Wikipedia

Jordan Bachynski

Jordan Bachynski (6 de setiembre de 1989, Calgary) ye un xugador de baloncestu canadiense que pertenez a la plantía de los Monbus Obradoiro de la lliga ACB. Con 2,18 metros d'estatura, xuega na posición de pívot.

Jordan Bachynski
Vida
Nacimientu Calgary, 6 de setiembre de 1989 (34 años)
Nacionalidá  Canadá
Estudios
Estudios Centennial High School (en) Traducir
Universidá Estatal d'Arizona
Llingües falaes polacu
Oficiu
Oficiu xugador de baloncestu
Trayeutoria
  Equipu
2016– Nagoya Diamond Dolphins (en) Traducir
2010–2014 Arizona State Sun Devils men's basketball (en) Traducir
– Olin Edirne (es) Traducir
Posición o especialidá pivot
Pesu 113 kg
Altor 218 cm
Cambiar los datos en Wikidata

Trayeutoria deportiva editar

Universidá editar

Xugó mientres cuatro temporaes colos Sun Devils de la Universidá Estatal d'Arizona, nes que permedió 7,9 puntos, 5,4 rebotes y 2,6 tapones por partíu.[1] Na so última temporada foi incluyíu nel segundu meyor quintetu de la Pacific-12 Conference y nel meyor quintetu defensivu, amás de ser escoyíu defensor del añu de la conferencia, en liderando'l país en tapones, con 4,03 por partíu.[2] Estableció amás el récor de la Pac-12 de tapones nuna carrera, acabando con 314.[3]

Profesional editar

Tres nun ser escoyíu nel Draft de la NBA de 2014, xugó les Lligues de Branu colos Orlando Magic y los Toronto Raptors.[4] El 28 de setiembre robló colos Detroit Pistons p'apostar la pretemporada,[5] pero foi despidíu antes del empiezu de la competición, n'apostando dos partíos de preparación.[6]

El 1 d'agostu de 2014 fichó pol Eskişehir Basket de la Türkiye Basketbol Süper Ligi,[7] equipu al que nun terminó d'afaese, siendo despidíu mediáu payares n'apostando tan solo 4 partíos.[8]

El 13 de febreru de 2015 fichó polos Westchester Knicks de la NBA Development League,[9] onde acabó la temporada permediando 6,6 puntos, 5,3 rebotes y 2,2 tapones per partíu.[10] Al añu siguiente completó la temporada permediando 13,1 puntos, 7,0 rebotes y 2,3 tapones per partíu,[11] lo que-y valió p'apostar el All-Star Game de la NBA Development League y ser escoyíu nel tercer meyor quintetu de la lliga y nel meyor quintetu defensivu.[12]

El 26 d'agostu de 2016 fichó polos Nagoya Diamond Dolphins de la B.League xaponesa.[13]

El 26 d'agostu de 2017 fichó a prueba pol Monbus Obradoiro de la lliga ACB, tres el so pasu pol Levanga Hokkaido xaponés, onde permedió 9,0 puntos y 5,3 rebotes per partíu.[14]

Referencies editar

  1. ↑ sports-reference.com Jordan Bachynski Stats, consultáu en xineru de 2017
  2. ↑ thesundevils.com Jordan Bachynski Bio, consultáu en xineru de 2017
  3. ↑ nbcsports.com Arizona State’s Jordan Bachynski set Pac-12’s career blocks record Thursday night, consultáu en xineru de 2017
  4. ↑ sportsnet.ca Three Canadians on Raptors’ Summer League team, consultáu en xineru de 2017
  5. ↑ NBA.com Detroit Pistons Announce 2015 Training Camp Roster, consultáu en xineru de 2017
  6. ↑ NBA.com Detroit Pistons Waive Martin, Thomas and Bachynski, consultáu en xineru de 2017
  7. ↑ sportando.com Jordan Bachynski signs with Olin Edirne, consultáu en xineru de 2017
  8. ↑ sportando.com Eskisehir Basket set to part ways with Chaz Williams, Jordan Bachynski, consultáu en xineru de 2017
  9. ↑ oursportscentral.com Westchester Knicks Acquire Two, consultáu en xineru de 2017
  10. ↑ basketball-reference.com 2014-15 Westchester Knicks Stats, consultáu en xineru de 2017
  11. ↑ 2015-16 Westchester Knicks Stats, consultáu en xineru de 2017
  12. ↑ NBA.com NBA Development League Announces 2015-16 All-NBA D-League Teams, consultáu en xineru de 2017
  13. ↑ nagoya-dolphins.jp Bリーグ内一番高身長の選手が新加入！, consultáu en xineru de 2017
  14. ↑ solobasket.com techu canadiense-jordan-bachynski El Monbus Obradoiro incorpora a prueba al techu canadiense Jordan Bachynski, consultáu n'agostu de 2017

Enllaces esternos editar





 
Sacáu de «https://ast.wikipedia.org/w/index.php?title=Jordan_Bachynski&oldid=4066563»