Wikipedia

Movember

Movember (contraición n'inglés de Moustache bigote y November payares) ye un eventu añal nel que los homes dexen crecer el so bigote mientres el mes de payares y entámense alcuentros col enfotu de concenciar sobre problemes de salú del home tales como cáncer de próstata,[1] cáncer de testículu, depresión masculina y similares[2][3] y recaldar dineru p'ayudar en cada país a una o más instituciones dedicaes a lluchar escontra los problemes de la salú masculina.

Grupu d'homes siguidores de Movember amosando los sos bigotes.

L'eventu llévase alantre de forma oficial en 21 países: Alemaña, Australia, Austria, Bélxica, Canadá, Dinamarca, España, Estaos Xuníos, Finlandia, Francia, Ḥong Kong, Irlanda, Noruega, Nueva Zelanda, Países Baxos, Reinu Xuníu, República Checa, Singapur, Sudáfrica, Suecia y Suiza, pola Fundación Movember, escoyida en 2011 y 2012 como una de les 100 ONG más notables pol Global Journal[4][5] y allugada en 2014 nel puestu 72 del ranking de TOP 500 ONG a nivel mundial ellaboráu por Global_Geneva.[6] El so oxetivu ye "camudar la cara a la salú del home".

Historia

editar
 
Palácio do Planalto, sede del poder executivu del Gobierno Federal brasilanu, allumáu d'azul por Movember en 2014.

Foi celebráu per primer vegada n'Australia nel añu 2003 cuando un grupu de mozos de Melbourne conocíos como los 30 orixinales tuvieron la idea de dexar crecer los sos bigotes pa sofitar a un amigu aquexáu de cáncer de próstata. Dende l'añu 2004, la Fundación Movember empezó a recoyer fondos pa destinalos a la llucha escontra'l cáncer de próstata n'Australia.[7]

A partir de 2007, l'eventu empezó a facese tamién en Canadá, España, Estaos Xuníos y Reinu Xuníu. Esi añu recoyó dineru (un total de 21.5 millones de dólares australianos) pa ser destináu a una o más asociaciones pa investigar sobre problemes de salú de los homes en cada unu de dichos países.[8]

En 2010 llogróse axuntar 447.808 participantes y recaldar más de 72 millones de dólares australianos, destinaos íntegramente a fundaciones escontra'l cáncer de próstata, de testículos y salú mental masculina.[9]

Na edición 2013 amplióse la cantidá de países participantes a un total de 21, el númberu de inscritos foi de 969.188 y la recaldación de 136.6 millones de dólares australianos.[10]

Sofitu

editar
 
Miembros de la Seleición de rugbi d'Australia llevando bigote na presentación d'un Boeing 737-800 de Qantas decoráu pa Movember 2011.[11]

Col pasu del tiempu, Movember llogró cuntar col sofitu d'organizaciones de salú a les que destínase'l dineru recaldáu. Por casu FEFOC n'España; Livestrong Foundation n'Estaos Xuníos; Prostate Cancer UK n'Inglaterra o la Prostate Cancer Research Foundation of Canada, ente otros.[12]

Per otru llau, los 'embaxadores' (ver sección embaxo), destacaes personalidaes de dellos ámbitos, sofiten a Movember representando y espublizando l'eventu en delles partes del mundu.

Tamién cunta con distintos acomuñaos (partners) como Discovery Channel,[13] Harley Davidson, Harry's, Maurice Lacroix, Yamaha.[14] Otres empreses rellacionaes al mundu de los videoxuegos sofiten la iniciativa como EA Sports qu'inclúi nos sos videoxuegos de ḥoquei[15] y fútbol dende la edición FIFA 14 una copa llamada Copa Movember col mesmu doble oxetivu de crear conciencia y recaldar fondos,[16] Sports Interactive col so xuegu Football Manager 2015[17] o PlayStation al traviés de diverses iniciatives.[18][19]

Embaxadores

editar

Denómense 'embaxadores' a aquelles persones reconocíes en cada país que tán acordies cola causa y aceuten ser la cara visible de Movember. Pueden pertenecer al ámbitu del deporte, música, negocios, los medios, etc. y tienen la xera de representar a Movember y ayudar a espublizar el so mensaxe.

Dellos embaxadores que pueden destacar son (o foron): Paul McCartney,[20][21] Ricky Gervais[22] y Nick Offerman n'Inglaterra; Pepón Nieto, Juan Diego Botto, Jimmy Barnatán, David Meca n'España; Marc Foster, Silvester Stallone,[22] Stephen Moyer n'Estaos Xuníos; l'ex capitán Richie McCaw[23] y l'equipu de rugby All Blacks,[24] en Nueva Zelanda; Noel Evans[22] y el músicu Kirk Pengilly[25] n'Australia; el futbolista Robert Huth[10] y l'actor ganador del Oscar Christoph Waltz[26] n'Alemaña y Herbert Prohaska n'Austria.

