiéndolo nel álbum más vendíu de banda sonora orquestal de tola historia. Foi esti álbum col que Horner ganó'l Óscar a la Meyor banda sonora, y al Meyor Cantar Orixinal por «My Heart Will Go On» (que co-escribió con Will Jennings).
Dende Titanic, Horner siguió componiendo pa grandes producciones, como The Perfect Storm, Enemy at the Gates, The Mask of Zorro, The Legend of Zorro, House of Sand and Fog y Bicentennial Man. A Beautiful Mind (2001) y House of Sand and Fog (2003) diéron-y dos nominaciones más pa los Óscars, pero perdió los premios frente a Howard Shore.
Horner tamién trabayó dacuando en proyeutos más pequeños, como Iris, Llámenme Radio y Bobby Jones: Stroke of Genius. Amás collaboró con frecuencia col direutor Ron Howard, asociación qu'empezó con Cocoon, en 1985. En 2009, Horner volvió trabayar con James Cameron, agora en Avatar, película que supunxo un ésitu económicu de taquilla, superando les marques de Titanic. Más nominaciones como la de los Óscar, los Globos d'Oru, los BAFTA y los Grammy llegaron con Avatar, banda sonora a la que dedicó dos años de la so vida. Desgraciadamente perdió estos premios frente a Up, de Michael Giacchino.
Dempués de Avatar, compunxo la banda sonora de Karate Kid, en 2010, sustituyendo a Atli Örvarsson. En 2011 trabayó pa Cristiada, y en 2012 pa Oru negro y The Amazing Spider-Man.
Crítica editar
James Horner foi criticáu en numberoses ocasiones por reciclar o reutilizar parte de les sos partitures en distintes películes nes que trabayó. La tema d'apertura de la película Bicentennial Man (Bicentennial Man) ye bien similar a la tema principal de A Beautiful Mind (A Beautiful Mind) y Sneakers (Sneakers).
Hai, inclusive, un movimientu n'internet y un grupu en Facebook que lo critica pol so carauterísticu Parabará,[6] sintonía carauterística que comparten películes como Avatar, Troya, Enemy at the Gates, Willow y Cristiada. Ye un recursu utilizáu pol compositor pa enfatizar la tensión de la escena, constituyendo una de les sos firmes personales. Otru reciclaje de les sos melodíes puede apreciase nuna peculiar progresión de notes en cayida qu'utiliza en dellos de los sos últimos trabayos empezando por El nuevu mundu, y siguiéndo-y Apocalypto (onde ésta se vuelve casi'l track principal) y Avatar.
El so estilu nutrir de la sinfonía, al igual que los de Jerry Goldsmith y John Williams, pero tamién s'atreve col sintetizador, siendo un gran virtuosu ya integrándolo perfectamente na gran orquesta. La so obra ta llena de grandes ésitos llegando al cumal a mediaos de los años 1990, y entrando en crisis a partir d'esos años.
Muerte editar
James Horner morrió'l 22 de xunu de 2015, a la edá de 61 años, en estrellándose cuando pilotaba una de les sos avionetes privaes cerca del Monte Nacional de Los Padres, a unes 60 milles al norte de Santa Bárbara (California). El so asistente personal Sylvia Patrycja fixo públicu esti fechu por aciu un comunicáu al traviés de Facebook y estimó el sofitu de tolos sos siguidores.
Películes con banda sonora de James Horner editar
- Up from depths (1979), de Charles B. Griffith
- The lady in red (1979), de Lewis Teague.
- Battle Beyond the Stars (1980), de Jimmy T. Murakami
- Humanoids from the Deep (1980), de Barbara Peters & Jimmy T. Murakami
- Bendición mortal (1981), de Wes Craven.
- La mano (1981), d'Oliver Stone.
- Wolfen (1981), de Michael Wadleigh.
- The Pursuit of D. B. Cooper (1981), de Roger Spottiswoode.
- A piano for Mrs. Cimino (1982), de George Schaefer.
- Star Trek II: The Wrath of Khan (1982), de Nicholas Meyer.
- 48 Hrs. (1983), de Walter Hill.
- The Dresser (1983), de Peter Yates.
- Krull (1983), de Peter Yates.
- Brainstorm (1983), de Douglas Trumbull.
- Testamentu final (1983), de Lynne Littman.
- Something Wicked This Way Comes (1983), de Jack Clayton.
- Gorky Park (1983), de Michael Apted.
- Uncommon Valor (1983), de Ted Kotcheff.
- Star Trek III: The Search for Spock (1984), de Leonard Nimoy.
- Cocoon (1985), de Ron Howard.
- Voluntarios (1985), de Nicholas Meyer.
- Natty Gann (1985), de Jeremy Kagan.
- Comandu (1985), de Mark L. Lester
- Wizards of the Lost Kingdom (1985) de Héctor Olivera
- El nome de la rosa (1986), de Jean-Jacques Annaud.
- Off Beat (1986), de Michael Dinner.
- Aliens (1986), de James Cameron.
- Where the River Runs Black (1986), de Christopher Cain.
- An American Tail (1986), de Don Bluth.
- Batteries Not Included (1987), de Matthew Robbins.
