Ángeles Flórez Peón

miliciana socialista asturiana

Ángeles Flórez Peón (17 de payares de 1918Blimea), conocida como Maricuela, ye una activista y escritora asturiana. Ye la presidenta d'honor de les Mocedaes Socialistes d'Asturies y ta considerada como la última miliciana socialista española viva.[2]

Ángeles Flórez Peón
presidente d'honor Mocedaes Socialistes d'Asturies, España

4 ochobre 2015 -
Vida
Nacimientu Blimea17 de payares de 1918 (105 años)
Nacionalidá España
Residencia Samartín del Rei Aurelio
Barakaldo
Saint-Éloy-les-Mines
Xixón
Familia
Casada con Graciano Rozada Vallina (1946 – 2003)
Estudios
Llingües falaes castellanu
Oficiu política, militar, enfermera, activista, dependienta, escritora, candidata políticapersona centenaria
Miembru de Mocedaes Socialistes d'Asturies
Seudónimu/os Maricuela
Serviciu militar
Lluchó en Guerra Civil Española
Francia de Vichy
Segunda Guerra Mundial
Creencies
Partíu políticu Partíu Socialista Obreru Español [1]
Federación Socialista Asturiana [1]
Cambiar los datos en Wikidata

Biografía editar

Ángeles Flórez Peón nació en Blimea el 17 de payares de 1918.[3] Entamó a trabayar a los 9 años fregando suelos. Cuando tenía 15 años perdió al so xermanu mayor Antonio, que foi asesináu xunto con otros 23 homes na represión de la fuelga revolucionaria d'ochobre de 1934 en Santa Marta Carbayín.[4] Esti eventu llevóla a xunise a les Mocedaes Socialistes d'Asturies en 1936, y depués del golpe d'Estáu de xunetu de 1936, convertióse en miembru de la milicia en Cualloto. Tamién foi enfermera nun hospital de campaña en Xixón. El so nomatu de guerra, Maricuela, fai referencia al personaxe principal d'una obra de teatru de Jacinto Sánchez de 1934 titulada ¡Arriba los pobres del mundo!, na que Flórez actuó a los 17 años, cuando españó la Guerra Civil española.[4][5]

Flórez foi detenida n'ochobre del 1937 y primeramente condergada a 15 años de prisión, anque darréu amenorgóse a 9 años. En mayu de 1938 foi treslladada a la prisión de Saturrarán en Gipuzkoa, onde permaneció hasta que foi puesta en llibertá condicional n'agostu del 1941. Moró mientres un tiempu en Barakaldo, onde vivía la so hermana, y depués coló pa Uviéu y L'Entregu, onde trabayó primero n'un chigre y depués nuna farmacia.[3]

En 1946, Flórez casó con Graciano Rozada Vallina, quien participó na reorganización del Partíu Socialista Obreru Español (PSOE) y la Unión Xeneral de Trabayadores (UXT) d'Asturies. Por cuenta de la so implicación nestos procesos, Rozada decidió escapar a Francia n'agostu del 1947 a riesgu de ser detenida. Flórez y la so fía axuntáronse con él en marzu de 1948, depués de tar arreyaos na muerte d'un grupu de guerrilleros. Permaneció políticamente activa nel exiliu y participó nel VII Congresu del PSOE en 1958.[3][6]

Tornó a España en 1960 pa visitar a la so familia y foi detenida en llegando a la frontera, anque se-y dexó siguir la so visita a Asturies y depués volver a Francia. En 2003, el so home finó en Saint-Éloy-les-Mines, y ella tornó un añu dempués a Asturies, instalándose en Xixón, onde s'incorporó a les Mocedaes Socialistes d'Asturies a entamos de 2013.[3]

En 2014, a los 95 años, Flórez empezó a utilizar la rede social Facebook pa compartir les sos idees y opiniones polítiques.[7] Amás, p'ayudar a caltener la historia d'esa dómina y la so xeneración, en 2013 publicó Memorias de Ángeles Flórez Peón 'Maricuela', na qu'arrexuntó testimonios de la Revolución de 1934 y la Guerra Civil.[8] En 2018, presentó un llibru de les sos memories, Las sorpresas de Maricuela, na Feria del Llibru de Madrid. [4]

