Wikipedia

Movimientu Políticu Cristianu Européu

El Movimientu Políticu Cristianu Européu (ECPM), ye un partíu políticu européu que xune a los partíos nacionales de toa Europa que comparten la política democristiana. Los partíos miembros son xeneralmente más conservadores y euroescépticos que'l Partíu Popular Européu. El ECPM xune idees del conservadorismu social, el tradicionalismu na familia, la proteición del cristianismu na Xunión Europea y los derechos humanos.

Movimientu Políticu Cristianu Européu
Partíu políticu européu
Llocalización
Sede Amersfoort
Direición Xunión Europea
Forma xurídica Partíu políticu européu y algemeen nut beogende instelling (en) Traducir
Historia
Fundación2002
Organigrama
Presidente Valeriu Ghilețchi (2023)
Forma parte de
Web oficial
Cambiar los datos en Wikidata

El partíu foi fundáu en payares de 2002 en Lakitelek, Hungría y escoyó a la so primer xunta directiva en xineru de 2005, rexistrándose nos Países Baxos en setiembre de 2005. El primer presidente del ECPM foi Peeter Võel so del Partíu de los Democristianos Estonios. El partíu cunta con diecisiete partíos miembros de plenu derechu n'ocho países de la Xunión Europea y seis del restu d'Europa, según persones a títulu individual, que suman representación en 10 estado miembro de la Unión Europea.

El Movimientu Políticu Cristianu Européu tien trés diputáu al Parllamentu Européu pa la llexislatura 2014-2019: Peter van Dalen de la Unión Cristiana (CU) de los Países Baxos, Bas Belder del Partíu Políticu Reformáu (SGP) tamién de los Países Baxos, y Branislav Škripek de Les Persones Comunes d'Eslovaquia.[1] Los trés diputaos formen parte del Grupu de los Conservadores y Reformistes Europeos, xunto a los partíos de l'Alianza de los Conservadores y Reformistes Europeos.[2]

Historia

editar

El Movimientu Políticu Cristianu Européu empezó a crease en payares de 2002 cuando los representantes de los partíos políticos de más de 15 países decidieron esaminar nueves posibilidaes de la política democristiana n'Europa na conferencia "Por una Europa cristiana" en Lakitelek, Hungría. Esta conferencia dio llugar al movimientu con partíos de fora y dientro de la Xunión Europea.

En 2003, el ECPM adoptó ocho principios básicos na declaración "Valores pa Europa" en Lakitelek que da forma a la visión y oxetivos del partíu, ente qu'en xineru de 2005, nuna xunta en Tallín (Estonia), el movimientu escoyó la so primer xunta directiva, que foi encabezada por Peeter Võla so del Partíu de los Democristianos Estonios.

El 15 de setiembre 2005, el ECPM rexistróse oficialmente colos estatutos como una asociación de plenu derechu en Holanda y en 2010 foi reconocíu oficialmente como partíu políticu européu pol Parllamentu Européu,[3] tomando per primer vegada parte de les eleiciones europees nes celebraes en mayu de 2014.

Principios

editar

El Movimientu Políticu Cristianu Européu trabaya nuna amplia variedá de temes y asuntos, dende económicos a sociales, siempres dende'l puntu de vista democristiano. Los partíos céntrense, mayoritariamente, contra l'albuertu, pol matrimoniu ente persones de distintu sexu, según la prioridá pa la familia clásica,[4] la llucha contra tratar de persones y el comerciu sexual, la llibertá de fe y una economía sostenible, qu'apueste pol espíritu entamador.[5]

Miembros

editar

El Movimientu Políticu Cristianu Européu cuenta con diecisiete partíos miembros de plenu derechu n'ocho países de la Xunión Europea y seis del restu d'Europa.[6] Amás, formen parte un total de 28 asociaciones, como la Mocedá Europea Políticu Cristiana, y persones a títulu individual como'l eurodiputáu Branislav Škripek d'Eslovaquia.[7]

País Partíu Eurodiputaos
  Alemaña Bündnis C – Christen für Deutschland    
0/96
Partíu de Centru (Zentrum)
0/96
  Armenia Christian Democratic Union (CDU)
  Bulgaria Coalición Cristiana Búlgara (BHK)
0/17
Foru Democráticu Cristianu
0/17
  Croacia Crecedera Croata (H-Rast)
0/11
  Eslovenia Les Persones Comunes (OĽanu)
1/13
  Estonia Partíu de los Democristianos Estonios (EKD)
0/6
  Xeorxa Movimientu Democristiano (KDM)
  Letonia Unión Democristiana (KDS)
0/8
  Moldavia Partíu Popular (KDS)
  Países Baxos    Unión Cristiana (CU)
1/26
Partíu Políticu Reformáu (SGP)
1/26
  Reinu Xuníu Alianza de los Pueblos Cristianos (CPA)
  Rumanía Unión de los Búlgaros del Banato (UBB)
0/32
  Serbia Alianza de los Rumanos de Serbia (ARDV)
  Suiza Partíu Evanxélicu Popular de Suiza (EVP-PEV)
  Ucraína Unión Democristiana (ХДС)
0/73

Ver tamién

editar

Referencies

editar
  1. ↑ Parllamentu Européu (25 de mayu de 2014). Eleiciones 2014: Escaños por Estáu miembru. Archivado del original el 2014-07-08. https://web.archive.org/web/20140708092219/http://www.resultados-elecciones2014.eu/es/seats-group-member-2014.html. Consultáu'l 2018-04-08. 
  2. ↑ Parllamentu Européu (25 de mayu de 2014). Eleiciones 2014: Escaños per grupu políticu y Estáu miembru. Archivado del original el 2014-07-08. https://web.archive.org/web/20140708092219/http://www.resultados-elecciones2014.eu/es/seats-group-member-2014.html. Consultáu'l 2018-04-08. 
  3. ↑ Parllamentu Européu. Ayudes financieres a los partíos políticos europeos nel periodu de 2004 a 2012. http://www.europarl.europa.eu/pdf/grants/grant_amounts_parties_03-12-2012.pdf. 
  4. ↑ Vallet, Cédric (18 de marzu de 2014) (en francés). Los 'pro-vida' europeos perdieron una batalla. ¿Pero perdieron la guerra?. Slate. http://www.slate.fr/story/87829/echec-initiative-one-of-us. 
  5. ↑ Parllamentu Européu. Eleiciones 2014: Partíos políticos. Archivado del original el 2015-06-11. https://web.archive.org/web/20150611001501/http://www.elections2014.eu/es/european-political-parties. Consultáu'l 2018-04-08. 
  6. ↑ Movimientu Políticu Cristianu Européu (n'inglés). Los nuesos miembros. Archivado del original el 2016-12-20. https://web.archive.org/web/20161220171755/http://ecpm.info/about-ECPM/our-members. Consultáu'l 2018-03-06. 
  7. ↑ Movimientu Políticu Cristianu Européu (n'inglés). Ficha de Branislav Škripek. Archivado del original el 2014-05-01. https://web.archive.org/web/20140501011544/http://ecpm.info/content/branislav-skripek. Consultáu'l 2018-03-06. 

Enllaces esternos

editar



Sacáu de «https://ast.wikipedia.org/w/index.php?title=Movimientu_Políticu_Cristianu_Européu&oldid=4261308»