Llugo (Llanera)

parroquia del conceyu de Llanera (Asturies)

Llugo[1] ye una parroquia del conceyu asturianu de Llanera. Ta allugada na zona centruoriental del conceyu y llenda al norte cola parroquia de Villardebeyo, al este cola de Pruvia, al oeste coles de Rondiella y Ables, y al sur cola de Cayés y col conceyu de Siero. Ye, colos sos 16,48 km²[2], la mayor de les del conceyu, y tien una población de 4683 hab. (2017) [3]. Estos tán repartíos ente la población homónima, que ye, colos sos 3.323 habitantes, la mayor del conceyu, y les que vienen darréu: La Bérbola, Caraviés, Castañera, Castiello, Fonciello, Mundín, Pando, Pondal, Robleo, Santa Rosa, Silvota y El Truébano.

Blue globe icon.svgLlugo
Puente de Piedra en Lugo de Llanera.jpg
Alministración
PaísFlag of Spain.svg España
AutonomíaFlag of Asturias.svg Principáu d'Asturies
Provincia provincia d'Asturies
Conceyu[[Archivu:|20x20px|border|link=|]] Llanera
Partíu xudicial Uviéu
Tipu d'entidá parroquia d'Asturies
Xeografía
Coordenaes 43°26′34″N 5°49′05″O / 43.44265°N 5.818119°O / 43.44265; -5.818119Coordenaes: 43°26′34″N 5°49′05″O / 43.44265°N 5.818119°O / 43.44265; -5.818119
Llugo (Llanera) alcuéntrase n'Asturies
Llugo (Llanera)
Llugo (Llanera)
Llugo (Llanera) (Asturies)
Superficie 16.48 km²
Demografía
Población 4683 hab. (2017)
Porcentaxe 34.18% de Llanera
Densidá 284,16 hab/km²
Viviendes 1696 (2001)
Más información
Estaya horaria UTC+01:00
Cambiar los datos en Wikidata

HistoriaEditar

La historia de Llanera dególase al Paleolíticu, yá que d'esta dómina, en concretu del Paleolíticu Inferior, son los más antiguos vestixos allugaos nesti conceyu. Los afayos achelenses del Picu Santu Firme, onde llocalizárense dellos útiles llíticos, como bifaces, fendedores, picos triedros, raederes, etc... son el primer testemuñu del poblamientu de Llugo, a estos restos atrubúise-yos una edá mínima de 100.000 años.

Tendremos que persiguir nuna época más alantrada, como ye la Edá del Fierro p'alcontrar los siguientes elementos del padremuñu arqueolóxicu de Llanera, yá que nel Picu Santu Firme tamién asítiase un pobláu castrexu al que-y xune otru nes arredolaes de Llugo, el Cantu Sampedro. Pero éstes nun son les úniques riqueces qu'acueye'l Santu Firme, yá que na so cume afáyense los restos d'un bastión defensivu de dómina baxo-emperial.

Anque nún espaciu relativamente reducíu alcontrámonos con delles xaceés de dómines estremaes, el más importante ye, ensin dubies, la ciudá de Lucus Asturum l'antigua capital de los ástures tresmontanos, yá qu'Asturica Augusta yéralo de los ástures cismontanos. En Lucus rializárense delles campañes arqueolóxiques que dieren numberosos materiales, pero que pola contra circunscribiérense a un aria mui reducida, polo qu'inda güei nun sabemos abondo sobro les dimensiones y carauterístiques d'esta antigua ciudá de los ástures. Ye indubiable que Llugo acueya munchos secretos arqueolóxicos.

Foi el xeógrafu griegu Ptolomeo quien yá nel sieglu II mencionó la esistencia de la ciudá romana de Lucus Asturum nos tarrenos de lo qu'anguaño ye Llugo, na vía que xunía Lucus Augusti (Lugo, en Galicia) con Asturica Augusta (Astorga).

Sábese por dellos testos antiguos que Lucus Asturum yera una antigua ciudá amuriada y que colos avatares del tiempu foi destruyida y abandonada. L'allugamientu concretu asítiala xunto a la desapaecida illesia de Santa María de Llugo (destruyida en 1936, y non reconstruyida posteriormente) y próximu a un pequeñu cuetu llamáu El Cantu Sampedro, nel que José Manuel González identificó un castru, y nel que foren afayaos restos romanos al ser curtiáu pola cárcova del ferrocarril.

Los romanos dexaron güelgues evidentes del so domeñu y de la so estancia nestes tierres y de magar el sieglu XVI viénense produciendo afayos arqueolóxicos de lo que fore esa antigua ciudá: restos d'un altar dedicáu a los llares viales, monedes de plata y cobre, trozos d'una columna, pavimientos, imáxes de bronce... Son ensin dubia los oríxes d'esta ciudá.

DemografíaEditar

Llugo sofriera una fuerte medría de magar delles décades gracies a la so proximidá con Uviéu, llegando a convertise nuna pequeña ciudá dormitoriu.

Añu 2000 2001 2002 2003 2004 2005 2006 2007 2008 2009
Población 3.631 3.689 3.835 3.982 4.141 4.315 4.326 4.432 4.506 4.572

EconomíaEditar

Llugo, al igual que'l restu del conceyu y d'Asturies, toviera una economía tradicionalmente venceyada'l campu (estaya agropecuaria), que nos más de los casos constituyera una actividá autárquica. Debío a la so situación na zona central asturiana, de magar finales de los años 60 del pasáu sieglu viera ñacer y medrar una actividá industrial hasta esi momentu desconocida na zona. En Llugo alúgase'l polígonu industrial de Silvota, que recueye un númberu mui importante d'empreses y constitúi una de les mayores superficies industriales d'Asturies, por mor de les sos carauterístiques orográfiques y a les sos bones comunicaciones.

Llugo poseye una llinia de ferrocarril y unos talleres de Renfe.

FestividaesEditar

La so fiesta patronal ye'l domingu siguiente a la celebración de la denomada "Virxe d'Agostu", polo que nun tien una data fixa nel calendariu, tando consagraes les fiestes a la patrona, Santa María. La duración ye de 5 díes, siendo l'últimu'l correspondiente a la xira nel prau de la fiesta, coel repartu de la botella de vinu y el "bollu preñáu". Estes fiestes foren organizaes nos caberoos años pola Asociación Cultural y de Festexos de Perllugo.[4]

ReferenciesEditar

  1. Esti conceyu tovía nun tien espediente toponímicu oficial
  2. (2000) Diccionario Geográfico de Asturias (en castellanu). Uviéu: Editorial Prensa Asturiana, S.A.
  3. Padrón municipal d'España 2017
  4. «Se acercan las fiestas de Lugo» (castellanu).

Enllaces esternosEditar