Anser fabalis
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
El gansu faberu[2] (Anser fabalis) ye una especie d'ave anseriforme de la familia Anatidae mesma d'Eurasia.
Anser fabalis gansu faberu  | ||
|---|---|---|
.jpg) | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Anseriformes | |
| Familia: | Anatidae | |
| Subfamilia: | Anserinae | |
| Xéneru: | Anser | |
| Especie: |
A. fabalis (Latham, 1787) | |
| Distribución | ||
 | ||
| Consultes | ||
| [editar datos en Wikidata] | ||
Descripción
editar
El gansu faberu mide ente 68 y 90 cm, con un valumbu alar de 140-174 cm y suel pesar ente 1,7–4 kg.[3] Los machos suelen ser daqué mayores que les femes, na subespecie nominal, los machos pesen de media 3,2 kg y les femes 2,84 kg.[3] El so picu ye negru na base y la punta y naranxa na parte central. Les sos pates son de color naranxa intensu.
El plumaxe de la so parte cimera ye de color pardu escuru como'l gansu caretu (Anser albifrons) y el gansu nanu (A. erythropus), pero estrémase d'ellos por tener el cantu de les coberteres de les sos ales blancu, pol color pardu buxu claru de los sos inferiores.
El so pariente cercanu, el gansu picucurtiu (A. brachyrhynchus) como indica'l so nome tien el picu más curtiu y de color rosáu, lo mesmo que les sos pates, y les coberteres de les sos ales son cuasi del mesmu color gris azuláu que'l gansu común. Tamién ye d'aspeutu asemeyáu al Anser serrirostris, qu'enantes considerábase subespecie del gansu faberu.
Tien una voz tipu trompetéu, de dos sílabes o trés.
Taxonomía
editarFoi descritu científicamente pol naturalista británicu John Latham en 1787. El so nome científicu, fabalis, que remanez de la pallabra llatina faba que significa «fabona, faba», vien del vezu d'esti gansu de pastiar nos campos de llegumes pel iviernu. Reconócense trés subespecies:[4][5]
- A. f. fabalis (Latham, 1787) - estiéndese dende Escandinavia hasta los Urales. Ye grande, col picu llargu y estrechu con una banda naranxa ancha.
- A. f. johanseni (Delacour, 1951) - ocupa la taiga del oeste de Siberia. Ye grande col picu llargu y estrechu y con una banda naranxa estrecha.
- A. f. middendorffii (Severtzov, 1873) - ocupa la taiga del este de Siberia. Bien grande, col picu llargu y anchu y una banda naranxa estrecha.
Enantes esta especie incluyía dos subespecies más, serrirostris y rossicus, que foron dixebraes nuna nueva especie, Anser serrirostris.
Distribución y hábitat
editar
El gansu faberu ye una ave migratoria que cría en tola taiga euroasiática, dende Escandinavia hasta l'estremu nororiental de Rusia, y muévese al sur pa pasar l'iviernu n'Europa (alredor del mar del Norte, y tremáu por Europa occidental, central y el Mediterraneu septentrional) y l'estremu oriente (China oriental, Corea y Xapón) con delles poblaciones entemedies nel sur de Kazakstán.
Comportamientu
editarTrátase d'un gansu bastante sociable, que suel tornar a los mesmos llugares de descansu, en llagos y campos de cultivu. Ye común velo formando bandaes.
Alimentación
editarYe un fitófagu que s'alimenta de yerba, ceberes y raigaños en yerbazales y campos agrícoles; por ello ta bien amestáu a les zones agraries.
Reproducción
editar
Añera nel suelu, nun buecu tapizáu por plumón, n'escampaes abiertes o n'escamplaes de los montes de la taiga. La so puesta suel componese de 4 a 6 güevos, puestos nuna única niarada, en xunu.
Referencies
editar- ↑ BirdLife International. «Anser fabalis» (inglés). Llista Roxa d'especies amenazaes de la UICN 2014.3. Consultáu'l 18 de xineru de 2015.
- ↑ URL de la referencia: http://www.sabencia.net/nomenclator.php.
- ↑ 3,0 3,1 (1992) CRC Press: CRC Handbook of Avian Body Masses. ISBN 978-0-8493-4258-5.
- ↑ Frank Gill y David Donsker. Screamers, ducks, geese & swans. IOC World Bird List versión 5.1.
- ↑ Peterson, A. P. Zoonomen. Zoological Nomenclature Resource - Anseriformes
Bibliografía
editar- Hume, Rob (2002). Guía de campu de les aves d'España y Europa. Ediciones Omega. ISBN 84-282-1317-8.
- Sangster, George y Gerald J. Oreel (1996) Progress in taxonomy of Taiga and Tundra Bean Geese. Dutch Birding 18(6): 310-316
Enllaces esternos
editar
Wikimedia Commons tien conteníu multimedia tocante a Anser fabalis.
| Wikispecies tien un artículu sobre Anser fabalis. |
- Semeyes d'aves - Imáxenes d'ánsar campestre y el so cantar
Datos: Q26452- Multimedia: Anser fabalis
Especies: Anser fabalis