- Proyeutu X (1987), de Jonathan Kaplan.
- The Land Before Time (1988), de Don Bluth.
- Cocoon: The Return (1988), de Daniel Petrie.
- Red Heat (1988), de Walter Hill.
- Vibes (1988), de Ken Kwapis.
- Willow (1988), de Ron Howard.
- Alcordances de guerra (1988), de Norman Jewison.
- Glory (1989), d'Edward Zwick.
- El mio padre (1989), de Gary David Goldberg.
- Honey, I Shrunk the Kids (1989), de Joe Johnston.
- Field of Dreams (1989), de Phil Alden Robinson.
- Another 48 Hrs. (1990), de Walter Hill.
- Class Action (1990), de Michael Apted.
- Once Around (1990), de Lasse Hallström.
- I Love You to Death (1990), de Lawrence Kasdan.
- The Rocketeer (1991), de Joe Johnston.
- Fievel Goes West (1991), de Simon Wells & Phil Nibbelink.
- Falsa seducción (1992), de Jonathan Kaplan.
- Corazón truenu (1992), de Michael Apted.
- Swing Kids (1992), de Thomas Carter.
- Sneakers (1992), de Phil Alden Robinson.
- Patriot Games (1992), de Phillip Noyce.
- Searching for Bobby Fischer (1993), de Steven Zaillian.
- Once Upon a Forest (1993), de Charles Grosvenor.
- We're Back! A Dinosaur's Story (1993), de Simon Wells, Phil Nibbelink, Dick Zondag & Ralph Zondag.
- The Man Without a Face (1993), de Mel Gibson.
- A Far Off Place (1993), de Mikael Salomon.
- Jack the Bear (1993), de Marshall Herskovitz.
- The Pelican Brief (1994), d'Alan J. Pakula
- Clear and Present Danger (1994), de Phillip Noyce.
- Legends of the Fall (1994), d'Edward Zwick.
- The Pagemaster (1994), de Joe Johnston.
- Jade (1995), de William Friedkin.
- Apollo 13 (1995), de Ron Howard.
- Casper (1995), de Brad Silberling.
- Braveheart (1995), de Mel Gibson.
- Balto (1995), de Simon Wells.
- Jumanji (1995), de Joe Johnston.
- Rescate (1996), de Ron Howard.
- The Devil's Own (1997), d'Alan J. Pakula
- Titanic (1997), de James Cameron.
- Bicentennial Man (1998), de Chris Columbus.
- Deep Impact (1998), de Mimi Leder.
- Mighty Joe Young (1998), de Ron Underwood.
- The Mask of Zorro (1998), de Martin Campbell.
- The Perfect Storm (2000), de Wolfgang Petersen.
- El Grinch (2000), de Ron Howard.
- Enemy at the Gates (2001), de Jean-Jacques Annaud.
- A Beautiful Mind (2001), de Ron Howard.
- Iris (2001), de Richard Eyre.
- House of Sand and Fog (2003), de Vadim Perelman.
- The Missing (2003), de Ron Howard.
- Beyond Borders (2003), de Martin Campbell.
- Troya (2004), de Wolfgang Petersen.
- The Forgotten (2004), de Joseph Ruben.
- The Legend of Zorro (2005), de Martin Campbell.
- Flightplan (2005), de Robert Schwentke.
- El nuevu mundu (2005), de Terrence Malick.
- All the King's Men (2006), de Steven Zaillian.
- Apocalypto (2006), de Mel Gibson.
- The Chronicles of Spiderwick (2007), de Mark Waters.
- The Boy in the Striped Pyjamas (2008), de Mark Herman.
- Avatar (2009), de James Cameron.
- The Karate Kid (2010), de Harald Zwart.
- Cristiada (2011), de Dean Wright.
- Oru negro (2011), de Jean-Jacques Annaud.
- The Amazing Spider-Man (2012), de Marc Webb.
- Le dernier loup (2015), de Jean-Jacques Annaud.
- Los 33 (2015), de Patricia Riggen
- Southpaw (2015), d'Antoine Fuqua
- The Magnificent Seven (con Simon Franglen) (2016), d'Antoine Fuqua
Premios editar
Referencies editar
- ↑ Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 26 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: catálogu de la Biblioteca Nacional Checa. Identificador NKCR AUT: ola2002150624. Data de consulta: 29 xunetu 2023.
- ↑ Afirmao en: Find a Grave. Identificador Find a Grave: 148172476. Apaez como: James Horner. Data de consulta: 9 ochobre 2017. Llingua de la obra o nome: inglés.
- ↑ Afirmao en: catálogu de la Biblioteca Nacional Checa. Identificador NKCR AUT: ola2002150624. Data de consulta: 1r marzu 2022.
- ↑ [1]
Notes editar
Enllaces esternos editar
Wikiquote tien frases célebres suyes o que faen referencia a James Horner.- James Horner nel SoundtrackINFO project
- Sitio web oficial de James Horner
- James Horner na Internet Movie Database (n'inglés)
- James Horner - In a world of dreams (n'alemán)
- Obituariu de James Horner en The New York Times
Datos: Q106221
Multimedia: James Horner
 |