Los galaicos foron un conxuntu de pueblos célticos y precélticos allugaos en Gallaecia nel noroeste peninsular ocupando parte de l'actual Galicia, Asturies, Norte de Portugal y parte de Lleón. La Gallaecia dividíase en Conventus Lucensis, Conventus Bracarensis y Conventus Asturicensis.

Infotabla de grupu humanuGalaicos

Tipu Pueblu
Parte de Pueblos ibéricos prerromanos (es) Traducir
Cambiar los datos en Wikidata
Mapa de les tribus y pueblos prerromanos

Etimoloxía editar

Hai delles teoríes, la primera ye que Gallaecia foi'l nome dau polos romanos a dicha tierra significando la pequeña Galia por mor de la semeyanza colos galos na so vistimienta, cultura, llingua, etc... Maguer, la teoría más fiable diz[ensin referencies] que demientres la conquista romana, la tribu de los Callaici (ente'l Dueru y el sur la provincia d'Ourense) foi la que más oposición punxo a la conquista, y foi asina como bautizóse al territoriu, dao que los romanos honoraben a los enemigos d'esti xeitu.

Tribus y clanes editar

 
Dixebra eclesiástica de Galicia. Munchos de los sos arciprestalgos faen referencia a entidaes étniques prerromanes, como nemancos, céltigos, entíns o posmarcos, ente otros munchos

.

De les más de 50 tribus galaiques tán:

Afiliación editar

Florentino López Cuevillas, nes sos obres La civilización céltica en Galicia y Os oestrimnios, os saefes e a ofiolatría en Galiza afirma que Gallaecia taba ocupada por estremaos pueblos indeuropeos, celtes y preceltes, éstos últimos yeren moteyaos oestrimios (emparentaos colos ligures, pueblu arreyáu col periodu megalíticu que se cree qu'ocupara gran parte d'Europa). Éstos oestrimios s'especula yeren:

Albiones, Seurros, Tiburos, Bibalos, Caporos, Zoeles, Nobiagonos, Abios, Tirios, Veasminos, Salassos, Rilenios, Helenios, Grovios.

