Lactarius deliciosus
Les especies de fungos con nome común en llingua asturiana márquense como Nmic. En casu contrariu, conséñase'l nome científicu.
El ñícaru[2] (Lactarius deliciosus) ye un fungu basidiomicetu comestible, de la familia Russulaceae. Ye bien común n'Asturies y crez en pinares y montes mistos. La so cogorda, o cuerpu granible, apruz na seronda, y ye bien apreciada en gastronomía. El basónimu d'esta especie ye Agaricus deliciosus L. 1753.[1] L'epítetu específicu, deliciosus, significa "deliciosu".[3]
Lactarius deliciosus ñícaru  | ||
|---|---|---|
 | ||
| Clasificación científica | ||
| Reinu: | Fungi | |
| División: | Basidiomycota | |
| Clas: | Agaricomycetes | |
| Subclas: | Incertae sedis[1] | |
| Orde: | Russulales | |
| Familia: | Russulaceae | |
| Xéneru: | Lactarius | |
| Especie: |
L. deliciosus L. ex Fr. Gray, 1821 | |
| Sinonimia | ||
| ||
| Consultes | ||
| [editar datos en Wikidata] | ||
Carauterístiques editar
El so pie ye acovanáu y curtiu, más o menos cilíndricu o estrecháu un pocu na base. D'estructura granulienta: macizu de bien nuevu, dempués tien zones bueques ensin dexar de ser resistente. Ye del color del sombreru pero más pálidu, con dellos furaquinos superficiales de color más intensu. Suel tener parásitos y entós faise feble. El sombreru suel bazcuyar ente los 4 y 16 cm. de diámetru y el so color anaranxáu vese modificáu per círculos concéntricos de tonos acolorataos y macios. Na so mocedá'l sombreru alcuéntrase endolcáu polos sos cantos y conforme avieya apandar pa evolucionar a forma embudada. Les llámines son del mesmu color, apertaes, fines y decurrentes. La so carne ye trupa y compauta, con golor nidiu y dulzuxu el sabor en crudo ye daqué amargosu a la fin. A la corte esprende un látex de color naranxa. Aferrúñase aína, adquiriendo un color verdosu cardenillu cuando avieya o al pasar delles hores de la so recueya. Unu de los sos colorantes desaníciase pel reñón dempués de comela; por ello la orina tórnase d'un color que puede asustar al que nun sabe la causa.
| Lactarius deliciosus Carauterístiques micolóxiques  | ||
|---|---|---|
 | ||
  | ||
 | ||
 | ||
 | ||
 | ||
 | ||
| [editar datos en Wikidata] |
La distinta valoración con al respeutive de la so calidá culinaria puede debese a que'l so sabor varia col terrén onde crez, o a que munches vegaes tómense por ñícaros otres especies bien asemeyaes o s'aprovechen exemplares con munches zones de color verdosu por ser vieyos, tar maltrataos o, lo más frecuente, que tán o tuvieron parasitaos.
Hábitat editar
Vive formando micorrices con diverses coníferes, especialmente del xéneru Pinus.
Recueya editar
La recoleición d'esta cogorda faise utilizando una navaya y cortando el tarmu. Tamién ye necesario usar una cesta de blima o asemeyada, porque nun se permite usar bolses de plásticu una y bones les espores nun cayeríen y podríen escastase[4].
Comestibilidá editar
La cogorda de Lactarius deliciosus ye un comestible apreciáu. De cutiu ye consumida asada, guisada, o como complementu de los guisos de carne.
Otros nomes comunes editar
N'Asturies tien tamién los siguientes nomes: guíscaru, míscarru, ñíscarru, fungu lleitariegu, lleiteiru.
Magar que conózse-y por otros munchos variaos nomes dependiendo de la rexón xeográfica:
- níscalo, guíscalo, guíscano, pinatel o robullón en Andalucía.
- añísquele, anizcle, níscalo, nícalo, mízcalo, mícula o nízcalo en Castiella.
- guíscano, rebollón, mizcle en La Mancha Oriental.
- rovellón, rovelló, pinetell, pinenc, rovelló d´obaga, peratxe en Cataluña y Comunidá Valenciana.
- rebollón, robellón, mizclo o hongu ruco en Aragón.
- reboñuelo nel Valle del Altu Llinares (Teruel).
- níscaro, lactouro o fungo da muña en Galicia.
- esne gorri o ziza gorri nel País Vascu.
- pebràs nel Valle d'Albaida y les Pitiuses.
- esclatasang en Baleares y, ente otres, les contornes de la Safor, l'Alcoià y el Comtat (País Valencianu).
- callampa rosada en Chile.
- pebrazo nel área valenciana del Macizu del Caroig (Contornes del Valle d'Ayora y La Canal de Navarrés).
- hongu deliciosu n'Uruguái.
Posibles tracamundios editar
Pue tracamundiase col falsu ñícaru (Lactarius torminosus), tamién col comestible y bien apreciáu RobeyónNmic (Lactarius sanguifluus)[5] (sombreru de color más apagáu y látex color acoloratáu).
Referencies editar
- ↑ 1,0 1,1 «Lactarius deliciosus» (n'inglés), Lactarius deliciosus, CAB International, Centraalbureau voor Schimmelcultures (CBS) y Landcare Research New Zealand Limited (eds.), http://www.indexfungorum.org/Names/NamesRecord.asp?RecordID=224737
- ↑ URL de la referencia: http://www.sabencia.net/nomenclator.php.
- ↑ Grünert, H.; Grünert, R.; VV.AA. (1984). Empones de Naturaleza Blume: Cogordes (t. orixinal:"Pilze"). Barcelona: Blume, páx. 172. ISBN 84-87535-11-9.
- ↑ «Cómo buscar níscalos» (castellanu).
- ↑ Nomenclátor de los seres vivos en llingua asturiana, Sabencia - Sociedá Asturiana de les Ciencies. Consulta on-line: Lactarius%20sanguifluus
Bibliografía editar
- García Rollán, Mariano (2004). Guía fácil de las mejores setas, 1ª, Mundi Prensa, páx. 31, 32 y 34. ISBN 9788484762003. Consultáu'l 29 de payares de 2010.
Enllaces esternos editar
Wikimedia Commons tien conteníu multimedia tocante a Lactarius deliciosus.
| Wikispecies tien un artículu sobre Lactarius deliciosus. |
Datos: Q62138- Multimedia: Lactarius deliciosus
Especies: Lactarius deliciosus
