Kathryn Bigelow
Kathryn Ann Bigelow (San Carlos, California, 27 de payares de 1951), más conocida como Kathryn Bigelow, ye una direutora de cine, guionista y productora d'Estaos Xuníos, especialmente conocida por películes como Near Dark, Point Break y, la ganadora de seis Óscar, The Hurt Locker. Ye la primer y única muyer na historia que ganó l'Óscar al meyor direutor y el premiu al meyor direutor ("Directors Guild of America Award for Outstanding Directing–Feature Film") del Sindicatu de direutores d'Estaos Xuníos; dambos por The Hurt Locker.
.jpg)
Obra como cineasta editar
Nació en San Carlos, California, fía d'un directivu d'una empresa de pintures y una bibliotecaria. Estudió na Universidá de Columbia, empezó la so carrera artística como pintora y dalgunes de les sos obres fueron espuestes nel Whitney Museum de Nueva York. Foi miembru del grupu radical Art and Language y editó la revista teórica Semiotext. Tamién foi axente de policía antes de dedicase al cine.
Kathryn Bigelow ta considerada como una direutora atípica, pos les sos temes d'interés pertenecen al cine d'aición, bien sía bélicu, futurista, thriller y, inclusive, de terror. Les sos películes non siempres tuvieron el beneplácito de la crítica.
Bigelow llogró reconocencia en 1987 col filme de terror Neared Darkess (Los Viaxeros de la Nueche). Dempués, en 1991 dirixe Point Break (Llámenlu Bodhi) protagonizada por Patrick Swayze y Keanu Reeves, cola que tuvo ésitu tantu de crítica como de públicu.
Ente 1995 y 2002, Kathryn Bigelow realizó tres películes: Strange Days, El pesu de l'agua y K-19 , onde dirixó a dalgunos de los actores más importantes de Hollywood, como Harrison Ford, Sean Penn, Juliette Lewis, Liam Neeson y Ralph Fiennes.
Tuvo casada con James Cameron dende 1989 hasta 1991, y con él formó pareya artística en delles películes.
Ganó'l premiu Óscar a la meyor direutora en 2010 por The Hurt Locker, siendo la primer muyer (y única hasta'l momentu) en ganar nesti xéneru. El filme tamién se llevó'l Óscar como meyor película.
Filmografía editar
- 1983 The Loveless, con Willem Dafoe.
- 1987 Near dark (Los Viaxeros de la Nueche).
- 1990 Blue Steel, con Jamie Lee Curtis.
- 1991 Point Break, con Patrick Swayze y Keanu Reeves.
- 1995 Strange Days, con Ralph Fiennes, Angela Bassett, Juliette Lewis y Tom Sizemore.
- 2000 El pesu de l'agua, con Sean Penn, Elizabeth Hurley y Sarah Polley.
- 2002 K-19, con Harrison Ford y Liam Neeson.
- 2009 The Hurt Locker
- 2012 La nueche más escura
- 2017 Detroit
Escribió los guiones de The Loveless, Near dark y Blue Steel. Amás, produció los sos trés últimes películes K-19 , The Hurt Locker y Zero Dark Thirty.
Premios editar
Premiu Óscar:
| Añu | Categoría | Película | Resultáu |
|---|---|---|---|
| 2010 | Meyor película | The Hurt Locker | Ganadora |
| 2010 | Meyor direutor | The Hurt Locker | Ganadora |
| 2012 | Meyor película | Zero Dark Thirty | Nomada |
Premios BAFTA:
| Añu | Categoría | Película | Resultáu |
|---|---|---|---|
| 2009 | Meyor película | The Hurt Locker | Ganadora |
| 2009 | Meyor direutor | The Hurt Locker | Ganadora |
Premiu Globu d'Oru:
| Añu | Categoría | Película | Resultáu |
|---|---|---|---|
| 2009 | Meyor película dramática | The Hurt Locker | Nomada |
| 2009 | Meyor direutor | The Hurt Locker | Nomada |
| 2013 | Meyor direutor | Zero Dark Thirty | Nomada |
| 2013 | Meyor película dramática | Zero Dark Thirty | Nomada |
Gremiu de direutores d'América:
| Añu | Categoría | Película | Resultáu |
|---|---|---|---|
| 2009 | Meyor direutor | The Hurt Locker | Ganadora |
Referencies editar
- ↑ Afirmao en: SNAC. Identificador SNAC Ark: w6bz9bnn. Apaez como: Kathryn Bigelow. Data de consulta: 9 ochobre 2017. Llingua de la obra o nome: inglés.
- ↑ Afirmao en: coleición en llinia del Muséu d'Arte Modernu de Nueva York. Identificador MoMA de artista: 32187. Data de consulta: 4 avientu 2019. Llingua de la obra o nome: inglés.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: https://dfwcritics.com/awards/2012-2/.
Enllaces esternos editar
Wikimedia Commons tien conteníu multimedia tocante a Kathryn Bigelow.- Kathryn Bigelow na Internet Movie Database (n'inglés)
Datos: Q34816- Multimedia: Kathryn Bigelow
