HD 188753

estrella

HD 188753 ye un sistema estelar triple asitiáu a unos 149 años lluz del Sistema Solar na constelación del Cisne. El sistema tamién ye conocíu como ADS 13125 y WDS 19550+4152.[9] De magnitú aparente +7,43, ye bien tenue pa ser reparáu a simple vista pero pue vese con un pequeñu telescopiu. La so duplicidá visual afayóse en 1895 por George Washington Hough. Anque en 2005 anuncióse'l descubrimientu d'un planeta estrasolar alredor de la componente principal del sistema,[10] posteriores estudios cuestionaron la so esistencia.[11]

Ficha d'oxetu celesteHD 188753
Estrella múltiple
Triple-star sunset.jpg
Datos d'observación
Ascensión reuta (α) 298,74321568958 °[1]
Declinación (δ) 41,87153604417 °[1]
Distancia a la Tierra 47,9242 pc
Magnitú aparente (V) 6,9 (Banda R (es) Traducir)
7,2143 (Banda G (es) Traducir)
5,965 (Banda J (es) Traducir)
5,633 (Banda H (es) Traducir)
5,53 (Banda K (es) Traducir)
8,22 (Banda B (es) Traducir)
Magnitú absoluta 4,17
Constelación Cygnus (es) Traducir[6]
Velocidá radial −20,5 km/s[7]
Parallax 20,8663 mas[2]
Radiu 1,8011836 Radius solars [2]
Tipu espectral G9V[8]
Otros nomes
Cambiar los datos en Wikidata

Coordenaes: Sky map 19h 54m 58.372s, 41° 52 17.53

Sistema estelarEditar

 
Impresión artística de les órbites del sistema.

La estrella principal del sistema, HD 188753 A, ye una nana mariella de tipu espectral G8V.[12] Tien 1,06 mases solares y una temperatura superficial de 5750 K. Alredor d'ella, a una distancia media de 12,3 UA, atópense dos estrelles bien próximes ente sigo con una masa conxunto de 1,63 mases solares. Completen una vuelta en redol a la nana mariella cada 25,7 años nuna órbita notablemente escéntrica (ε = 0,50).[10]

La estrella secundaria, HD 188753 Ba, ye una nana naranxa de tipu K0V[13] que la so masa equival al 69% de la masa solar.[14] La so compañera estelar, HD 188753 Bb, ye una nana colorada de tipu M. Separaes ente sigo tan solo 0,66 UA, tienen un periodu orbital de 156 díes. L'enclín del planu orbital del subsistema Ba-Bb ye casi igual al enclín del planu orbital A-BaBb, polo que'l conxuntu del sistema tien práuticamente una configuración coplanar.[15]

Con una edá envalorada de 5600 millones d'años, el sistema ye daqué más antiguu que'l Sol.[16]

Posible sistema planetariuEditar

 
Triple puesta de sol en HD 188753 Ab. (NASA/JPL-Caltech).

El posible planeta, denomináu HD 188753 Ab, afayóse en 2005 pol astrónomu polacu Maciej Konacki, del Institutu de Teunoloxía de California, usando'l telescopiu Keck I nel visu del monte Mauna Kea en Ḥawai. Sicasí, posteriores estudios llevaos a cabu col espectrógrafu ELODIE cuestionaron la so esistencia.[11]

El planeta orbitaría en redol a la estrella principal cada 3,35 díes (80,3 hores) a una distancia media de 0,045 UA —una ventiava parte de la distancia ente la Tierra y el Sol—, siendo del tipu «Xúpiter caliente».[10] La so masa mínimo sería un 14% mayor que la masa de Xúpiter. Si confírmase la so esistencia, sería'l primer sistema estelar triple qu'alluga un planeta.[16] Los sistemes estelares múltiples nun suelen incluyise na busca de exoplanetas, yá que hasta agora nun esistíen pruebes de que pudieren formase nesti tipu de sistemes.

Esti tipu de planetes en sistemes de dellos soles fueron denominaos «planetes Tatooine», pola so semeyanza col planeta Tatooine de la saga de Star Wars.[17]

Acompañante
(N'orde dende la estrella)
Masa
(MJ)
Periodu orbital
(díes)
Semiexe mayor
(UA)
Escentricidá
HD 188753 Ab > 1,14 ± 0,1 3,3481 ± 0,0009 0,0446 ± 0,001 0,00

Enllaces esternosEditar

ReferenciesEditar

  1. 1,0 1,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  2. 2,0 2,1 2,2 2,3 Afirmao en: Gaia DR2. Llingua de la obra o nome: inglés. Data d'espublización: 25 abril 2018.
  3. Harold F. Levison (febreru 2003). «The USNO-B Catalog» (n'inglés). The Astronomical Journal (2):  páxs. 984–993. doi:10.1086/345888. 
  4. 4,0 4,1 4,2 Afirmao en: VizieR Online Data Catalog: 2MASS All-Sky Catalog of Point Sources (Cutri+ 2003). Páxina: -1. Llingua de la obra o nome: rusu. Data d'espublización: xunu 2003.
  5. Afirmao en: SIMBAD.
  6. Afirmao en: VizieR. Llingua de la obra o nome: inglés.
  7. «Astrophysical supplements to the ASCC-2.5: Ia. Radial velocities of ∼55000 stars and mean radial velocities of 516 Galactic open clusters and associations». Astronomische Nachrichten (9):  páxs. 889-896. payares 2007. doi:10.1002/ASNA.200710776. 
  8. «MK Classification of 142 Visual Binaries» (n'inglés). Publications of the Astronomical Society of the Pacific:  páxs. 643–646. ochobre 1969. doi:10.1086/128831. 
  9. HD 188753 (SIMBAD)
  10. 10,0 10,1 10,2 Konacki, M. (2005). «An estrasolar giant planet in a close triple-star system». Nature 436. páxs. 230-233. http://www.nature.com/nature/journal/v436/n7048/abs/nature03856.html. 
  11. 11,0 11,1 Eggenberger, A.; Udry, S.; Mazeh, T.; Segal, Y.; Mayor, M. (2007). «Non evidence of a hot Jupiter around HD 188753 A». Astronomy and Astrophysics 466 (3). páxs. 1179-1183. http://cdsads.u-strasbg.fr/cgi-bin/nph-bib_query?2007A%26A...466.1179Y&db_key=AST&nosetcookie=1. 
  12. HD 188753 A (SIMBAD)
  13. HD 188753 B (SIMBAD)
  14. Tokovinin, A. (2008). «Comparative statistics and origin of triple and quadruple stars». Monthly Notices of the Royal Astronomical Society 389 (2). páxs. 925-938. http://cdsads.u-strasbg.fr/cgi-bin/nph-bib_query?2008MNRAS.389..925T&db_key=AST&nosetcookie=1. 
  15. Mazeh, T.; Tsodikovich, Y.; Segal, Y.; Zucker, S.; Eggenberger, A.; Udry, S.; Mayor, M. (2009). «TRIMOR - three-dimensional correlation technique to analyse multi-order spectra of triple stellar systems: application to HD188753». Monthly Notices of the Royal Astronomical Society 399 (2). páxs. 906-913. http://cdsads.u-strasbg.fr/cgi-bin/nph-bib_query?2009MNRAS.399..906M&db_key=AST&nosetcookie=1. 
  16. 16,0 16,1 HD 188753 Cygni (Stars, Jim Kaler)
  17. «First Planet Under Three Suns Is Discovered» (inglés). Consultáu'l 31 d'avientu de 2009.

Coordenaes:   19h 54m 58.372s, 41° 52 17.53