Euronews

Euronews
	canal de televisión y Canal temática
Llocalización
Sede	Lyon
Historia
Fundación	1r xineru 1993
Organigrama
Dueñu	Euronews SA (en)
Sector
Industria	periodismu
Participación empresarial
Organización matriz	Euronews SA (en)
Filiales	ver Africanews (es) ;
	Web oficial

Euronews ye una canal de televisión européu dedicáu a les noticies.

Puede recibise, por satélite, en toa Europa y nel norte d'África, y, pola televisión per cable, en buena parte del mundu (102 países), n'especial n'América del Norte. Euronews tamién emitese al traviés de dalgunos canales nacionales a ciertes hores del día.

Euronews foi escoyida pola Xunión Europea (XE) pa tratar temes relativos a les instituciones de la mesma -tien que dedica-y a ello a lo menos una décima parte del so tiempu d'emisión- y a Europa en xeneral. Nesti sentíu tien una misión de serviciu públicu europeu, y recibe una subvención añal de cinco millones d'euros.

El consorciu Euronews, fundóse en 1992, axunta dolce cadenes nacionales: RTVE (España), France Télévisions (tres cadenes de Francia), RAI (Italia), RTP (Portugal), RTBF (Bélxica), TMC (Mónacu), YLE (Finlandia), ERT (Grecia), CYBC (Xipre) y ERTV (Exiptu). La sede allugase en Lyon (Francia).

La idea de facer una cadena europea de noticies xurde en 1991, cuando la cobertura exclusiva de la Guerra del Golfu pola cadena norteamericana de noticies CNN puso de manifiestu la hexemonía d'esti país y polo tanto el retrasu européu nel dominiu de la información televisiva internacional.

Otres cadenes axuntáronse al proyeutu: CT (Chequia), ENTV (Arxelia), ERTT (Tunicia), PBS (Malta), RTÉ (República d'Irlanda), RTVSLO (Eslovenia), RTR (Rusia), SSR-SRG (Suiza) y TVR (Rumanía). La británica ITN participa nel conteníu de les emisiones.

Les emisiones entamaron el 1 de xineru de 1993.

Emite en siete idiomes: castellanu, italianu, francés, alemán, inglés, portugués (dende 1999) y rusu (dende 2001), venticuatro hores al día. Per un añu emitió tamién n'árabe.

Información

Anque l'idioma puede camudase, son les mismas imáxenes pa tolos europeos. Los sos bloques informativos son de 30 minutos, y divídense nas siguientes categoríes:

News: son les noticies d'ámbitu xeneral.
Sport: noticies deportives.
Europa: noticies y información al rodiu de la XE.
Europeans: reportaxes al rodiu de los ciudadanos de la XE y países vecinos.
Le Mag: reportaxes y noticies de moda, tendencies...
Pass: cuestiones europees.
No comment: enseña imáxenes ensin comentarios.
Meteo: información meteorolóxica.
Prespectives: nos fines de selmana, enseña cómo se comenta una mesma noticia en diferentes países europeos (normalmente apaez TVE, RAI y televisiones de Francia y Suiza).

Referencies

Enllaces esternos

Páxina oficial de Eurones: www.euronews.net Archiváu 2021-05-06 en Wayback Machine

Cadenes de televisión del consorciu Euronews
Radiotelevisión Española \| France Télévisions \| RAI \| Radio y Televisión de Portugal \| Radiotelevisión Belga-Francófona \| TMC \| YLE \| ERT \| CYBC \| ERTV \| CT\| ENTV \| ERTT \| Radiotelevisión de Rusia \| SSR-SRG \| PBS \| Radio Telefís Éireann \| RTVSLO \| TVR \| ITN