Imáxenes sobre Movember

editar
  •  
    Grupu de varones participantes en Polonia.
  •  
    Leoš Heger, Ministru de Salú de República Checa, sofitando un eventu de Movember.
  •  
    Hospital públicu de Brasil con bigote alegóricu.
  •  
    Participante de Movember.

Ver tamién

editar

Referencies

editar
  1. ↑ «Movember cash helps boost prostate cancer research funding», artículu de BBC News, 6 de marzu de 2003. Consultáu'l 5 de payares de 2014.
  2. ↑ La salú del home. Consultáu'l 5 de payares de 2014.
  3. ↑ La moda del mostacho Archiváu 2013-06-10 en Wayback Machine, artículu, 2 de marzu de 2013. Consultáu'l 5 de payares de 2014.
  4. ↑ «#63 - Movember Foundation» (inglés). The Global Journal (3 de xineru de 2013). Consultáu'l 25 de mayu de 2015. «one of the most innovative and effective awareness raising and fundraising campaigns in recent history»
  5. ↑ «Movember Named in International Top 100 NGO List» (inglés). Movember (28 de xineru de 2013). Consultáu'l 25 de mayu de 2015. «With an estimated 10 million organisations eligible to make the list, it’s an amazing achievement for Movember to be ranked 63rd again this year»
  6. ↑ «THE MOVEMBER FOUNDATION RANKED 72 OUT OF TOP 500 NGOS» (inglés). Movember (23 de marzu de 2015). Consultáu'l 25 de mayu de 2015.
  7. ↑ «Historia de Movember» (inglés). Consultáu'l 25 de mayu de 2015.
  8. ↑ Luengo Montero, Mónica (12 de payares de 2014). «¿A ónde va parar el dineru de Movember?» (castellanu). España: El País. Consultáu'l 25 de mayu de 2015.
  9. ↑ Reporte Añal Global 2010/11
  10. ↑ 10,0 10,1 Reporte Añal Global 2013/14
  11. ↑ «Movember: Qantas Celebrates by Growing a ‘Mo’». Ibtimes.com (14 de payares de 2011). Consultáu'l 22 de payares de 2011.
  12. ↑ Smith, Emily (1 de payares de 2011). «'Movember' gets hairy, for a cause» (inglés). CNN. Consultáu'l 5 de payares de 2014.
  13. ↑ Discovery Supports Movember. Consultáu'l 5 de payares de 2014.
  14. ↑ Friends of Movember Canada
  15. ↑ «Hockey Ultimate Team - Movember». easports.com (24 de payares de 2015). Consultáu'l 25 de payares de 2015.
  16. ↑ «FIFA 14 Ultimate Team Supports Movember». easports.com (1 de payares de 2014). Consultáu'l 25 de payares de 2015.
  17. ↑ «Football Manager 15 is so realistic players will grow moustaches for Movember». metro.co.uk. Consultáu'l 23 d'ochobre de 2014.
  18. ↑ Copeland, Wesley (15 d'ochobre de 2014). «PlayStation joins the Movember men's health charity movement». IGN.com. Consultáu'l 23 d'ochobre de 2014.
  19. ↑ «Amigos de Movember España» (castellanu). Movember. Consultáu'l 5 de payares de 2014.
  20. ↑ «Remember, remember the month of Movember» (inglés). Paulmccartney.com (1 de payares de 2014). Consultáu'l 24 de payares de 2014=.
  21. ↑ Tuit de la cuenta oficial de Paul McCartney
  22. ↑ 22,0 22,1 22,2 Kristy, Mccormack (1 d'avientu de 2011). «That's not a moustache! Justin Bieber proves he's still a Baby when it comes to Movember... as other celebs show him how it's done» (inglés). Londres: Daily Mail. Consultáu'l 25 de mayu de 2015.
  23. ↑ «Ep 7: Richie McCaw» (inglés). Consultáu'l 17 d'abril de 2017. «Richie got involved with the Movember Foundation to help spread word that it’s ok for men to talk about what’s going on and it’s also important to check in with friends to see how they’re doing.»
  24. ↑  All Blacks Movember challenge - the candidates. All Blacks.
  25. ↑ «Our Ambassadors» (inglés). Town&Country. Consultáu'l 16 d'abril de 2017.
  26. ↑ Schillinh, Mary (7 d'abril de 2015). «T&C 50: Christoph Waltz whiskers up for Movember» (inglés). Town&Country. Consultáu'l 25 de mayu de 2015.

Enllaces esternos

editar
Sacáu de «https://ast.wikipedia.org/w/index.php?title=Movember&oldid=4261299»