Kampala
Kampala[1] ye la capital d'Uganda, n'África Central y con una población de 1.208.544 habitantes, según el censu de 2002, ye la mayor aglomeración urbana del país. Ta asitiada nel distritu homónimu, a un altor de 1189 metros sobre'l nivel del mar. La ciudá esfruta d'un clima templáu pola so altitú, a pesar de la so cercanía al ecuador terrestre.
 Kampala | |
|---|---|
 | |
| Alministración | |
| País |  Uganda |
| Rexón | Rexón Central, Uganda |
| Distritu | Distritu de Kampala |
| Tipu d'entidá | ciudá |
| Primer alcalde | Erias Lukwago |
| Xeografía | |
| Coordenaes | 0°18′49″N 32°34′52″E / 0.3136°N 32.5811°E |
  Kampala Kampala (Uganda)  | |
| Superficie | 189 km² |
| Altitú | 1190 m |
| Llenda con | Rexón Central, Uganda |
| Demografía | |
| Población | 1 680 600 hab. (2019) |
| Porcentaxe | 100% de Distritu de Kampala |
| Densidá | 8892,06 hab/km² |
| Más información | |
| Estaya horaria | UTC+03:00 |
| Llocalidaes hermaniaes | Kigali |
| kcca.go.ug | |
 | |
Les sos actividaes económiques más destacables son la industria, cuantimás la mobiliaria y la maquinaria, según la esportación de productos agrícoles como café, algodón, té y azucre.
Esiste un aeropuertu internacional n'Entebbe, a unos 35 quilómetros de distancia, según un puertu sobre la vera del Llagu Victoria a 10 quilómetros, Port Bell.
Nel sector de Makarere Hill puede topase'l campus principal de la Universidá de Makarere, unu de los principales centros d'estudios cimeros d'África central y oriental. Kampala ye tamién la sede del Bancu de Desenvolvimientu del África Oriental.
VIH
editarAcordies cola encuesta del bieniu 2004-05 fecha pol Ministeriu de Salú, Kampala tien el mayor índiz d'infeición por VIH. El 9,2 % de los adultos tán infestaos, tasa que se dispara al 47 % tocantes a lo que refierse a trabayadores sexuales.
Orixe del nome
editarEnantes de l'arribada de los británicos, el Kabaka o rei de Buganda escoyera la zona que se convertiría en Kampala como unu de los sos abellugos de caza. La zona ta formada de llombes ondulaes y exuberantes zones húmedes. Ye una zona de cría ideal pa dellos antílopes -particularmente l'impala-. Cuando los británicos llegaron a la zona denomáronla les Llombes de los Impala (Hills of the Impala n'inglés).
La llingua de los baganda, el luganda, adoptó munches pallabres del inglés por cuenta de la interacción de los sos falantes colos británicos. D'esta forma, los baganda traducieron "les Llombes de los Impala" como Kasozi ka Empala -"Kasozi" significa "llomba", "ka" significa "de" y "empala" significa "impala". Al falar en lugandés, les pallabres ka y empala pronúnciense xuntes, como una sola pallabra, Kaampala. Llueu, cuando'l kabaka diba cazar los baganda dicíen Kabaka agenze y "ka Empala", que significa, "El kabaka foi a Ka'mpala". El nome Kampala llueu foi adoptáu.
Clima
editar Parámetros climáticos permediu de Kampala 
| |||||||||||||
|---|---|---|---|---|---|---|---|---|---|---|---|---|---|
| Mes | Xin | Feb | Mar | Abr | May | Xun | Xnt | Ago | Set | Och | Pay | Avi | añal |
| Temperatura máxima absoluta (°C) | 33 | 36 | 33 | 33 | 29 | 29 | 29 | 29 | 31 | 32 | 32 | 32 | 36 |
| Temperatura máxima media (°C) | 28.6 | 29.3 | 28.7 | 27.7 | 27.3 | 27.1 | 26.9 | 27.2 | 27.9 | 27.7 | 27.4 | 27.9 | 27.8 |
| Temperatura media (°C) | 23.2 | 23.7 | 23.4 | 22.9 | 22.6 | 22.4 | 22.0 | 22.2 | 22.6 | 22.6 | 22.5 | 22.7 | 22.7 |
| Temperatura mínima media (°C) | 17.7 | 18.0 | 18.1 | 18.0 | 17.9 | 17.6 | 17.1 | 17.1 | 17.2 | 17.4 | 17.5 | 17.5 | 17.6 |
| Temperatura mínima absoluta (°C) | 12 | 14 | 13 | 14 | 15 | 12 | 12 | 12 | 13 | 13 | 14 | 12 | 12 |
| Lluvia (mm) | 68.4 | 63.0 | 131.5 | 169.3 | 117.5 | 69.2 | 63.1 | 95.7 | 108.4 | 138.0 | 148.7 | 91.5 | 1264.3 |
| Díes de lluvia (≥ 1.0 mm) | 4.8 | 5.1 | 9.5 | 12.2 | 10.9 | 6.3 | 4.7 | 6.7 | 8.6 | 9.1 | 8.4 | 7.4 | 93.7 |
| Hores de sol | 155 | 170 | 155 | 120 | 124 | 180 | 186 | 155 | 150 | 155 | 150 | 124 | 1824 |
| Humedá relativa (%) | 66 | 68.5 | 73 | 78.5 | 80.5 | 78.5 | 77.5 | 77.5 | 75.5 | 73.5 | 73 | 71.5 | 74.5 |
| Fonte nº1: World Meteorological Organization,[2] | |||||||||||||
| Fonte nº2: BBC Weather[3] | |||||||||||||
Historia
editarKampala espandióse alredor d'un fuerte construyíu por Frederick Lugard en 1890 pa la Compañía Británica del África Oriental. En 1962, Kampala sustituyó a Entebbe como capital nacional. Gran parte de la ciudá foi destruyida en 1979 tres el derrocamientu del gobiernu dictatorial d'Idi Amin y la subsiguiente guerra civil.
Patrimoniu de la Humanidá
editarLes Tumbes de los reis de Buganda en Kasubi, asítiense na llomba de Kasubi de la capital, y foron incluyíes nel Patrimoniu de la Humanidá de la Unesco en 2001.
Personaxes pernomaos
editar- Majid Musisi, futbolista (1967-2005)
- Shekhar Mehta, pilotu de rallys (1946 - 2006)
- Idi Amin, dictador militar y el tercer presidente d'Uganda dende 1971 a 1979 (1925-2003)
Ciudaes hermaniaes
editar
Referencies
editar- ↑ (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.
- ↑ «World Weather Information Service - Kampala». World Meteorological Organization. Consultáu'l 30 de marzu de 2016. Climate-Data.org for mean temperatures
- ↑ «Average Conditions Kampala, Uganda». BBC Weather. Consultáu'l 11 de xunu de 2014.
Enllaces esternos
editar
Wikimedia Commons acueye conteníu multimedia sobre Kampala.- Información de Kampala por McGill University Archiváu 2008-01-01 en Wayback Machine (n'inglés)
- Kampala Online (n'inglés)
- Mapa de la ciudá (n'inglés)
- Información sobre la ciudá Archiváu 2018-06-14 en Wayback Machine (n'inglés)
- Videos de Kampala Archiváu 2008-12-01 en Wayback Machine
