Gary Busey

William Gary Busey (29 de xunu de 1944, Baytown ^(es) ) ye un actor d'Estaos Xuníos de cine y televisión. Tamién conocíu como Gary Busey.

Gary Busey
Vida
Nacimientu	Baytown (es) , 29 de xunu de 1944 (80 años)
Nacionalidá	Estaos Xuníos
Llingua materna	inglés
Familia
Fíos/es	Jake Busey
Estudios
Estudios	Pittsburg State University (en) Coffeyville Community College (en) Robert E. Lee High School (en) Nathan Hale High School (en)
Llingües falaes	inglés
Oficiu	actor de cine, actor de teatru, actor de televisión, actor de voz, productor de cine, compositor, actor
Nominaciones	ver Óscar al meyor actor (20 febreru 1979): The Buddy Holly Story
Discográfica	Epic Records
Creencies
Partíu políticu	Partíu Republicanu de los Estaos Xuníos
IMDb	nm0000997
garybusey.com

Biografía

Busey nació en Goose Creek (agora Baytown), Texas, fíu de Virginia Arnett, ama de casa, y Delmer Lloyd Busey, xerente de construcción de diseñu. Graduóse na Nathan Hale Highschool en Tulsa, Oklahoma. Asistió a la Universidá Estatal de Pittsburg, Kansas, con una beca de fútbol americanu. Equí empezó'l so interés pola actuación. Depués treslladóse a la Universidá Estatal d'Oklahoma, en Stillwater, y abandonó los sos estudios a bien pocu de graduase.

En 1971, la so entós esposa Judy Helkenberg dio a lluz al so fíu, Jake Busey. Gary y Judy divorciáronse cuando Jake tenía diecinueve años d'edá.

El 4 d'avientu de 1988, Busey resultó gravemente mancáu nun accidente de motocicleta na que nun llevaba un cascu. Sufrió quebra de craniu y los médicos tarrecíen que sufriera un dañu cerebral permanente. Busey manifestó repetidamente que renació dempués d'una muerte cuasi segura pola mor del accidente de moto.

Anguaño vive en Malibú. El 9 d'avientu de 2009 anúnciase que Gary Busey y la so novia Steffanie Sampson tán esperando un fíu.

Carrera

Busey empezó la so carrera nel mundu del espectáculu como batería en "The Rubber Band". Apaeció en delles grabaciones de Leon Russell, acreditáu colos nomes de "Teddy Jack Eddy" y "Sprunk", un personaxe que creó cuando yera miembru del repartu d'una comedia de televisión llocal llamada The Uncanny Film Festival and Camp Meeting. Actuó con una banda llamada "Carp", con quien grabó un álbum de la discográfica Epic Records en 1969. Busey siguió desempeñando dellos papeles pequeños nel cine y la televisión mientres la década de 1970.

En 1978, interpretó a Buddy Holly na película autobiográfica Buddy Holly Story. La película ganó un Óscar, y Busey foi nomáu nel rubro "Meyor Actor". Nel mesmu añu tamién protagonizó la película de surf Big Wednesday.

Na década de 1980, Busey realizó un pequeñu papel en Silver Bullet (adautación de Cycle of the Werewolf, novela de Stephen King), y en Barbarosa, Insignificance y Lethal Weapon. Na década de 1990, apaeció en Predator 2, Rookie of the Year, Fear and Loathing in Las Vegas, Under Siege, The Firm, Lost Highway, Point Break y Black Sheep.

Na película D.C. Cab, Busey interpretó al personaxe llamáu Dell. Nun momentu del filme, Dell ta cantando, con una grabación en cassette de Busey cantando "Why Baby Why" (la cual Busey grabó, pero qu'entá permanez inédita). Busey tamién cantó en Saturday Night Live (el cantar "Stay All Night") en marzu de 1979 y nel programa de televisión Late Show with David Letterman na década de 1990.

En 2002, Busey da-y voz al personaxe Phil Cassidy en Grand Theft Auto: Vice City, depués de nuevu en 2006 en Grand Theft Auto: Vice City Stories. Amás diose voz a sigo mesmu, nun capítulu de The Simpsons de 2005.

