Bessie Love
Bessie Love (10 de setiembre de 1898, Midland – 26 d'abril de 1986, Londres) foi una actriz cinematográfica d'Estaos Xuníos que consiguió la fama principalmente por cuenta del so trabayu nel cine mudu y nos entamos del sonoru. Pequeña y curiosa, solía interpretar a moces inocentes, sanes y pocu convencionales. Amás del so trabayu como actriz, escribió la película de 1919 A Yankee Princess.[7]
Bessie Love | |
|---|---|
 | |
| Vida | |
| Nacimientu | Midland, 10 de setiembre de 1898[1] |
| Nacionalidá |
 Estaos Xuníos [2] Reinu Xuníu [3] Reinu Xuníu de Gran Bretaña ya Irlanda 12 abril 1927) |
| Llingua materna | inglés |
| Muerte | Londres, 26 d'abril de 1986[1] (87 años) |
| Familia | |
| Padre | John Cross Horton |
| Madre | Emma Jane Savage |
| Casada con | William Hawks (1929 – 1936)[4] |
| Fíos/es |
|
| Estudios | |
| Estudios |
Escuela Preparatoria de Los Ángeles (es)  |
| Llingües falaes | inglés |
| Oficiu |
actriz de cine, actriz, guionista, actriz de teatru, actor de radio (es) , actriz de televisión, escritora |
| Premios | |
| Nominaciones |
ver
|
| Creencies | |
| Relixón |
ciencia cristiana (es) |
| IMDb | nm0522281 |
 | |
 | |
Entamos
editarEducóse en Midland hasta consiguir l'octavu grau, momentu en que'l so padre, quiroprácticu, treslladó a la so familia a Hollywood. Bessie graduóse en Los Angeles High School,[1] dempués de lo que fizo un viaxe polos Estaos Xuníos.
Carrera
editarLa era muda
editarP'ayudar económicamente a la familia, la so madre unvióla a los Biograph Studios, onde conoció al pioneru direutor cinematográficu D.W. Griffith. Griffith, qu'introduxo a Bessie nel cine, tamién dio a l'actriz el so llamatu. Dio-y pequeños papeles nes sos películes The Birth of a Nation (1915) ya Intolerance (1916). Tamién actuó xunto a William S. Hart en The Aryan, y con Douglas Fairbanks en The Good Bad Man, Reggie Mixes In y The Mystery of the Leaping Fish (toes de 1916).
En 1922 escoyeron a Love como una de les WAMPAS Baby Stars.[7][8] A midida que aumentaba la importancia de los sos papeles, aumentaba la so popularidá. Bailló Charleston na película The King on Main Street en 1925. Esi mesmu añu protagonizó The Lost World (Mundu perdíu), una aventura de ciencia ficción basada na novela del mesmu nome escrita por Sir Arthur Conan Doyle. Trés años más tarde trabayó en The Matinee Idol (El teatru de Minnie), una comedia romántica dirixida por un mozu Frank Capra.
El cine sonoru
editarLove foi a faer con ésitu la transición al cine sonoru, y en 1929 tuvo nomada al Óscar a la meyor actriz por The Broadway Melody. Tamién actuó n'otros varios de los primeros musicales sonoros, incluyendo The Hollywood Revue of 1929 (1929), Chasing Rainbows (1930), Good News (1930), y They Learned About Women (1930).
Sicasí, en 1932 la so carrera cinematográfica tornaba. Treslladóse a Inglaterra en 1935, y ellí trabayó nel teatru y, de mou ocasional, nel cine. Cuando s'empecipió la guerra, volvió a los Estaos Xuníos, au permaneció un tiempu, y onde trabayó pa la Cruz Bermeya y pal entretenimientu de les tropes. Tres la guerra volvió a Inglaterra, onde caltuvo la so residencia principal, y siguió faciendo pequeños papeles pa compañíes tanto britániques como americanes. Actuó en películes tales como The Barefoot Contessa (The Barefoot Contessa1954), con Humphrey Bogart, y The Greengage Summer (1961), protagonizada por Kenneth More, na qu'interpretaba a una turista americana.[8] Tamién tuvo un pequeñu papel, tamién como turista americana, nel filme de James Bond On Her Majesty's Secret Service (1969).
Nesi momentu la so carrera tuvo un parón. Sicasí volvió nos años ochenta con papeles en Ragtime, la película de Warren Beatty, Reds (1981), y la so última película, The Hunger (1983), protagonizada por Catherine Deneuve, David Bowie, y Susan Sarandon. A lo llargo de la so vida, Love trabayó en 131 episodios de T.V y películes cinematográfiques.[7]
Vida personal
editarLove tuvo venceyada al magnate Howard Hughes, amás tuvo casada, de 1929 a 1935, col productor William Hawks (hermanu del direutor Howard Hawks). Tuvieron una fía.
Bessie Love finó en Londres (Inglaterra) por causes naturales el 26 d'abril de 1986.
Tien una estrella nel Paséu de la Fama de Hollywood, nel 6777 de Hollywood Boulevard.
Referencies
editar- ↑ 1,0 1,1 Afirmao en: autoridaes BNF. Identificador BnF: 142006492. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ Afirmao en: LIBRIS. Identificador de Libris: qn247rj81gp7nrr. Data d'espublización: 8 xunu 2005. Data de consulta: 24 agostu 2018. Editorial: Biblioteca Nacional de Suecia.
- ↑ URL de la referencia: https://news.google.com/newspapers?id=zN0bAAAAIBAJ&pg=4609,4766742.
- ↑ Identificador de persona en The Peerage: p31998.htm#i319979. Data de consulta: 7 agostu 2020.
- ↑ Afirmao en: The Peerage. Llingua de la obra o nome: inglés. Autor: Darryl Lundy.
- ↑ URL de la referencia: https://www.oscars.org/oscars/ceremonies/1930.
- ↑ 7,0 7,1 7,2 Bessie Love - Biography
- ↑ 8,0 8,1 © Bessie Love - Silent and Sound Film Actress - goldensilents.com
Enllaces esternos
editar
Wikimedia Commons acueye conteníu multimedia sobre Bessie Love.
- Bessie Love na Internet Movie Database (n'inglés)
- Fotografíes nel sitiu Silent Ladies.
- Artículu nel sitiu de la Universidá Stanford; n'inglés
Datos: Q240238- Multimedia: Bessie Love
