João Bernardo Vieira
João Bernardo “Nino” Vieira (27 d'abril de 1939, Bisáu – 2 de marzu de 2009, Bisáu) foi un políticu de Guinea-Bisáu, qu'ocupó tres veces la presidencia del so país (la primer vegada ente 1973 y 1984, la segunda vegada ente 1984 y 1999 y la tercer vegada dende'l 1 d'ochobre de 2005 hasta la so muerte en 2009). Tamién foi primer ministru del so país ente 1978 y 1980.
_ribbon.svg){kind=small}
Lletricista de formación, Vieira taba afiliáu al Partíu Africanu pa la Independencia de Guinea y Cabu Verde (PAIGC), d'Amílcar Cabral, en 1960 y convirtióse rápido nun elementu clave de la guerra de guerrilles del país contra'l réxime portugués.
El 14 de payares de 1980, Vieira derrocó al gobiernu de Luís Cabral en Cabu Verde, llevando al poder al Partíu Africanu pola Independencia de Guinea y Cabu Verde (PAIGC), partíu de Vieira. La constitución foi suspendida y foi instaláu un conseyu militar de nueve miembros (presidíu pol mesmu Vieira).
En 1994 fueron celebraes les eleiciones presidenciales, nes que Viera recibió'l 46,20% de los votos contra otros siete candidatos. Vieira quedó primero, pero nun llogró la cantidá mínima pa poder ganar les eleiciones. La segunda vuelta celebróse'l 3 d'agostu de dichu añu. Vieira ganó na segunda vuelta con un 52,02% de los votos contra los 47,98% de Kumba Yalá. Vieira xuró como primer presidente democráticu de Guinea-Bisáu el 29 de setiembre de 1994.
El 7 de mayu de 1999, Vieira foi Golpe d'Estáu derrocáu. Buscó abellugu na embaxada portuguesa y depués se exilió en Portugal.
El 7 d'abril de 2005, Vieira volvió a Guinea-Bisáu, casi dos años dempués de que'l presidente Kumba Yalá fuera sío derrocáu por militares.
En xunu de 2005 celebráronse eleiciones. Vieira llogró un 28,87% de los votos, detrás del so oponente, Malam Bacai Sanhá. Na segunda vuelta, Vieira ganó con un 52,35% de los votos y xuró como presidente'l 1 d'ochobre de dichu añu.
El 28 d'ochobre de 2005, Vieira anunció la disolución del gobiernu empobináu pol so rival, el primer ministru Carlos Gomes Junior, el 2 de payares de dichu añu, nomando como primer ministru a Aristides Gomes.
Na madrugada del 2 de marzu de 2009, a los sos 69 años, el presidente Vieria foi asesináu nun ataque per parte de les milicies del Partíu Africanu pa la Independencia de Guinea y Cabu Verde. La milicia aseguró que Vieira taba detrás del asesinatu del so líder, Batista Tagme Na Wai, xefe d'Estáu Mayor de les fuercies armaes de Guinea-Bisáu y oponente de Vieira, asesináu'l día anterior.[5]
Referencies
editar- ↑ Afirmao en: Enciclopedia Brockhaus. Identificador de Brockhaus Enzyklopädie en línea: vieira-joao-bernardo. Apaez como: João Bernardo Vieira. Llingua de la obra o nome: alemán.
- ↑ URL de la referencia: http://news.bbc.co.uk/1/hi/world/africa/7918061.stm.
- ↑ Afirmao en: idRef. Identificador de referencia de idRef SUDOC: 131808265. Data de consulta: 4 marzu 2020. Editorial: Agencia Bibliográfica de Enseñanza Superior. Llingua de la obra o nome: francés.
- ↑ URL de la referencia: http://www.ordens.presidencia.pt/?idc=154.
- ↑ BBC World - Africa Guinea-Bissau president shot dead (n'inglés)
Enllaces esternos
editar- Biografía n'español per Fundación CIDOB (n'español)
Datos: Q106164
Multimedia: João Bernardo Vieira
