Mu Hydrae
Mu Hydrae (μ Hya / 42 Hydrae)[1] ye una estrella na constelación de la Hidra. De magnitú aparente +3,83, ye la novena más brillosa de la so constelación.[2] Xunto a υ1 Hydrae, κ Hydrae, λ Hydrae y φ Hydrae —ente otres—, forma la constelación china de Zhang, refiriéndose a una rede estendida, posiblemente p'atrapar aves en vuelu.[3][4]
 Mu Hydrae | ||
|---|---|---|
| Datos d'observación (Dómina J2000.0) | ||
| Constelación | Hidra | |
| Ascensión reuta (α) | 10h 26min 05,43s | |
| Declinación (δ) | -16º 50’ 10,6’’ | |
| Mag. aparente (V) | +3,83 | |
| Carauterístiques físiques | ||
| Clasificación estelar | K4III | |
| Radiu | (45 R☉) | |
| Magnitú absoluta | -0,58 | |
| Gravedá superficial | 2,10 (log g) | |
| Lluminosidá | 480 L☉ | |
| Temperatura superficial | 3999 ± 8 K | |
| Metalicidá | [Fe/H] = -0,12 | |
| Astrometría | ||
| Velocidá radial | +40,81 km/s | |
| Distancia | 234 ± 3 años lluz | |
| Paralax | 13,93 ± 0,18 mas | |
| Referencies | ||
| SIMBAD | enllaz | |
| Otres designaciones | ||
| 42 Hydrae / HD 90432 / HR 4094 / HIP 51069 / SAO 155980 / BD-16 3052 | ||
| [editar datos en Wikidata] | ||
Mu Hydrae ye una xigante naranxa de tipu espectral K4III,[1] asemeyáu a munches otres estrelles brilloses del cielu nocherniegu —ente otres Alfard (α Hydrae), λ Hydrae y ν Hydrae, nesta mesma constelación. La so temperatura efectivo ye de 3999 ± 8 K y ye 480 vegaes más lluminosa que'l Sol. Tien un diámetru 45 vegaes más grande que'l diámetru solar,[5] igual al d'Aldebarán (α Tauri), y xira sobre sigo mesma con una velocidá de rotación proyeutada de 5,9 km/s.[6]
Mu Hydrae presenta un conteníu metálico daqué inferior a la solar, siendo'l so índiz de metalicidá [Fe/H] = -0,12.[5] Per otra parte, foi clasificada como posible estrella variable con una fluctuación de rellumu de 0,03 magnitúes. Dicha variabilidá nun foi confirmada, recibiendo Mu Hydrae la denominación provisional, tocantes a variable, de NSV 4528.[7] D'alcuerdu al nuevu amenorgamientu de los datos de paralax de Hipparcos, alcuéntrase a 234 años lluz del Sistema Solar.
Referencies
editar- ↑ 1,0 1,1 42 Hya -- Variable Star (SIMBAD)
- ↑ The stars of Hydra (Alcyone)
- ↑ Hydra. Ian Ridpath's star tales
- ↑ Allen, Richard Hinckley (1889). «Hydra», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 8 de marzu de 2012.
- ↑ 5,0 5,1 Massarotti, Alessandro; Latham, David W.; Stefanik, Robert P.; Fogel, Jeffrey (2008). «Rotational and Radial Velocities for a Sample of 761 HIPPARCOS Giants and the Role of Binarity». The Astronomical Journal 135 (1). páxs. 209-231. http://cdsads.u-strasbg.fr/cgi-bin/nph-bib_query?2008AJ....135..209M&db_key=AST&nosetcookie=1.
- ↑ Hekker, S.; Meléndez, J. (2007). «Precise radial velocities of giant stars. III. Spectroscopic stellar parameters». Astronomy and Astrophysics 475 (3). páxs. 1003-1009. http://cdsads.u-strasbg.fr/cgi-bin/nph-bib_query?2007A%26A...475.1003H&db_key=AST&nosetcookie=1.
- ↑ NSV 18402 (General Catalogue of Variable Stars)
Coordenaes: 
10h 26m 5.426s, -16° 50′ 10.639″
Datos: Q1028725
