Omega Orionis
Omega Orionis (ω Ori / 47 Orionis)[1] ye una estrella na constelación d'Orión de magnitú aparente +4,57 asitiada aproximao a 1380 años lluz de distancia del Sistema Solar. Tópase arrodiada per una nube de polvu, formando una modesta nebulosa de reflexón de más d'un añu lluz d'un estremu a otru.[2]
 Omega Orionis | ||
|---|---|---|
| Datos d'observación (Dómina J2000.0) | ||
| Constelación | Orión | |
| Ascensión reuta (α) | 05h 39min 11,15s | |
| Declinación (δ) | +04º 07’ 17,3’’ | |
| Mag. aparente (V) | +4,57 | |
| Carauterístiques físiques | ||
| Clasificación estelar | B3IIIe | |
| Masa solar | 10,5 M☉ | |
| Radiu | (11,4 R☉) | |
| Magnitú absoluta | -3,56 | |
| Lluminosidá | 15.275 L☉ | |
| Temperatura superficial | 19.100 K | |
| Astrometría | ||
| Velocidá radial | +21,8 km/s | |
| Distancia | 1380 ± 190 años lluz | |
| Paralax | 2,36 ± 0,2 mas | |
| Referencies | ||
| SIMBAD | enllaz | |
| Otres designaciones | ||
| 47 Orionis / HD 37490 / HR 1934 / HIP 26594 / SAO 113001 | ||
| [editar datos en Wikidata] | ||
Omega Orionis ye una xigante azul de tipu espectral B3IIIe con una temperatura efectivo de 19.100 K. Incluyendo una gran cantidá radiación ultravioleta emitida, Omega Orionis relluma con una lluminosidá 15.275 vegaes mayor que la del Sol. Con un radiu 11,4 vegaes más grande que'l radiu solar, la so velocidá de rotación proyeutada —181 km/s— implica un periodu de rotación inferior a 3,15 díes. Sicasí, la so velocidá de rotación real puede algamar los 450 km/s, envalorándose que'l so eje tópase inclináu 24º al respective de la llinia de visión. Tien una masa 10,5 vegaes superior a la del Sol, xusto percima de la llende a partir del cual les estrelles españen como supernoves. La so edá envalórase en 19 millones d'años y namái apocayá empezó la so etapa como xigante.[2]
De resultes de la so rápida rotación, Omega Orionis ye una estrella Be. Ente les estrelles d'esta clase, foi la primera onde se midió'l campu magnéticu, resultando ser 1000 vegaes mayor que'l de la Tierra. Omega Orionis ye, como munches estrelles Be, una estrella variable que'l so rellumu varia 0,19 magnitúes. Coles mesmes, reparáronse pequeñes variaciones debíes a pulsaciones non radiales, con periodos de 0,97 y 2,19 díes.[2]
Referencies
editarCoordenaes: 
5h 39m 11.146s, 4° 7′ 17.279″
Datos: Q1749117
