Juanita Hall
Juanita Hall (6 de payares de 1901, Keyport – 28 de febreru de 1968, Bay Shore (es) 
) foi una actriz teatral y de cine d'Estaos Xuníos. Foi conocida pol so trabayu nel teatru y nel cine nos musicales de Richard Rodgers y Oscar Hammerstein II South Pacific y Flower Drum Song, nos qu'encarnaba, respeutivamente, a Bloody Mary y a la Tida Liang.
Juanita Hall | |
|---|---|
 | |
| Vida | |
| Nacimientu | Keyport[1], 6 de payares de 1901[2] |
| Nacionalidá |
 Estaos Xuníos |
| Grupu étnicu | afroamericanu d'Estaos Xuníos |
| Llingua materna | inglés |
| Muerte |
Bay Shore (es) , 28 de febreru de 1968[2] (66 años) |
| Causa de la muerte | Diabetes |
| Estudios | |
| Estudios | Juilliard School |
| Llingües falaes | inglés |
| Oficiu | actriz, cantante, artista d'estudiu, actriz de cine, actriz de teatru |
| Premios | |
| Discográfica | RCA Victor |
| IMDb | nm0355765 |
 | |
Biografía
editarEl so verdaderu nome yera Juanita Long, y nació en Keyport, Nueva Jersey. Formada en música clásica na Escuela Juilliard, nos primeres años 1930 yera solista especial y ayudante de direición del Coru Hall Johnson. Nel so momentu una destacada artista negra del circuitu de Broadway, foi personalmente escoyida por Richard Rodgers y Oscar Hammerstein II pa interpretar los papeles que-y dieron fama nos musicales South Pacific y Flower Drum Song, el d'una muyer de Tonkín y el d'una china americana.
En 1950 foi la primera afroamericana en ganar un Premiu Tony a la meyor actriz de repartu nun musical pol so papel de Bloody Mary en South Pacific. Tamién rellumó en 1954 nel musical representáu en Broadway House of Flowers, nel cual cantaba y baillaba la tema de Harold Arlen Slide Boy Slide. En total, interpretó a "Bloody Mary" en 1,925 funciones en Broadway, nel Majestic Theatre, la primera d'elles el 7 d'abril de 1949, actuando xunto a Ezio Pinza y Mary Martin. Amás del so papel en South Pacific, ella trabayó con regularidá en locales de Greenwich Village, onde cautivaba al públicu cantando temes como "Am I Blue?" y "Lament Over Love", o'l cantar de Langston Hughes "Cool Saturday Night".
Antes de dedicase a l'actuación, Hall formó un grupu coral propiu (The Juanita Hall Choir) y caltúvose ocupada cantando en conciertos, grabaciones discográfiques y nel cine y la radio. Nesti postreru mediu participó na serie The Story Of Ruby Valentine, na cadena National Negru Network. El serial, emitíu por 35 emisores, taba patrocináu, ente otros, por Phillip Morris USA y Pet, Inc.[3]
En 1958 grabó Juanita Hall Sings the Blues (nos Estudios Beltone de Nueva York), en collaboración con un estelante grupu de músicos de jazz ente los cualos figuraben Claude Hopkins, Coleman Hawkins, Buster Bailey, Doc Cheatham, y George Duvivier.
Hall retomó en 1958 el papel de Bloody Mary na versión pa la gran pantalla del musical, South Pacific, y na cual el so papel cantáu foi dobláu, a solicitú de Richard Rodgers, por Muriel Smith, qu'interpretara'l papel na producción representada en Londres. Amás, y tamién en 1958, Hall actuó n'otru musical de Rodgers y Hammerstein, Flower Drum Song.[4]
Juanita Hall vivió nos sos últimos años na residencia Percy William Actors en East Islip, Nueva York, y finó en 1968 en Bay Shore, Nueva York, por causa de los entueyos rellacionaos cola diabetes que carecía. Tenía 66 años d'edá. Foi soterrada nel Campusantu Midway Green de Matawan (Nueva Jersey).[5] Hall casárase con Clement Hall siendo adolescente. Él finó nos años 1920, y la pareya nun tuvo fíos.
Referencies
editar- ↑ Afirmao en: Biographical Dictionary of Afro-American and African Musicians. Autor: Eileen Southern. Editorial: Greenwood Publishing Group. Llingua de la obra o nome: inglés. Data d'espublización: 1982.
- ↑ 2,0 2,1 Afirmao en: autoridaes BNF. Identificador BnF: 14184847c. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ William Barlow (1999). Voice Over: The Making of Black Radio. Temple University Press, páx. 130–1. ISBN 1-56639-667-0.
- ↑ Lewis, David H. (2006). Flower Drum Songs: The Story of Two Musicals. Jefferson, NC: McFarland and Co. Inc., páx. 46. ISBN 0-7864-2246-7.
- ↑ «Archived copy». Archiváu dende l'orixinal, el 2015-09-24.
- Time writers (6 de xunu de 1949). «After 21 Years». Time. Archivado del original el 2010-01-18. https://web.archive.org/web/20100118084850/http://www.time.com/time/magazine/article/0,9171,801938,00.html. Consultáu'l 12 de xunetu de 2008.
- «Juanita Hall, Great Singer, Great Actress». African American Registry. Archiváu dende l'orixinal, el 18 d'abril de 2008. Consultáu'l 12 de xunetu de 2008.
Enllaces esternos
editar- Juanita Hall en Allmusic
- Juanita Hall na Internet Broadway Database (n'inglés)
- Juanita Hall na Internet Movie Database (n'inglés)
- «Juanita Hall». en Find a Grave. (n'inglés)
Datos: Q6301550
Multimedia: Juanita Hall