Los oestrimios formaben parte d'una comunidá aborixe d'aniciu protocélticu allugada dende la Edá del Bronce (previa al 600 e.C.) qu'ocupaben el noroeste peninsular y a los que se-yos pretende asociar col espoxigue la edá del bronce atlánticu en Galicia y les sos rellaciones coles demás comunidaes atlántiques como los finisterres de Francia n'Armorica y les islles Britániques. El mitu la "Xeración Nós" camentó que dempués vinieren les invasiones céltiques de Saefes o Sierpes (homes sierpe) y de los Draganos. Hasta les caberes investigaciones xenétiques qu'establecen el parentescu la cordelera cantábrica colos estratos pre-xermánicos de les islles Britániques, veníase yá creyendo nun parentescu productu d'estes mítiques invasiones de los gallegos, asturianos y lleoneses con irlandeses, escoceses, cornualleses y especialmente, galeses. Sicasí lo qu'estes caberes investigaciones paecen demostrar ye qu'enxamás esistió un invasión (a lo menos xenética) dende Europa central y que más bien los celtes d'estos territorios remanen de los mesmos devanderos d'estaes previes, ye dicir, que son indíxenes, con un probatible aporte d'elementos nórdicos probablemente escorripiaos demientres el fluxu d'espiriques comerciales de la Edá del Bronce que foi un fenómenu mui particular y que nun tornaría a conocer paralelu hasta los nuesos díes; maguer, ye nidiu qu'esisten elementos centroeuropeos provenientes de rutes terrestres qu'aportaron a la meseta central y dende esti puntu foron a influyenciar el noroeste peninsular nuna mui baxa intensidá de frecuencia d'espiriques. Estos celtes asentáronse nel norte Portugal y l'área la Galicia anguaño, introduciendo nesta rexón la cultura de les Urnes de Vlenden-Bennghardt (variante de les d'Urnenfelder) que se manifestaría nidiamente dempués na cultura los castros o castreña. Asina a dambos pueblos se-yos suel atribuyir l'orixe de los actuales habitantes del noroeste, Draganos y Sefes, que finaríen por encadarmar los pueblos ástur y galaicu, arreyándose ente los dos delles tribus protocéltiques; por exemplu, los Tiburos y los Zoeles pasaron a ser ástures. Les lliendes a ún y otru llau de la mar como'l Leabhar Ghabhála Érenn, recoyíes por autores como T. W. Rolleston nel so llibru Los Celtas, afirmen que los galaicos del norte conquistaron Irlanda. Esto pue ser una alcordanza mitificada de vieyos periplos mariñanos de la Edá del Bronce previos a la navegación fenicia que desanició les sos rutes, o bien puede tratase d'una demostración de la erudición xeográfica de los monxos irlandeses que trescribieren al papel los mitos y tradiciones del so pueblu. El gaélicu nun sería la mesma llingua que falaben estos galaicos; comprobao ta[ensin referencies] que na rexón galaica falábase una llingua indoeuropea de calter arcaicu estrechamente arreyada colos grupos de llingües celtes conocíes, pero que nun pertenez a nenguna d'estes y taríamos falando d'un tercer y más primitivu grupu llingües celtes que caltuvieron el so calter arcaicu hasta la dómina romana por mor del aisllamientu nel cual se somorguiaren demientres les primeres estayes de la Edá del Fierro y esti fenómenu podría comparase col problema pictu n'Escocia ya que se sabe que nun yeren gaélicos nin córnicos pero que, sicasí, inscripciones oghámiques cernen un calter célticu arcaicu, ye dicir que nun ye frutu la influyencia de los sos vecinos con una llingua ciertamente más moderna que la qu'ellos falaben, ye probable que seya un pueblu celta arcaicu aislláu de los grupos yá influenciaos polos trazos culturales centroeuopeos de la segunda Edá del Fierro arreyaos col enanchamientu de la cultura y la plástica La Téne. Lo que ya se conocía ye que cuasi tolos pueblos precélticos previos a la conquista romana taben yá aceltizaos.

 
Castru Baroña.

El mitu diz que los celtes Saefes, alcontraron el noroeste peninsular abondo pobláu (Estrabón fala d'unes 50 tribus, mientres que Plinio diz que yeren más de 65). Sicasí los Sefes caltuvieron una bona convivencia cola población llariega. Los celtes nun s'asimilaron nin asimilaron a naide, cada comunidá celta n'Europa ye frutu d'una amestadura mui desemeyada l'ún de l'otru por sides de distancia y de cultura, la influyencia la plástica y les caraterístiques "tradicionalmente" celtes foron na mayoría los casos tardiegues y esporádiques, maguer, la presencia d'elementos latenianos nun ye indicador de celticidá según se puede inferir del estudiu'l so niciu dexáu nesa época na arquiteutura y la metalurxa.

Xeografía editar

Toes estes tribus ocupaben dende'l Dueru (Baixo Minho) fasta'l Cantábricu, al este, nel Navia colos Pésicos, n'Ancares colos Lóugei, colos astures Tiburos nos montes de San Mamede y Cabeza de Manzaneda y colos tamién astures Zoeles nes sierres de Sendim, Bornes, Meles y Lama longa.

 
Castru Santa Tegra, ciudá de los Grovios

Xeitu de vida editar

Les muyeres teníen la xera de trabayar la tierra y acoyechar na viesca, normalmente pa facer el llande, mientres que los homes caciaben o curiaben el ganáu. Los sos escasos cultivos yeren d'escanda, cerru y cebada principalmente. Mas cuando precisaben de más recursos, los que podíen permitise apurrir armamentu organizaben razzies guerreres que dedicábanse a saquiar.

