Philip Miller

Philip Miller (1691, Greenwich – 18 d'avientu de 1771, Chelsea) foi un hortalaneru y botánicu británicu, d'ascendencia escocesa.

Philip Miller
Vida
Nacimientu	Greenwich, 1691
Nacionalidá	Reinu de Gran Bretaña
Llingua materna	inglés
Muerte	Chelsea, 18 d'avientu de 1771 (79/80 años)
Familia
Padre	Joseph Miller
Estudios
Llingües falaes	inglés alemán
Oficiu	botánicu, horticultor, xardineru, escritor de non ficción
Llugares de trabayu	Chelsea
Miembru de	Royal Society
Abreviatura en botánica	Mill. (IPNI)

Biografía

Philip Miller foi'l xardineru en xefe del Xardín botánicu de Chelsea (Chelsea Physic Garden) dende 1721 hasta casi la fecha de la so muerte. Casóse con Mary Kennet, con quien tuvo dos fíos, Charles y Philip.

Caltuvo una correspondencia importante con otros botánicos del so tiempu, llogrando numberosos especímenes procedentes del mundu enteru, que cultivó en Gran Bretaña. Miller instruyó a William Aiton (1731-1793), quien más tarde aportaría a el xardineru en xefe nel Real Xardín Botánicu de Kew, y a William Forsyth (1737-1804), que tien un xéneru de plantes col so nome (Forsythia).

Philip Miller refugó la nomenclatura binomial de Carlos Linneo (1707-1778) y prefirió utilizar la clasificación de Joseph Pitton de Tournefort (1656-1708), y la de John Ray (1627-1705). Solamente na octava edición de la so Gardeners Dictionary (El diccionariu de los xardineros), en 1768, foi cuando adopta'l sistema lineano. Sicasí, yá describiera dellos xéneros, tales como Larix y Vanilla, que se-yos validara nel sistema lineano, na so cuarta edición, de 1754.

Miller ta venceyáu colos oríxenes del cultivu del algodón en Georgia, Estaos Xuníos, onde llantó personalmente les primeres granes en 1733.

Obres

• The Gardeners & florists dictionary, or a Complete system of horticulture (dos volúmenes, C. Rivington, Londres, 1724)
• Catalogus plantarum, tum exoticarum tum domesticarum, quae in hortis haud procul a Londino sitis in venditionem propagantur (Londres, 1730)
• The Gardeners dictionary, containing the methods of cultivating & improving the kitchen, fruit and flower garden, as also the physick garden, wilderness, conservatory and vineyard (dos volúmenes, C. Rivington, Londres, 1731-1739)
• The Gardeners kalendar, directing what works are necessary to be done every month in the kitchen, fruit & pleasure gardens & in the conservatory, with an account of the particular seasons for the propagation and use of all sorts of esculent plants & fruits proper for the table & of all sorts of flowers, plants & trees that flower in every month (C. Rivington, Londres, 1732, reeditáu en 1748, 1754, 1762, quinta edición en 1769)
• La parte botánica del Dictionarium britannicum, or a more compleat universal etymological English dictionary than any extant, 2ª ed. de Nathan Bailey (16?-1742), con Thomas Lediard (1685-1743) pa la parte matemática (T. Cox, Londres, 1736, reeditáu por T. OPsborne en 1764)
• The Method of cultivating madder, as it is now practised by the Dutch in Zealand... to which is added the method of cultivating madder in England (J. Rivington, Londres, 1758)
• Traité complet sur la manière de planter, d'élever et de cultiver la vigne, extrait du grand dictionnaire anglais de Miller, par les soins de la Société œconomique de Berne en allemand, traduit de l'allemand et augmenté par un membre de la ditte société; on y a ajouté la manière de cultiver la vigne dans le canton, tirée du Recueil œconomique de la même Société (dos volúmenes, Yverdon, 1768)

Honores

El 22 de xineru de 1730 foi electu miembru de la Royal Society, en Londres.

Epónimos

• (Asteraceae) Milleria Houst. ex L.

Abreviatura

L'abreviatura Mill. emplégase pa indicar a Philip Miller como autoridá na descripción y clasificación científica de los vexetales. (consulta la llista de tolos xéneros y especies descritos por esti autor nel IPNI).

Ver tamién

• Llista de naturalistes y epónimos

Referencies

• «Philip Miller», Índiz Internacional de Nomes de les Plantes (IPNI), Real Xardín Botánicu de Kew, Herbariu de la Universidá de Harvard y Herbariu nacional Australianu (eds.), http://www.ipni.org/ipni/authorsearch?id=6485-1&query_type=by_id&output_format=object_view .

Enllaces esternos

• Wikimedia Commons acueye conteníu multimedia sobre Philip Miller.

• Datos: Q312678
• Multimedia: Philip Miller
• Especies: Philip Miller