Exércitu
L'exércitu (nel sen más xeneral) ye'l nome que se-y da a la institución que tien por xera la defensa militar d'un estáu. Asina, caún de los estaos define les estructures d'organización que lu han formar, lo mesmo que'l tipu y la cantidá d'unidaes que lu van formar, la so composición, les sos xeres y el so equipu. Nun se pue falar, poro, d'una forma xenérica d'exérctiu, pues cada estáu lu estructura según les sos propies necesidaes y posibilidaes. Nesti sen ye l'equivalente a la pallabra inglesa Military.
| Exércitu | |
|---|---|
organización armada (es)  | |
|
organización armada (es) | |
 | |
 |
Tamién se-y llama exércitu un tipu d'unidá militar de gran tamañu, fecha pola xunión de dellos cuerpos d'exércitu y puesta embaxo'l mandu d'un xeneral o rangu superior. Nesti sen, ye l'equivalente a la pallabra inglesa Army.
L'exércitu como entidá de calter estatal
editarSuel dividise en dellos cuerpos o armes: l'exércitu de tierra, con xeres de calter terrestre, la fuercia aérea (o l'exércitu del aire), con xeres rellacionaes cola aviación, y l'armada (tamién nomada marina o exércitu del mar), con xeres marítimes; magar que caún de los cuerpos pue tener componentes de los demás. Tamién, en dalgunos estaos (como por exemplu España) hai costume de nomar tamién exércitu a caún d'esos cuerpos o armes, enguedeyando daqué más la interpretación del so significáu. Exércitu, ensin más, pue ser una referencia al conxuntu de toles fuercies armaes o a cada una de les sos divisiones, según el contestu.
Dalgunos cuerpos específicos, como la infantería de marina, puen tar formaos por unidaes de les tres armes, mentantu qu'otros, por razones del calter estratéxicu, sitúense fora de les mesmes y embaxo'l control direutu d'un ministru o del xefe d'estáu, como la defensa antiaérea na antigua XRSS o delles guardies reales o presidenciales nos estremaos estaos.
Les fuercies armaes de cada estáu, puen formase colos ciudadanos al traviés d'un serviciu militar obligatoriu, por soldaos profesionales de calter voluntariu, o por una amestadura de dambos sistemes: inda nos estaos que se basen nuna lleva xeneral de tola su población civil, emplégase un nucleu de profesionales pa exercer el mandu les unidaes.
Los exércitos tienen una estructura xerárquica estricta, basada n'unidaes militares y un sistema d'escalafón formáu por militares d'estremaos rangos. El mandu supremu suel ser el xefe l'estáu o la persona na que delegue.
Los militares profesionales fórmense davezu nes academies militares; saliendo d'elles col grau más baxu d'oficial o suboficial, según seya una academia d'oficiales o de suboficiales. Les academies navales militares pa oficiales xeneralmente incluyen una formación nun buque escuela.
Historia
editarEl primer exércitu profesional constituyóse en Roma; hasta esi momentu, los exércitos yeren inestables, formábense pa campañes particulares y nun había militares profesionales, sinón persones reclutaes voluntariamente o per aciu de la fuercia, que tres del final de la campaña yeren reteníes o soltaes.
Sicasí, hai quien sostién que l'exércitu espartanu yera tamién de calter profesional.
Estaos ensin exércitu
editarPor estremaes razones, hai dellos países que nun tienen exércitu permanente, llimitándose a tener una fuercia de policía con armes llixeres que, en casu de ñecesidá, pue emplegar armes pesaes. Ún d'estos estaos ye Costa Rica, que pa defendese escontra les intentones golpistes d'América Llatina, aboliólu dafechu en 1948. N'Haití, los tres exércitos foron desmovilizaos, magar que constitucionalmente, y sobro'l papel, inda esisten. Non asina en Suiza que sí tien un exércitu permanente.
L'exercitu como unidá militar
editarUna unidá militar de tamañu d'exércitu (tamién nomada frente nel Exércitu Roxu) suel ser siempres una unidá terrestre, formada por dos o más cuerpos d'exércitu, lo que representa un mínimo de 4 divisiones. Polo xeneral, suelen incluyise 50.000 ó 60.000 homes, embaxo'l mandu d'un xeneral superior
Ver tamién
editarReferencies
editarEnllaces esternos
editar- (castellán) Ejército de España
- (castellán) Secretaría de la Defensa Nacional. Méxicu
- (castellán) Ejército de Argentina
- (castellán) Ejército de Ecuador Archiváu 2006-06-25 en Wayback Machine
- (castellán) Ejército de Perú Archiváu 2009-10-01 en Wayback Machine
- (castellán) Ejército de Chile
- (castellán) Ejército de Colombia
- (n'inglés) Exércitu de los Estaos Xuníos
- (n'inglés) Ejército Británico
