Mar Mediterraneu

(Redirixío dende Mediterránea)
Wikipedia:Wikipedia:Llista d'artículos que toa Wikipedia tien que tener/Archivu

El mar Mediterraneu[1] ye un mar del Atlánticu oriental, asitiáu ente Europa meridional, Asia occidental y África del Norte. Tien aprosimadamente 2,5 millones de km² y 3.860 km de lonxitú ya ye'l mar interior más grande del mundu. Les sos agües, que bañen les tres penínsules del sur d'Europa, (Ibérica, Itálica y Balcánica) y una d'Asia, Anatolia, comuniquen col océanu Atlánticu al través del estrechu de Xibraltar), col mar Negru (polos estrechos del Bósforu y de los Dardanelos), y cola mar Bermeya (pela canal de Suez). Formóse fai 6,5 millones d'años debío al agua que lo inundó pol estrechu de Xibraltar.

Mar Mediterraneu
Situación
Mediterranean Sea political map-es.svg
Tipu mar interior (es) Traducir
Parte de Océanu Mundial
Coordenaes 38°N 17°E / 38°N 17°E / 38; 17Coordenaes: 38°N 17°E / 38°N 17°E / 38; 17
Mar Mediterraneu alcuéntrase en Tierra
Mar Mediterraneu
Mar Mediterraneu
Mar Mediterraneu (Tierra)
Datos
Altitú media 0 m
Superficie 2 500 000 km²
Profundidá 5267 m y 1541 m
Afluentes
Cambiar los datos en Wikidata

Orixe del nomeEditar

El nome d'esti mar vien del llatín mar medi terraneum, que quier decir mar en mediu de les tierres. Los romanos llamábenlo Mare Nostrum porque toles orielles yeren d'ellos.

LlendesEditar

El Mediterraneu tien como llendes les costes d'África, Asia y Europa comprendíes ente'l estrechu de Xibraltar al oeste y la entrada a los Dardanelos y la canal de Suez al este. Sodivídese en dos grandes cuenques:

  • la occidental, que les sos llendes son: al oeste, la llinia imaxinaria qu'aúne'l cabu Trafalgar (España) y el cabu Espartel (Marruecos); al noreste, la costa occidental d'Italia, la costa norte de Sicilia y, nel estrechu de Messina, la llinia imaxinaria qu'aúne l'estremu norte del cabu Paci (15º42'E) col cabu Peloro, que ye l'estremu oriental de la islla de Sicilia; y al este la llinia qu'aúne'l cabu Lilibeo (37º47'N, 12º22'E), que ye l'estremu occidental de Sicilia, col cabu Bon (Tunicia).
  • la oriental, que llenda: al oeste, coles llendes nororiental y oriental de la cuenca occidental; al noreste cola llinia imaxinaria qu'aúne Kum Kale (26º11'E) col cabu Helles, que ye la entrada occidental a los Dardanelos; al sureste cola entrada de la canal de Suez; y al este cola costa de Siria y Palestina.

Llenden col Mediterraneu los siguientes estaos:

SobdivisiónEditar

 
El Mediterraneu y les sos sodivisiones.

Esti mar sodivídese, según la Organización Hidrográfica Internacional, n'otros más pequeños. Según la enumeración de la tercer edición de Limits of Oceans and Seas (1953) estos son:

  1. Estrechu de Xibraltar
  2. Mar d'Alborán
  3. Mar Balear, que la so mitá oriental recibe'l nome de mar de Cerdeña, mayormente nesa islla.
  4. Mar de Liguria
  5. Mar Tirrenu
  6. Mar Xónicu
  7. Mar Adriáticu
  8. Mar Exéu. Esti sodivídese tradicionalmente en trés: mar de Tracia, mar de Creta y mar de Mirtos.

Hai otru nome tradicional, el de mar de Libia, pa referise a la fastera mediterránea asitiada ente esti país y los mares Xónicu Exéu; sicasí, la OHI nun lu recueye na obra de referencia internacional pa considerar les llendes de los mares y océanos.

Hai otros mares que, magar que tán incluyíos na cuenca mediterránea, son consideraos pola OHI como mares independientes y ayenos a elli:

  1. Mar Negru.
  2. Mar de Mármara.
  3. Mar d'Azov.

ReferenciesEditar

  1. Esti topónimu apaez na traducción al asturianu de los Mapes de l'Associació Bíblica de Catalunya
    Esta fonte emplégase como referencia dende'l puntu de vista llingüísticu.