Mary-Louise Parker
Mary-Louise Parker (2 d'agostu de 1964, Fort Jackson (en) 
) ye una actriz d'Estaos Xuníos. Recibió mientres la so carrera los premios Tony, Emmy y Globu d'Oru. Los sos trabayos más conocíos son: Fried Green Tomatoes, Boys on the Side, la obra de teatru Proof , The West Wing en televisión, la miniserie Angels in America y el so últimu papel, como personaxe principal na serie de Showtime, Weeds.
Mary-Louise Parker | |
|---|---|
 | |
| Vida | |
| Nacimientu |
Fort Jackson (en) , 2 d'agostu de 1964[1] (59 años) |
| Nacionalidá |
 Estaos Xuníos |
| Llingua materna | inglés |
| Familia | |
| Pareyes |
Billy Crudup Jeffrey Dean Morgan |
| Fíos/es | 2 |
| Estudios | |
| Estudios |
Escuela de Artes de la Universidad de Carolina del Norte (es) 1986) International School Bangkok (en) Marcos de Niza High School (en) |
| Llingües falaes | inglés[2] |
| Oficiu | actriz de televisión, actriz de cine, actriz de teatru, periodista, actriz, escritora |
| Premios | |
| Nominaciones | |
| IMDb | nm0000571 |
 | |
Primeros trabayos editar
Parker graduóse en arte dramáticu na North Carolina School of the Arts. Tres ello, empezó a tomar parte na serie Ryan's Hope.
A la fin de los 80, Parker treslladóse a Nueva York, onde consiguió un trabayu midiendo pies en ECCO, un fabricante danés de zapatos. Tres papeles de poca importancia, fixo'l so debú en Broadway nuna producción de 1990 de Craig Lucas, Prelude to a Kiss, interpretando'l personaxe princiapal, Rita, pol que ganó'l Clarence Derwent Award pola so actuación y siendo nomada pa un Tony. Parker salió por un tiempu col so coprotagonista Timothy Hutton nesi tiempu. Cuando Prelude to a Kiss foi lleváu al cine, Meg Ryan interpretó'l personaxe de Parker.
Nesi mesmu añu, Parker foi reconocida polos críticos de tol mundu cuando apaeció na otra película afecha d'una obra de Lucas, Longtime Companion, una de les primeres películes n'enfrentase al sida abiertamente.
Esti papel foi siguíu pola so apaición en 1991 na película Grand Canyon, protagonizada tamién por Danny Glover, Mary McDonnell, Steve Martin, Alfre Woodard y Kevin Kline. La siguiente película de Parker foi Fried Green Tomatoes, xunto a Jessica Tandy, Mary Stuart Masterson, Kathy Bates y Cicely Tyson.
Años 90 editar
Parker caltuvo una fuerte presencia nos teatros a principiu de los 90, anque tamién caltuvo la so reputación na gran pantalla al protagonizar El veceru (1994) xunto a Susan Sarandon y Tommy Lee Jones; Bales sobre Broadway (1994) xunto a John Cusack; y Boys on the Side (1995) xunto a Drew Barrymore y Whoopi Goldberg, onde interpretaba a una muyer víctima del sida.
El so siguiente papel foi na adautación d'otra obra de Craig Lucas, Reckless (1995), xunto a Mia Farrow, siguíu de la película de Jane Campion, The Portrait Of a Lady (1996), que tamién protagonizaba Nicole Kidman, Viggo Mortensen, Christian Bale, John Malkovich y Barbara Hershey. Amás, apaeció xunto a Matthew Modine na película de Tim Hunter, The Maker (1997).
Anque'l so nome nun yera bien conocíu pal gran públicu, Parker espolletaba fora de los focos y la crítica. La so carrera nel teatru siguía y apaeció n'ésitu de crítica de Paula Vogel en 1997, How I Learned To Drive, con David Morse. Tres la so participación en delles películes independientes, participó en Let The Devil Wear Black y nun aplaudíu papel en The Five Senses (1999).
Collechó un gran ésitu na televisión cola serie de Showtime Weeds (que yá remató), onde da vida a una vilba que se dedica a traficar y cultivar mariguana col fin de poder caltener la so casa nun barriu residencial de les contornes y l'estilu de vida de clase social media lleváu hasta agora.
Premios editar
Globu d'Oru editar
| Añu | Categoría | Película | Resultáu |
|---|---|---|---|
| 2009 | Meyor actriz nuna serie de televisión - Comedia o musical | Weeds | Candidata |
| 2008 | Meyor actriz nuna serie de televisión - Comedia o musical | Weeds | Candidata |
| 2007 | Meyor actriz nuna serie de televisión - Comedia o musical | Weeds | Candidata. |
| 2006 | Meyor actriz nuna serie de televisión - Comedia o musical | Weeds | Ganadora |
| 2004 | Meyor actriz de repartu de serie, miniserie o telefilme | Angels in America | Ganadora |
Premios del Sindicatu d'Actores editar
| Añu | Categoría | Película | Resultáu |
|---|---|---|---|
| 2008 | Meyor repartu de televisión - Comedia | Weeds | Candidata |
| 2008 | Meyor actriz de televisión - Comedia | Weeds | Candidata |
| 2007 | Meyor actriz de televisión - Comedia | Weeds | Candidata |
| 2006 | Meyor repartu de televisión - Comedia | Weeds | Candidata |
| 2006 | Meyor actriz de televisión - Comedia | Weeds | Candidata |
| 2005 | Meyor actriz de televisión - Comedia | Weeds | Candidata |
| 2003 | Meyor actriz - miniserie o telefilme | Angels in America | Candidata |
| 2003 | Meyor repartu de televisión - Drama | The West Wing | Candidata |
Premios Emmy editar
| Añu | Categoría | Serie | Resultáu |
|---|---|---|---|
| 2009 | Primetime Emmy a la meyor actriz - Serie de comedia Meyor actriz - Serie de comedia | Weeds | Candidata |
| 2008 | Primetime Emmy a la meyor actriz - Serie de comedia Meyor actriz - Serie de comedia | Weeds | Candidata |
| 2007 | Primetime Emmy a la meyor actriz - Serie de comedia Meyor actriz - Serie de comedia | Weeds | Candidata |
| 2004 | Meyor actriz de reparto - Miniserie o telefilme | Angels in America | Ganadora |
| 2002 | Meyor actriz de repartu - Serie dramática | The West Wing | Candidata |
Referencies editar
- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Identificador CONOR.SI: 132843107. Afirmao en: CONOR.SI.
- ↑ URL de la referencia: http://www.theatreworldawards.org/past-recipients.html.
Enllaces esternos editar
Datos: Q229957
Multimedia: Mary-Louise Parker
