Abrir el menú principal

BiografíaEditar

Richard Dale Jenkins nació y crióse en DeKalb, un pueblu agrícola en Illinois. La so madre, Mary Elizabeth Jenkins (de soltera Wheeler), yera ama de casa, y el so padre, Dale Stevens Jenkins, yera dentista.

Antes de ser actor, trabayó nuna empresa de tresporte (siendo'l so xefe'l padre del actor John C. Reilly).

Estudió na Universidá Wesleyan y fixo un programa de teatru nel Indiana State College; ellí formóse so les enseñances de Harold Guskin, una importante influencia na so carrera.

Cuenta Jenkins que ver a Michael Caine en Alfie foi l'impulsu que precisaba pa decidise a ser actor. Y esplegaría el so talentu actoral nos escenarios teatrales mientres quince años (cuatro d'ellos como direutor artísticu) na Trinity Repertory Company de Rhode Island, n'obres indiscutibles como Esperando a Godot, Macbeth, American Buffalo, De mures y homes.

No qu'a la pantalla refierse, l'actor empezó na pequeña en 1974, en telefilmes de poco interés. Y anque los papeles que-y daben yeren mínimos, daqué tenía de tener, por que Lawrence Kasdan fichára-y pa Silverado (1985), Woody Allen pa Hannah y les sos hermanes (1986), y George Miller pa Les bruxes de Eastwick (1987).

Foi nos 80 cuando empezó a participar asiduamente en cine, con películes como The Manhattan Project, Espíes ensin identidá y Melodía de seducción, amás de qu'intervieno nun par episodios de la serie Miami Vice. Pero amás de sufridor, tenía cara de comediante, o bien encaxaba en dambos. Asina lo entendieron los hermanos Farrelly (Peter y Bobby), que lo reclutaron pa títulos como There's Something About Mary y Yo, yo mesmu ya Irene, y otros hermanos, los Coen, con quien fixo L'home que nunca tuvo ellí, Intolerable Cruelty y Burn After Reading. Otres comedies que cunten cola so presencia inclúin Te puede pasar a ti, Flirting with Disaster, Cheaper By the Dozen y Hermanos por pelotes.

Ente los sos trabayos más recién destaquen drames (North Country), ya inclusive ciencia ficción (El nucleu). Y nel so currículum tien collaboraciones con Sydney Pollack (Random Hearts), David O. Russell (Estrañes coincidencies) y Rob Reiner (Rumor Has It...).

Pero'l papel que-y reportaría la verdadera fama foi'l del Profesor Walter Vale na película de Thomas McCarthy; The Visitor (2007), que trata sobre un home solitariu de la mediana edá que la so vida camuda cuando s'enfrenta con problemes d'identidá social, inmigración y comunicación intercultural, depués de los ataques del 11 de setiembre en Nueva York. Por esti papel recibió la so primer nominación al Óscar al meyor actor en 2008, amás del aplausu unánime de la crítica.

Ente otros proyeutos, en televisión: destaca'l so papel de Nathaniel Fisher Sr., el patriarca fináu de la serie Six Feet Under (2001-2005) de la HBO, y nel teatru: ye miembru de la compañía teatral Trinity Repertory Company, de Rhode Island, dende fai 14 años, y foi direutor artísticu de la mesma mientres 4 años.

Tocantes a la so vida personal, dende 1969 ta casáu con Sharon R. Friedrick, cola que tien dos fíos, Sarah Pamela y Andrew Kenneth. Anguaño vive en Rhode Island.

Filmografía parcialEditar

Premios y nominacionesEditar

Llista incompleta de premios

Premiu Óscar
Añu Categoría Película Resultáu
2008 Meyor actor The Visitor Nomáu
Premios del Sindicatu d'Actores
Añu Categoría Película Resultáu
2008 Meyor actor protagonista The Visitor Nomáu
2002 Meyor repartu de televisión - Drama Six Feet Under Nomáu
Premios Satellite
Añu Categoría Película Resultáu
2008 Meyor actor - Drama The Visitor Ganador
Festival Internacional de Cine de Moscú
Añu Categoría Película Resultáu
2008 Premiu "Silver St. George" al meyor actor The Visitor Ganador
Premios Independent Spirit
Añu Categoría Película Resultáu
2008 Meyor actor The Visitor Nomáu
1996 Meyor actor de repartu Flirting with Disaster Nomáu

Enllaces esternosEditar