Los cronistes de les campañes romanes como Plinio, Estrabón y Herodoto encartichaben una sociedá matriarcal y democrática (un conxuntu de clanes con un representante elixíu polos miembros del clan, y los representantes de los clanes d'una tribu elixíen al xefe de tribu cada añu), magar que dalgunes persones averávanse a una mena d'aristrocacia militar que gobernaba'l so castru o clan, cuasi siempres acompangáu dun druida a mou de conseyeru. Quiciabes, el matriarcáu yera una mena de sociedá igualatoria, les muyeres participaben na guerra del mesmu xeitu que los homes, tal y como Apiano y Antonio Dióxenes encartichen na epedicion de Bruto Galaico nel 138-136 e.C.: "Pa empedir el saquéu de les ciudaes les muyeres

lluchaben al empar de los homes manexando les armes

al netu qu'eillos ensin llanzar glayíu o súplica

nenguna na griesca cuando yeren coraes..." El so armamentu consistía principalmente nuna caetra o un escudu obllongu de madera o blima tapecíu de cueru, una llancia, una espada llarga o puñal d'antenes, magar que dependiendo del so allugamientu económicu, el númberu y calidá d'armes y proteiciones como grebes, cotes de malla o cascos podía variar. Dalgunos guerreros/es llevaben torques (maniaques na so llingua) como atestigüen aquellos afayaos en abondos castros galaicos.

La vistimienta de los homes, según amuesen les estatues de guerreros galaicu-lusitanes (norte de Portugal), taba compuesta por una camisia llarga (afitada con cinchu na cintura), que finaba cuasi nos xinoyos, ú al tresuel de llinies d'estremaos cullores creaben una estampáu de cuadros o rombos pa desemeyase d'otros clanes, como siguin faciendo güei los clanes escoceses. Tamién usaben el sagum a igual que munchos otros pueblos vecinos como cántabros y astures, fechu qu'amuesen les fontes clásiques y l'afayamientu de fíbules nos yacimientos arqueolóxicos (Alberto Álvarez Peña "Celtas en Asturies"). Amás, n'algunes tribus los homes tamién usaben sayes, cosa que caltúvose n'algunes zones de Galiza fasta'l sieglu XVIII-XIX, con exemplos como la saya de Betanzos y la saya de Tui asemeyada al kilt escocés pero ensin tartáns. Calzaben coricies o abarques y a vegaes una mena de calcies acadinaes a la llumera con soguetos. El traxe de la muyer nun variaba namái qu'en una saya muncho más llarga, quiciabes, daqué paecíu a la forma del paxellu gallegu d'anguaño.

 
reconstrucción d'una casa castreña

Relixosidá editar

Yeren politeístes, creyíen nos espíritus de la natura, na reencarnación y la so relixón taba alministrada polos druides. Dalgunos de los sos dioses yeren:

Lug: Dios del sol y de los muertos.

Taranis/os: Dios de la guerra, mas sero acristandiáu como Santiagu.

Cernunnos o Candamu: Dios de les viesques.

Deva: Diosa del augua.

Nuada: Dios de los mares y océanos.

Belenos: Dios del vientu.

Bibliografía editar

  • Os oestrimnios, os saefes e a ofiolatría en Galiza (Univ. Santiago, 1992). Florentino López Cuevillas y F. Bouza Brey. ISBN 84-7191-844-7
  • A idade do ferro na Galiza. Florentino López Cuevillas. ISBN ¿?
  • La civilización céltica de Galicia. (Istmo, 1989). Florentino López Cuevillas. ISBN 84-7090-199-0
  • Celtas en Asturies. (Picu Urriellu, 1992). Alberto Álvarez Peña. ISBN 84-932070-4-7
  • Los celtas (títulu orixinal: Celtic). (Edimat). T. W. Rolleson (traducción: María José Llorens Camp). ISBN 84-8403-481-X
  • Los celtas y la civilización céltica.. (Akal, 1988). Henri Hubert (traducción: Eduardo Ripoll Perelló y Luis Pericot García). ISBN 84-7600-286-6

Referencies editar

Enllaces esternos editar