Gary Busey apaeció en 2006 nel cine turcu, Valle de los Llobos, (Kurtlar Vadisi: Iraq, en idioma turcu). La película, acusada de anti-americanismu, y antisemitismu, cunta la hestoria del exércitu de los EE.XX. qu'invade Iraq, y se confronta con un valiente soldáu turcu; Gary Busey desempeña'l papel d'un xudíu americanu del serviciu médicu del exércitu, que trafica órganos de los prisioneros iraquinos mancaos, que son vendíos a ricos pacientes de Nueva York, Londres y Tel Aviv.

En 2007 actuó na serie de HBO, Entourage.

Busey participó nuna sesión fotográfica realizada pol famosu fotógrafu Tyler Shields, onde se punxo nuna camisa de fuercia. Les semeyes fueron pal llibru de Tyler llamáu "El llau puercu del glamour". El productu llográu de la venta d'esi llibru foi donáu a organizaciones caritatives.

Busey apocayá participó en dellos anuncios pal videu xuegu Saints Row 2, tituláu "Street Lessons with Uncle Gary".

En 2008, participa de la segunda temporada del reality show Celebrity Rehab with Dr. Drew.

Filmografía

• Angels Hard as They Come (1971)
• The Magnificent Seven Ride! (1972)
• Dirty Little Billy (1972)
• Lolly-Madonna XXX (1973)
• Hex (1973)
• Blood Sport (1973)
• The Last American Hero (1973)
• The Execution of Private Slovik (1974)
• The Big Wednesday (1974)
• Thunderbolt and Lightfoot (as Garey Busey) (1974)
• The Law (1974)
• A Star is Born (1976)
• The Gumball Rally (1976)
• The Buddy Holly Story (1978)
• Straight Time (1978)
• Big Wednesday (1978)
• Carny (1980)
• Foolin' Around (1980)
• Barbarosa (1982)
• Didn't You Hear... (1983)
• D.C. Cab (1983)
• The Bear (1984)
• Insignificance (1985)
• Silver Bullet (1985)
• Half a Lifetime (1986)
• Eye of the Tiger (1986)
• Let's Get Harry (1986)
• Lethal Weapon (1987)
• Bulletproof (1988)
• A Dangerous Life (1988)
• The Neon Empire (1989)
• Hider in the House (1989)
• Act of Piracy (1990)
• Predator 2 (1990)
• Point Break (1991)
• My Heroes Have Always Been Cowboys (1991)
• Wild Texas Wind (1991)
• Canvas (1992)
• Chrome Soldiers (1992)
• Under Siege (1992)
• Breaking Point (1993)
• The Firm (1993)
• Rookie of the Year (1993)
• South Beach (1993)
• Warriors (1994)
• Surviving the Game (1994)
• Drop Zone (1994)
• Chasers (1994)
• Man with a Gun (1995)
• Steel Sharks (1996)
• One Clean Move (1996)
• Livers Ain't Cheap (1996) (a.k.a. The Real Thing)
• Black Sheep (1996)
• Carried Away (1996)
• Sticks & Stones (1996)
• The Chain (1996)
• Suspicious Minds (1997)
• The Rage (filme)|The Rage]] (1997)
• Lost Highway (1997)
• Lethal Tender (1997)
• Platu's Run (1997)
• Rough Riders (1997)
• Rough Draft (1998) (a.k.a. Diary of a Serial Killer)
• Soldier (1998)
• Fear and Loathing In Las Vegas (1998)
• Universal Soldier II: Brothers in Arms (1998)
• Detour (1998) (a.k.a. Too Hard to Die)
• Hot Boyz (1999)
• The Girl Next Door (1999)
• Non Tomorrow (1999)
• Two Shades of Blue (1999)
• Jacob Two Two Meets the Hooded Fang (1999)
• A Crack in the Floor (2000)
• Tribulation (2000)
• Glory Glory (2000) (tamién conocida como Hooded Angels)
• Inside The Metal Box (2000)
• Down 'n Dirty (2000)
• G-Men from Hell (2000)
• Frost: Portrait of a Vampire (2001)
• On the Edge (2002)
• Welcome 2 Eivissa (2002)
• Sam & Janet (2002)
• Slap Shot 2: Breaking the Ice (2002)
• The Prize Fighter (2003)
• Scorched (2003)
• Shadowlands (2003)
• Shade of Pale (2004)
• Motocross Kids (2004)
• Lexie (2004)
• The Godfather (2004)
• Border Blues (2004)
• Latin Dragon (2004)
• Ghost Rock (2004)
• The Hand Job (2005)
• Souled Out (2005)
• No Rules (2005)
• Chasing Ghosts (2005)
• The Baker's Dozen (2005)
• Into the West (2005)
• Buckaroo: The Movie (2005)
• A Sight for Sore Eyes (2005)
• The Gingerdead Man (2005)
• The Hard Easy (2005)
• Descansos (2006)
• Valley of the Wolves Iraq (2006)
• Dr. Dolittle 3 (2006) (voz)
• Shut Up and Shoot! (2006)
• Soft Target (2006) (tamién conocida como Crooked)
• Quigley (2006)
• Lady Samurai (2007)
• Homo Erectus (2007) (tamién conocida como National Lampoon's The Stoned Age)
• Blizhniy Boy: The Ultimate Fighter (2007)
• Succubus: Hell Bent (2007)
• Maneater (2007)
• Beyond the Ring (2008)
• Nite Tales: The Movie (2008)
• Hallettsville (2009)
• Down and Distance (2009)
• DaZe: Vol. Too (sic) - NonSeNse (2009)
• Grown Ups (2010)
• Freaky Saturday Night Fever (2010)
• Guido (2011)
• Jenny (2011)
• Change of Heart (2012)
• Piranha 3DD (2012)
• Lizzie (2012)
• Matt's Chance (2013)
• Bounty Killer (2013)
• Confessions of a Womanizer (2014)
• Behaving Badly (2014)

