Abrir el menú principal

Mustela lutreola

especie de mamíferu
Mink1.jpg

El visón européu (Mustela lutreola) ye un mustélidu en peligru críticu d'estinción (CR) según la clasificación de la UICN. Habita n'escases y pequeñes poblaciones aisllaes dende España hasta los Urales.

IdentificaciónEditar

Pequeñu mustélidu de color marrón uniforme, con llabios de color blancu. Se estrema del visón americanu porque ésti nun tien blancu'l llabiu cimeru, ye más grande y tien un color llixeramente más escuru.

DistribuciónEditar

D'antiguo el visón européu ocupaba una amplia franxa del oeste del continente euroasiático, qu'anguaño se vio amenorgada a unos pocos enclaves en Francia, España, Rumanía, Moldavia, Bulgaria, Bielorrusia, les repúbliques báltiques y Rusia occidental.

N'España, nel so momentu de mayor población, la so distribución ocupaba la mayor parte de Navarra, La Rioxa y País Vascu. Tamién taba presente nel nordeste de Burgos, y puntualmente nel norte de Soria y Aragón. Tres un perrápidu descensu de la población nos últimos años, atópase anguaño nun estáu críticu.

CaltenimientuEditar

Les poblaciones ibériques baxaron a la metá dende principios de los 90 hasta l'añu 2000, momentu en que s'envaloró la población n'unos 500 adultos.[1]La introducción del visón americanu n'Europa a partir d'escapes de granxes pelliteres perxudicólu notablemente al tratase d'una especie más prolífica y comenenciosa que pue llegar a mover a la especie autóctona llevándola a la so estinción. Amás, el visón americanu tresmite'l parvovirus de la enfermedá aleutiana del visón qu'ataca al visón européu de forma muncho más agresiva que al so güéspede orixinal.

ReferenciesEditar

  1. Palazón, S. (2003). Visón europeo - Mustela lutreola. En: Enciclopedia Virtual de los Vertebrados Españoles. Carrascal, L. M., Salvador, A. (Eds.). Museo Nacional de Ciencias Naturales, Madrid. http://www.vertebradosibericos.org/