Oxetu Zamenhof-Esperanto

Un Oxetu Zamenhof-Esperanto (n'Esperanto Zamenhof/Esperanto-Objekto, acurtiáu ZEO) ye un monumentu o un llugar relacionáu con L. L. Zamenhof, el idioma auxiliar Esperanto qu'él creó en 1887, o la comunidá de falantes d'Esperanto.

Bustu de L. L. Zamenhof nel Esperantopark de Viena.

Ficheru:1436 Railway 100.png

Estampilla húngara conmemorando'l 14º Congresu Internacional de Ferroviarios Esperantistes (Budapest, 1962).

Tipos d'oxetos

Los oxetos Zamenhof-Esperanto son caís, monumentos conmemorativos, espacios públicos como places, parques o puentes. Zamenhof o Esperanto en dalgunes ocasiones son parte tamién d'edificios y empreses como hospitales, hoteles o axencies de traducción. Tamién esisten vehículos, como zeppelines, barcos y trenes nomaos n'honor a Zamenhof o l'Esperanto. Dalgunes especies, ríos, islles, asteroides y otros descubrimientos naturales han sío nomaos d'esti mou. Incluso sellos postales o Virus informáticos conmemorando a Zamenhof o al Esperanto son consideraos ZEOs.

Historia de los oxetos Zamenhof-Esperanto

El primer oxetu Zamenhof-Esperanto foi un barcu llamáu Esperanto, el cual foi construío y echáu a la mar en 1896. La Enciclopedia de Esperanto de 1934 contién una llista de aproximadamente 54 pueblos y ciudaes les cuales tán rellacionaes con dalgún oxetu d'esti tipu. En 1997 l'Esperantista alemán, Hugo Röllinger, espublizó un llibru tituláu Monumente pri Esperanto – ilustrita dokumentaro pri 1044 Zamenhof/Esperanto-objektoj en 54 landoj ("Monumentalmente sobro'l Esperanto – una documentación ilustrada de 1044 oxetos Zamenhof-Esperanto en 54 países") y hasta la so muerte en 2001 él llistó un total de 1260 d'esos oxetos.^[1] Foi él quien acuñó'l acrónimu ZEO. Actualmente, Robert Kamiński de Polonia ye la persona encargada pola Asociación Universal d'Esperanto pal rexistru de ZEOs.^[2]

ZEOs Notables

El mayor númberu de ZEOs por país alcuéntrase en Brasil. En Polonia, el llugar de ñacimientu del Esperanto, s'hallan dalgo más de cien d'ellos.

El primeru
- El barcu Esperanto n'España, construío en 1896
El más altu
- El monumentu n'honor a Zamenhof de 12 metros en Sabadell, España. que data de 1989
El más llargu
- La caí Esperanto de 4 km en São Sebastião do Caí, Brasil
Más al norte
- Un monumentu conmemorativu al Esperanto en Narvik (Noruega) asitiáu en 68°25' N
- L'Arroyu Esperanto n'Alaska, Estaos Xuníos) en 63°27' N
- El Cabu Esperanto en Svalbard en 78°37' N
Más al sur
- L'árbol Esperanto en Tasmania, Australia en 42° S
- El monumentu a Zamenhof y la caí Esperanto en Mar del Plata, Arxentina
- La caí Zamenhof en Puerto Elizabeth, Sudáfrica)
- La Islla Esperanto en L'Antártida en 62°25'43" S
Más lloñe
- Los Asteroides 1462 Zamenhof y 1421 Esperanto
- La inscripción n'Esperanto sobre'l discu d'oru que porta'l Voyager 1 y Voyager 2 na so travesía fora del Sistema solar.

Ver tamién

Cultura esperantista

Referencies

Enllaces esternos

[1] Gazetaraj Komunikoj N-ro 140 (2001-11-22): Raymond Boré daŭrigas la laboron de Röllinger

[2] Universala Esperanto-Asocio: Komisionoj kaj komisiitoj

[1]

[2]