Apaiciones en televisión

• Kung Fu (Temporada 1, Episodiu 15 ("The Ancient Warrior")) (1973)
• Gunsmoke (1975)
• The Texas Wheelers (ABC-TV 8 episodios, 1974-75)
• Saturday Night Live (1979) (anfitrión)
• Walker, Texas Ranger (1999)
• The Outer Limits (2000), Episodiu: "Revival"
• Law & Order (2001)
• King of the Hill (2001) (voz)
• Entourage ("Busey and the Beach", Temporada 1, Episodiu 6; "The Boys Are Back In Town", Temporada 2, Episodiu 1; "Gary's Desk", Temporada 4, Episodiu 8) (2004, 2005, 2007)
• The Man Show (2002)
• I'm with Busey (Comedy Central, 2003)
• Penn & Teller: Bullshit! ("12 Stepping", 2004)
• High Chaparall (2004)
• The Simpsons (On a Clear Day I Can't See My Sister, temporada 16, episodiu 11) (2005)
• Celebrity Fit Club 2 (VH1, 2005)
• Tom Goes to the Mayor (2006) (voz)
• Scrubs ("My Missed Perception", 2006)
• Celebrity Paranormal Project (VH1, 2006)
• The Smoking Gun Presents: World's Dumbest... (truTV, 2008)
• The Cho Show (VH1, 2008)
• Celebrity Rehab with Dr. Drew (VH1, 2008)
• The Comedy Central Roast of Larry the Cable Guy (Comedy Central, 2009)
• Two and a Half Men (Warner Brothers, 2011)

Videu xuegos

• Grand Theft Auto: Vice City (voz) (2002)
• Grand Theft Auto: Vice City Stories (voz) (2006)
• Saints Row 2 (voz) (2008)

Premios y nominaciones

• 1978 - Ganador del Premiu de l'Asociación de Críticos de Cine de Los Angeles
• 1978 - Ganador del Premiu de la Sociedá Nacional de Críticos de Cine, pola so actuación en The Buddy Holly Story
• 1979 - Nomáu al Globu d'Oru, pola so actuación en The Buddy Holly Story
• 1979 - Nomáu al Premiu Óscar, pola so actuación en The Buddy Holly Story
• 1980 - Ganador del Premiu BAFTA, pola so actuación en The Buddy Holly Story
• 1987 - Ganador del Premiu ACE, como meyor actor en serie dramática por "The Hitchhiker"

Enllaces esternos

• Esta obra remanez de la traducción de Gary Busey de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

• Wikimedia Commons acueye conteníu multimedia sobre Gary Busey.

• Datos: Q312081
• Multimedia: Gary Busey