Lluis Xabel Álvarez

Lluis Álvarez, tamién conocíu pol alcuñu de "Texuca", (1948, Sama) ye un filosofu, escritor asturianu y profesor de la Universidá d'Uviéu. Lluis Xabel Álvarez nació en Sama, Llangréu, en 1948.

Lluis Xabel Álvarez
Vida
Nacimientu	Sama, 1948 (75/76 años)
Nacionalidá	España
Familia
Casáu con	Amelia Valcárcel
Estudios
Estudios	Universidá de Valencia
Llingües falaes	castellanu asturianu
Oficiu	escritor, filósofu
Alcuñu	Texuca

Estudió nes Universidaes de Valencia y Uviéu; nesta última entró nel departamentu de Filosofía cuando lu dirixía Gustavo Bueno, dedicándose sobremanera a dar clases de Filosofía del Llinguaxe, Estética y Filosofía del Arte, disciplines nes que Lluis Álvarez tien delles publicaciones notables. En 1977 collabora na fundación de la Sociedá Asturiana de Filosofía (SAF).

N'asturianu escribió dos llibros, ún de poesía: "Poemes y tornes" (1990) y otru d'ensayu: "Diálogu de Pumarín y otros trabayos de razón local" (1999). Texuca foi ún de los entamadores del grupu Conceyu Bable en 1974 y dende los sos primeros artículos publicaos na revista Asturias Semanal, vien ocupándose de temes rellacionaos cola identidá cultural asturiana en diversos trabayos. Ye académicu de la llingua dende la fundación de l'Academia de la Llingua Asturiana en 1981.

En Poemes y tornes amuesa una poética que bebe del celtismu de Yeats y de les elexíes de Rilke pa componer un discursu estéticu de fonda intensidá emotiva y d'una rica espresividá llingüística. Les versiones d'autores tan estremaos como Shakesperare, Robert Graves, Salvador Espriu y Carmen Conde, que completen esti llibru, sirven tamién de guía de los gustos poéticos de Lluis Texuca.

Bibliografía

Creación y torna

• Poemes y tornes, Academia de Llingua Asturiana, Uviéu, 1990. ISBN 84-86936-22-5.
• La casa les venti ventanes (2024)

Ensayu

• "La Universidad de Asturias", Salinas : Ediciones Ayalga, 1978, (Coleición Popular asturiana ; 45) ISBN 84-7411-052-1

• "Escritos sobre estética y un epílogo para futuros", Los Hórreos, Uviéu, 1989. ISBN 84-87056-01-6

• "La estética del rey Midas : arte, sociedad, poder", Peninsula, Barcelona, 1992. ISBN 84-297-3555-0

• "Los límites del individualismo". Nóesis, Madrid, [1998].

ISBN 84-87462-46-4

• "Diálogu de Pumarín y otros trabayos de razón local", Trabe, Uviéu, 1999. ISBN 84-8053-080-4

Edición lliteraria

• "Humanismo integral", Manuel Granell ; prólogu de Lluis X. Álvarez. Noega, Xixón, 1983. ISBN 84-86015-23-5

• "Filosofía, política, religión : más allá del “pensamiento débil”", Gianni Vattimo ; con estudios de Modesto Berciano y Cesáreo Villoria ; y testus de Roberto Salizzoni ; introducción y notes de Lluis Álvarez. Nobel, Uviéu, 1996. ISBN 84-87531-65-2.

Enllaces esternos

• Wikimedia Commons tien conteníu multimedia tocante a Lluis Xabel Álvarez.

• Datos: Q3326376