Ana Vanessa Gutiérrez

Ana Vanessa Gutiérrez (1980, Mieres) ye una escritora asturiana. Nacida en Mieres del Camín, a los seis años treslladóse a vivir a L'Entregu.

Ana Vanessa Gutiérrez
Vida
Nacimientu	Mieres, 1980 (43/44 años)
Nacionalidá	España
Estudios
Llingües falaes	castellanu asturianu
Oficiu	escritora, presentadora de televisión, poeta, política
Xéneru artísticu	poesía

Presentadora del magazine cultural Pieces na Televisión Pública Asturiana (TPA), dende'l 7 de xunu de 2008, onde aporta’l so conocimientu de la realidá cultural del país y dota d'una personalidá propia mui fuerte al espaciu, Vanessa Gutiérrez tamién dirixe y presenta'l programa Entrelíneas dedicáu a la lliteratura en Punto Radio Asturias. Amás, ye collaboradora habitual en seiciones d'opinión del periódicu El Comercio y nel selmanariu Les Noticies.

Vanessa Gutiérrez diose a conocer como poeta nel añu 2003 col poemariu tituláu "Onde seca l'agua" (Trabe, 2003), un llibru onde recoyía la so iniciación a la poesía n'asturianu. Enseguida sumóse la concesión del premiu "Teodoro Cuesta" na so trecena convocatoria pol poemariu tituláu "La danza de la yedra" (Trabe, 2004), convirtiéndose d'entós p'acá nún de los referentes de la nueva poesía asturiana. A la fin, dellos poemes seleccionaos d'estos poemarios, xunto con munchos inéditos, foron recoyíos a la manera d'una antoloxía acompañada de la so traducción al catalán nel volume tituláu "Passà el temps desfant la memória", nel que tamién s’antologa una parte de la obra poética de Xuan Bello, baxo una traducción que corrió a cargu del Seminariu de Farrera y una edición de la Institució de les Lletres Catalanes.

Tres d'unos años collaborando como articulista n'estremaos medios de comunicación, onde tamién foron apareciendo dalgunos cuentos de Vanessa Gutiérrez, amás d'en delles antoloxíes, la primer obra en narrativa d'esta autora fue "Les pallabres que te mando", editada por Ámbitu nel añu 2006. A la que siguió, nel añu 2007, la obra "El país del silenciu" (Ámbitu, 2007); un ensayu documental escritu por Vanessa Gutiérrez y Beatriz R. Viado que rellata en capítulos independientes la vida de muyeres asturianes nacíes a partir de 1910, centrándose nes sos esperiencies de la Guerra Civil.

La última novela publicada por Vanessa Gutiérrez tituláse "La cama" (Ámbitu, 2008); el llibru seguramente más intensu publicáu hasta la fecha pola autora, que se presenta como "una obra única nel panorama lliterariu asturianu". En 2011 recibió'l Premiu de la Crítica RPA de Lliteratura, pol llibru de poemes La quema.

Nel añu 2018, Vanessa algamaría por segunda vez el premiu del Concursu de Poesía Teodoro Cuesta, col poemariu tituláu Refraneru popular, por unanimidá del xuráu.

D’otra manera, una bona parte de la obra de Vanessa Gutiérrez ta recoyida en diferentes antoloxíes. En poesía:

- Escritores en Llanes.(Conseyería de Cultura del Principáu d'Asturies, 2004) - Cuarenta poemes.(Ámbitu, 2005) - Pallabres de casa. (ALLA, 2005) - Pallabres clares.(Trabe, 2005) - La verdadera historia de los hombres. (Eclipsados, 2005) - Poesía astur de hoy (traducción al húngaru) Antólogu András Keri. - Voces paraleles (traducción al catalán) - Versos diversos. - Mensajes de un mundo dibujado. Septem Ediciones - Patrimoniu Intelectual - Nombres propios (ASMA, 2007) - Sentir que toi viva. (Xunta Xeneral del Principáu d'Asturies, 2008) - Mieres Mío (Editáu pol poeta y calígrafu Fernando Menéndez, 2008)

En narrativa:

- Asturies cuenta... (Suburbia Ediciones, 2008) - Vía de serviciu.(Suburbia Ediciones, 2007) - Antoloxía del cuentu eróticu. (Ámbitu, 2004) - Cuentos mínimos. (Xunta Xeneral del Principáu d'Asturies, 2007) - 5 minutos d'averamientu a la prosa asturiana moderna. (KRK, 2007) - Tarxeta d'embarque.(Conseyu de Comunidaes Asturianes, 2007) - Snudos. Prólogu al llibru del fotógrafu asturianu Enrique G. Cárdenas.

Obra

Poesía

• Onde seca l'agua(2003).[1] Archiváu 2005-11-15 en Wayback Machine
• La danza de la yedra (2004)[2] Archiváu 2011-12-19 en Wayback Machine
• Passà el temps desfant la memória(2006) [3] Archiváu 2016-09-04 en Wayback Machine

Ensayu

• El país del silenciu (2007)[4] Archiváu 2008-03-23 en Wayback Machine

Narrativa

• Les pallabres que te mando(2006). (enllaz rotu disponible n'Internet Archive; ver l'historial y la última versión).
• La cama (2008). (enllaz rotu disponible n'Internet Archive; ver l'historial y la última versión).

Antoloxíes

• Escritores en Llanes.
• Cuarenta poemes.
• Pallabres de casa.
• Pallabres clares. (enllaz rotu disponible n'Internet Archive; ver l'historial y la última versión).
• La verdadera historia de los hombres. [5] Archiváu 2016-03-04 en Wayback Machine
• Poesía astur de hoy (traducción al húngaro)[6] Archiváu 2016-03-04 en Wayback Machine
• Voces paraleles (traducción al catalán)
• Versos diversos.
• Mensajes de un mundo dibujado. [7] Archiváu 2016-03-11 en Wayback Machine
• Patrimoniu Intelectual
• Nombres propios
• Sentir que toi viva.
• Mieres Mío
• Asturies cuenta... [8] Archiváu 2009-02-14 en Wayback Machine
• Vía de serviciu. [9] Archiváu 2009-02-14 en Wayback Machine
• Antoloxía del cuentu eróticu.[10] Archiváu 2016-03-14 en Wayback Machine
• Cuentos mínimos.
• 5 minutos d'averamientu a la prosa asturiana moderna. [11] Archiváu 2016-03-04 en Wayback Machine
• Tarxeta d'embarque.

Otros

• Snudos. Prólogu al llibru del fotógrafu asturianu Enrique G. Cárdenas.[12] Archiváu 2011-12-19 en Wayback Machine
• Poesía en movimientu. Coord. Lurdes Álvarez
• Por si dixérais el mio nome. Coord. Xosé Bolado

Collaboraciones

• Reciella Malory.
• Lliteratura.
• Entellunu.
• Eventual.
• La Ratonera. Revista asturiana de Teatro.
• Alitar Asturies.
• Les Noticies.
• Asturnews.
• Lliteratu.
• Lúnula.
• Formientu.
• Viejóvenes.
• La hamaca de lona.
• Biblioasturias.
• Dorna, nueva poesía.
• El Súmmun.
• Luces de Bohemia

Enllaces esternos

• Datos: Q5197154