José Tartiere

José Tartiere y Lenegre (21 de payares de 1848, Bilbao – 18 d'abril de 1927, Llugones) foi un inxenieru y empresariu vascu.

José Tartiere
Vida
Nacimientu	Bilbao, 21 de payares de 1848
Nacionalidá	España
Muerte	Llugones, 18 d'abril de 1927 (78 años)
Familia
Fíos/es	Carlos Tartiere
Estudios
Llingües falaes	castellanu
Oficiu	inxenieru industrial, empresariu

Afincóse n'Asturies en 1875 onde fundaría toa una riestra d'empreses d'estremáu tipu, ente les que destaquen la Fábrica de Pólvores de Llugones, llamada Sociedá Santa Bárbara (1889); la Sociedá Industrial Asturiana Santa Bárbara, xunto con Policarpo Herrero, col oxetivu de promocionar la esplotación de mines, ferrocarriles y empreses del sector metalúrxicu; el Bancu Asturianu d'Industria y Comerciu (1899) y el periódicu La Voz de Asturias (1923). Tamién participó na creación d'otres sociedaes telefóniques, de navegación y bancaries.

Como reconocencia a la so dedicación, en 1921 concediéron-y el títulu de I Conde de Santa Bárbara de Llugones, y la ciudá d'Uviéu llevantó, en 1933, un monumentu esculpíu por Víctor Hevia y Manuel Álvarez Laviada que tovía pue vese nel Campu San Francisco de la capital asturiana.

Casó con María de los Dolores de las Alas-Pumariño y Troncoso, hermana de Nicanor de las Alas Pumariño, vilba de Tomás Botas Alonso, del que tuvo un fíu, Tomás Botas y Alas-Pumariño (Uviéu, 1887 -), casáu con María de Covadonga García-Barbón y Fernández-Hevia. Fueron padres de José Tartiere y Alas-Pumariño, II conde de Santa Bárbara de Llugones, y de Carlos Tartiere, tamién empresariu y conocíu por ser el fundador y primer presidente del Real Uviéu.

Enllaces esternos

• Wikimedia Commons acueye conteníu multimedia sobre José Tartiere.

• Datos: Q5561411
• Multimedia: José Tartiere Lenegre