Rick Aviles
Rick Aviles (14 d'ochobre de 1952, Manhattan – 17 de marzu de 1995, Los Angeles) foi un actor y comediante d'Estaos Xuníos recordáu pol so papel de Willie Lopez na película Ghost.
Rick Aviles | |
|---|---|
| Vida | |
| Nacimientu | Manhattan, 14 d'ochobre de 1952[1] |
| Nacionalidá |
 Estaos Xuníos |
| Llingua materna | inglés |
| Muerte | Los Angeles, 17 de marzu de 1995[1] (42 años) |
| Causa de la muerte |
complicaciones relacionadas con el sida (es)  |
| Estudios | |
| Llingües falaes | inglés |
| Oficiu | actor, comediante, actor de cine |
| IMDb | nm0043173 |
 | |
Primeros años
editarAviles (nacíu como Richard Anthony Aviles) nació na ciudá de Nueva York. La so güela treslladóse de Puertu Ricu a Estaos Xuníos a mediaos de la década de 1900 buscando una meyor calidá de vida. Los sos padres nacieron en Nueva York. El so padre Mariano Aviles yera fíu únicu de padres puertoriqueños y la so madre Carmen Reyes yera d'ascendencia venezolana. La so madre yera una muyer educada que s'aseguró de que los sos fíos fueren educaos cultural y académicamente. Aviles foi'l segundu de tres hermanos y yera bien apegáu a la so familia. Vivíen en Manhattan, Nueva York, nun barriu duru au davezu metíase en problemes. Una de les sos ventayes yera'l so llau risible. Los sos hermanos Angel Aviles (actriz y productora) y Rod Reyes (comediante y chef) tamién tán rellacionaos al mundu del entretenimientu.[2]
Carrera
editarNos años 1970 y 1980, Aviles trabayó como comediante en vivu nel circuitu de clubes de Greenwich Village, Nueva York. En 1981, consiguió'l papel de Mad Dog en The Cannonball Run. Siguiría trabayando en catorce producciones más. En 1987, consiguió un pequeñu papel como l'home del caltenimientu en El secretu del mio ésitu, protagonizada por Michael J. Fox. Esi mesmu añu foi anfitrión de It's Showtime at the Apollo, y siguiría como presentador hasta 1991.[3]
En 1990, Aviles consiguió unu de los sos más memorables papeles. Interpretó a Willie Lopez, l'asesín de Sam, en Ghost. La película foi aplastante ésitu na taquilla y recibió delles nominaciones al Óscar. Amás de Aviles, Ghost tamién cuntó coles actuaciones de Demi Moore, Patrick Swayze, Whoopi Goldberg y Vincent Schiavelli. Esi añu tamién apaeció en The Godfather III de Francis Ford Coppola, onde foi acreditáu como Mask #1. Tamién tuvo papeles en Carlito's Way (1993), protagonizada por Al Pacino; Waterworld (1995), protagonizada por Kevin Costner; Mystery Train (1989), xunto a Joe Strummer y Steve Buscemi; y fixo la voz d'una cucaracha en Joe's Apartment.[3]
Ente les series nes que trabayó tán Mr. & Mrs. Dracula (1980), The Day Women Got Even (1980), The Carol Burnett Show (1991) y The Stand (1994) de Stephen King.
Muerte
editarDempués de contraer VIH por aciu l'abusu d'heroína, Aviles morrió'l 17 de marzu de 1995 en Los Angeles, California, pola mor del sida.[4]
Filmografía
editar| Cine | |||
|---|---|---|---|
| Añu | Pelícuña | Papel | Notes |
| 1981 | The Cannonball Run | Mad Dog | |
| 1984 | Billions for Boris | Hector | |
| 1987 | Street Smart | Solo | |
| The Secret of My Succe$s | Maintenance Man | ||
| 1988 | Mondo New York | Comic in Park | |
| Spike of Bensonhurst | Bandana | Conocida tamién como: The Mafia Kid o Throwback! | |
| 1989 | Mystery Train | Will Robinson | Segmentu: "Lost in Space" |
| Identity Crisis | El Toro | ||
| 1990 | Ghost | Willie Lopez | |
| The Godfather Part III | Mask #1 | ||
| Green Card | Vincent | ||
| 1993 | The Saint of Fort Washington | Rosario | |
| Carlito's Way | Quisqueya | ||
| 1995 | Waterworld | Gatesman | |
| 1996 | Joe's Apartment | Cockroach | Voz |
| Televisión | |||
| Añu | Títulu | Papel | Notes |
| 1980 | Mr. and Mrs. Dracula | Mario | |
| The Day the Women Got Even | Pancho Diaz | Telefilme | |
| 1989 | No Place Like Home | J.J. | Telefilme |
| 1991 | Monsters | Un capítulu | |
| The Carol Burnett Show | Dellos personaxes | ||
| 1993 | Moon Over Miami | Frankie The Rat | Un capítulu |
| 1994 | The Stand | Rat Man | Miniserie |
Referencies
editar- ↑ 1,0 1,1 Afirmao en: autoridaes BNF. Identificador BnF: 141515894. Apaez como: Rick Aviles. Autor: Biblioteca Nacional de Francia. Llingua de la obra o nome: francés.
- ↑ IMDb
- ↑ 3,0 3,1 New York Times; Movies and T.V.
- ↑ Tucker, Hannah (9 de xunu de 2006). «25 years of AIDS in Hollywood -- We remember the lost stars of movies, TV and art». Entertainment Weekly: páxs. 2. Archivado del original el 2020-03-28. https://web.archive.org/web/20200328134422/http://www.ew.com/ew/report/0,6115,1202273_7_0_,00.html. Consultáu'l 29 de xunetu de 2006.
Enllaces esternos
editar- Rick Aviles na Internet Movie Database (n'inglés)
Datos: Q2096412
