María Kinsky de Wchinitz y Tettau

María Kinsky de Wchinitz y Tettau
Consorte de Liechtenstein (es)	; 13 payares 1989 - 21 agostu 2021
Consorte de Liechtenstein (es)
Vida
Nacimientu	Praga, 14 d'abril de 1940
Nacionalidá	Chequia
Residencia	Castiellu de Vaduz
Muerte	Grabs, 21 d'agostu de 2021 (81 años)
Sepultura	Catedral de San Florián de Vaduz (es)
Causa de la muerte	accidente vascular cerebral
Familia
Padre	Ferdinand Karl Bonaventura Graf Kinsky
Madre	Henriette Gräfin von Ledebur-Wicheln
Casada con	Xuan Adán II de Liechtenstein (1967 – m. 2021)
Fíos/es	Luis de Liechtenstein; Maximiliano de Liechtenstein (es) ; Tatiana de Liechtenstein (es) ; Constantino de Liechtenstein (es)
Hermanos/es	Ferdinand Kinsky (es)
Pueblu	Kinsky von Wchinitz und Tettau
Estudios
Estudios	Universidá de Munich 1961)
Llingües falaes	checu; alemán; inglés; francés
Oficiu	aristócrata
Premios	ver Grand Star of the Decoration for Services to the Republic of Austria ; Orden del Mérito del Principado de Liechtenstein ;
Creencies
Relixón	Ilesia Católica

Princesa María de Liechtenstein (en checu Marie Aglaé Kinská z Vchynic a Tetova; 14 d'abril de 1940, Praga – 21 d'agostu de 2021, Grabs^[6]) foi Princesa consorte de Liechtenstein pol so matrimoniu col príncipe Xuan Adán II de Liechtenstein.

Foi la segunda condesa Kinsky de Wchinitz y Tettau casada con un príncipe soberanu de Liechtenstein. La primera foi la condesa Francisca Kinsky de Wchinitz y Tettau, consorte del príncipe Lluis II.

Biografía

María yera fía del conde Fernando Carlos Kinsky de Wchinitz y Tettau (1907–1969) y de la so esposa, la condesa Enriqueta Carolina de Ledebur-Wicheln (1910–2002).^[7]

Foi bautizada colos nomes de Marie Aglaë Bonaventura Theresia, en castellán María Aglaé Buenaventura Teresa.

La so familia escapó del protectoráu en 1945 y asitióse n'Alemaña, onde foi educada ente 1946 y 1950 na escuela primaria en Ering am Inn,^[8]darréu nel Claustru del Monte, en Baden-Württemberg, atendida poles Hermanes de Santa Lioba Korte. En 1957 la condesa María foi a Inglaterra a perfeccionar el so dominiu del inglés. Tamién tuvo dalgún tiempu en París ameyorando les sos conocencies del francés.

Hasta que se prometió matrimonialmente en 1965, la entós condesa trabayaba como comercial artísticu pa una imprenta en Dachau, Alemaña. Ello ye que dicha llocalidá foi'l llar de munchos artistes mientres fines del sieglu XIX y empiezos del XX.

Matrimoniu y descendencia

El 30 de xunetu de 1967 casóse col so primu alloñáu, el príncipe Xuan Adán II (nacíu en 1945; cinco años menor qu'ella), na Ilesia Parroquial de San Florián, en Vaduz. Darréu, dicha ilesia parroquial foi declarada Catedral el 12 d'avientu de 1997 pol papa Xuan Pablo II).

Mientres la so lluna de miel viaxaron a París y a Méxicu.

El matrimoniu tuvo cuatro fíos:

El príncipe herederu Luis, nacíu'l 11 de xunu de 1968; Casáu cola princesa Sophie Elisabeth de Baviera (nacida en 1967), con quien tien trés fíos y una fía: Joseph Wenzel (nacíu en 1995), Marie Caroline (nacida en 1996), Georg Antonius (nacíu en 1999) y Nikolaus Sebastian (nacíu en 2000).
El príncipe Maximiliano, nacíu'l 16 de mayu de 1969. Casáu cola panamiega Angela Gisela Brown (nacida en 1958) con quien tien un fíu, Alfons Constantin (nacíu en 2001);
El príncipe Constantino, nacíu'l 15 de marzu de 1972. Casáu cola condesa húngara, Marie Gabriele Kálnoky de Kőröspatak (nacida en 1975), con quien tien dos fíos, Moritz Emanuel (nacíu en 2003) y Benedikt Ferdinand (nacíu en 2008), y una fía, Georgina Maximiliane (nacida en 2005);
La princesa Tatiana, nacida'l 10 d'abril de 1973. Casada col barón Matthias Philipp de Lattorf (nacíu en 1968), con quien tien dos fíos y cinco fíos: Lukas Maria (nacíu en 2000), Elisabeth Maria (nacida en 2002), Maria Teresa (nacida en 2004), Camiya Katharina (nacida en 2005), Anna Pia (nacida en 2007), Sophia Katharina (nacida en 2009) y Maximilian Maria (nacíu en 2011).

El tratamientu que se-y da ye'l de princesa María, o princesa consorte, nomándose-y como La so Alteza Serenísima.^[9]

La princesa foi presidenta de la Cruz Bermeya de Liechtenstein hasta l'añu 2015, cuando dexó'l testigu a la so nuera Sofía.^[10]

Anguaño, la princesa y el so maríu siguen arreyaos col movimientu de los Pfadfinder und Pfadfinderinnen Liechtensteins, PPL (Scouts y Guíes de Liechtenstein), en Vaduz.

Ente 1983 y 2005 tamién foi Presidenta d'Honor de la Sociedá d'Asistencia Ortopédica.^[8]

Títulos y tratamientos

14 d'abril de 1940 – 30 de xunetu de 1967: Conde María Kinsky de Wchinitz y Tettau.
30 de xunetu de 1967 – 13 de payares de 1989: La so Alteza Serenísima la Princesa heredera de Liechtenstein.
13 de payares de 1989 – presente: La so Alteza Serenísima la Princesa consorte de Liechtenstein.

Distinciones honorífiques

Distinciones honorífiques de Liechtenstein

Gran Estrella de la Orde del Méritu del Principáu de Liechtenstein.^[11]
Medaya conmemorativa del 70ᵘ Aniversariu de Francisco Xosé II (16/08/1976).^[12]