Reconocencies editar

N'ochobre de 2016, el Club de les 25 fizo un homenaxe a Ángeles Flórez, dándo-y un premiu por "la so defensa de la llibertá y la democracia", que recibió de manes de la direutora de Diario 16 Cristina Fallarás.[9] L'asociación feminista entrega añalmente estos premios coles mires de "asoleyar a les muyeres y les sos problemes". Otres gallardionaes fueron la periodista Pepa Bueno y l'escritora Almudena Grandes.[10] El 21 d'ochobre de 2017, Flórez recibió'l Gallardón Pozu Fortuna, un honor qu'añalmente da l'Asociación Foru Pozu Fortuna en collaboración col conceyu de Mieres a "aquelles persones, organizaciones o entidaes que s'estremaren na consecución d'aiciones o obres que sofiten los valores d'humanidá, llibertá, solidaridá, paz y defensa de los derechos humanos".[11] La entrega de premios tuvo llugar pela redolada del pozu de Mieres, onde s'atopa una de les fueses comunes más grandes d'Asturies.[12]

Obres editar

Referencies editar

  1. 1,0 1,1 URL de la referencia: https://fsa-psoe.org/fjb/biblioteca/memorias-de-angeles-lforez-peon-maricuela/.
  2. Nebot, Marta (2018-06-05). «Maricuela, la última miliciana socialista: 'Necesitamos una izquierda unida'» (en castellanu). Público (Madrid). https://www.publico.es/politica/maricuela-ultima-miliciana-socialista-necesitamos-izquierda-unida.html. Consultáu'l 2019-11-25. 
  3. 3,0 3,1 3,2 3,3 «Flórez Peón, Ángeles» (castellanu). Pablo Iglesias Foundation. Consultáu'l 25 de payares de 2019.
  4. 4,0 4,1 4,2 Martínez, Gabriela (2018-06-06) (en castellanu). Maricuela, la última superviviente de la milicia socialista, tiene casi 100 años. El País. https://elpais.com/elpais/2018/06/05/mujeres/1528218688_313322.html. Consultáu'l 2019-11-25. 
  5. Borraz, Marta (16 de xunetu de 2016) (en castellanu). Maricuela, una de las últimas milicianas vivas: 'Luchábamos para defender la República y nos la robaron'. eldiario.es. https://www.eldiario.es/sociedad/Milicianas-Guerra-Civil-dinamitar-fronteras_0_536846599.html. Consultáu'l 25 de payares de 2019. 
  6. (en castellanu) Ángeles Flórez Peón, miliciana durante la Guerra Civil y exiliada en Francia. La Nueva España. 2013-04-17. https://www.foroporlamemoria.info/2013/04/angeles-florez-peon-miliciana-durante-la-guerra-civil-y-exiliada-en-francia/. Consultáu'l 2019-11-25. 
  7. Flórez Peón, Ángeles (2016-10-29) (en castellanu). Fui miliciana en la Guerra Civil y a los 97 años cuelgo mis opiniones políticas en Facebook. El País Verne. https://verne.elpais.com/verne/2016/10/28/articulo/1477638050_050938.html?rel=mas. Consultáu'l 2019-11-25. 
  8. Vega, J. A. (2013-06-08) (en castellanu). Ángeles Flores Peón: 'Mi libro es una historia de amor a la libertad y compromiso político'. L'Entregu: La Nueva España. https://www.lne.es/cuencas/2013/06/08/angeles-flores-peon-libro-historia/1424579.html. Consultáu'l 2019-11-25. 
  9. López Álvarez, Carmen (26 d'ochobre de 2016). «El Club de las 25 entrega sus premios anuales a la lucha femenina y la defensa de la igualdad» (en castellanu). La Vanguardia. https://www.lavanguardia.com/de-moda/20161026/411342707913/premios-mujeres-feminismo-club-de-las-25.html. Consultáu'l 25 de payares de 2019. 
  10. Fuente, Alejandra de la (25 d'ochobre de 2016). «El Club de las 25 premia a Pepa Bueno, Almudena Grandes y Maricuela, entre otras» (en castellanu). Diario 16. https://diario16.com/el-club-de-las-25-premia-a-pepa-bueno-almudena-grandes-y-maricuela-entre-otras/. Consultáu'l 25 de payares de 2019. 
  11. «Galardón Pozu Fortuna» (castellán). Consultáu'l 25 de payares de 2019.
  12. Basteiro, C. M. (22 d'ochobre de 2017) (en castellán). Ángeles Flórez Peón, 'Maricuela': 'Quiero que la izquierda se una para ganar todos'. Mieres: La Nueva España. https://www.lne.es/cuencas/2017/10/22/angeles-florez-peon-maricuela-quiero/2181579.html. Consultáu'l 25 de payares de 2019. 

Enllaces esternos editar