Margarita del Reinu Xuníu
La princesa Margarita, condesa de Snowdon (Margarita Rosa Windsor, nacida'l 21 d'agostu de 1930-9 de febreru de 2002), yera la fía menor de los reis Xurde VI y Sabela y hermana de la reina Sabela II.
.jpg)
_ribbon_-vector.svg){kind=small}
Infancia y mocedá
editar
Nació como La so Alteza Real la princesa Margarita de York el 21 d'agostu de 1930 nel Castiellu de Glamis n'Escocia, que foi'l llugar onde vivió la so madre mientres la so infancia y parte de la so mocedá. El so padre yera'l príncipe Albertu, duque de York, segundu fíu del rey Xurde V y de la reina María. La so madre yera Sabela, duquesa de York (enantes lady Elizabeth Bowes-Lyon), la fía del XIV conde de Strathmore y Kinghorne. Como nieta del soberanu en llinia paterna, Margarita gociaba del tratamientu de La so Alteza Real dende la so nacencia.
Foi bautizada na Capiya privada del Palaciu de Buckingham el 30 d'ochobre de 1930 por Cosmo Lang, arzobispu de Canterbury, y los sos padrinos fueron el so tíu Eduardo, príncipe de Gales (el futuru rei Eduardu VIII), la prima del so padre la princesa Ingrid de Suecia, la so tía güela la princesa Victoria, la so tía materna lady Rose Leveson-Gower y el so tíu maternu David Bowes-Lyon.
La princesa Margarita foi educada xunto cola so hermana, la princesa Sabela, pola so institutriz, Marion Crawford. En 1936 el so tíu'l rey Eduardu VIII abdicó al tronu, y el so padre xubió como Xurde VI. Margarita foi entós conocida como La so Alteza Real la princesa Margarita. Ella asistió a la coronación de los sos padres en 1937. Margarita foi dende esti puntu, segunda na llinia de socesión al tronu británicu, hasta la nacencia del so sobrín el príncipe Carlos en 1948.
Mientres la Segunda Guerra Mundial, Margarita permaneció nel Castiellu de Windsor, pela rodiada de Londres. El 6 de febreru de 1952, el so padre morrió, convirtiéndose asina la so hermana mayor na Reina Sabela II.
Matrimoniu y familia
editarTuvo un romance col coronel Townsend, que ye'l más conocíu pa les columnes de chismes pol so romanticismu mallográu. A pesar de la honorable carrera d'él, nun había nenguna posibilidá de que se casara cola princesa, por tar divorciáu, y la so rellación causó un gran discutiniu nos primeros años cincuenta.
Dempués de dellos intereses románticos, incluyendo'l futuru primer ministru canadiense John Napier Turner, el 16 de mayu de 1960, Margarita casóse col fotógrafu Antony Armstrong-Jones, fíu de Ronald Armstrong-Jones y la so primer esposa, Anne Messel, na abadía de Westminster.
La ceremonia de matrimoniu puede ser considerada como la primer boda real «moderna», gracies a l'amplia disponibilidad de la televisión nel Reinu Xuníu. En 1961, al maríu de la princesa dióse-y el títulu de conde de Snowdon; por ello, Margarita llogró formalmente'l títulu de La so Alteza Real la princesa Margarita, condesa de Snowdon.
Tuvieron dos fíos:
- David Armstrong-Jones, II conde de Snowdon, 1961.
- Charles Armstrong-Jones vizconde Linley, 1999.
- Lady Margarita Armstrong-Jones, 2002.
Fallecimientu
editar
La princesa Margarita, condesa de Snowdon, finó'l 9 de febreru de 2002, víctima d'un accidente vascular cerebral a los 71 años d'edá. Los sos funerales coincidieron esautamente col cincuentenu aniversariu del entierru del so padre'l rei Xurde VI, llevaos a cabu na mesma capiya de San Xurde del castiellu de Windsor, el 15 de febreru de 1952. La reina madre Sabela finó el 30 de marzu de 2002 por causa d'una bronquitis que la aquexaba.
Títulos
editar- 21 d'agostu de 1930-11 d'avientu de 1936: La so Alteza Real la princesa Margarita de York.
- 11 d'avientu de 1936-6 de mayu de 1960: La so Alteza Real la princesa Margarita.
- 6 d'ochobre de 1961-9 de febreru de 2002: La so Alteza Real la princesa Margarita, condesa de Snowdon.
Patronazgo
editar- Presidenta del Ballet Real.
Distinciones honorífiques
editar- Nacionales
Medaya de la Coronación de Xurde VI (12/05/1937).
Dama compañera de la Imperial Orde de la Corona de la India (12/06/1947).
Medaya Conmemorativa de la Coronación de Sabela II (02/06/1953).
Dama gran cruz de la Real Orde Victoriana (01/06/1953).
Dama gran cruz de la Venerable Orde de San Xuan (20/06/1956).
Medaya Conmemorativa del Xubiléu de Plata de la Reina Sabela II (11/06/1977).
Real Cadena Victoriana (21/08/1990).
Miembru de la Real Orde Familiar del Rei Xurde V (Reinu Xuníu).
Miembru de la Real Orde Familiar del Rei Xurde VI (Reinu Xuníu).
Miembru de la Real Orde Familiar de la Reina Sabela II (Reinu Xuníu).
- Estranxeres
Dama gran cruz de la Orde del Lleón Neerlandés (Reinu de los Países Baxos, 1948).
Dama de primer clase de la Orde de la Estrella Brillosa de Zanzíbar (Zanzíbar, 1956).
Dama gran cruz de la Orde de la Corona (Reinu de Bélxica, 1960).
Dama gran gordón de la Orde de la Preciosa Corona (Imperiu de Xapón, 1971).
Ancestros
editarReferencies
editar- ↑ Afirmao en: The London Gazette 33636. Data de consulta: 4 abril 2020. Páxina: 5225. Llingua de la obra o nome: inglés británicu. Númberu d'exemplar: 33636.
- ↑ 2,0 2,1 Afirmao en: Internet Movie Database. Identificador IMDb: nm0697742. Data de consulta: 13 ochobre 2015. Llingua de la obra o nome: inglés.
- ↑ URL de la referencia: https://web.archive.org/web/20080210110244/http://www.stgeorges-windsor.org/history/hist_burials_date.asp.
- ↑ 4,0 4,1 4,2 URL de la referencia: https://www.royal.uk/princess-margaret. Data de consulta: 4 abril 2020.
- ↑ Afirmao en: The Peerage. Llingua de la obra o nome: inglés. Autor: Darryl Lundy.
- ↑ Afirmao en: The London Gazette 39863. Páxina: 2940. Llingua de la obra o nome: inglés británicu. Data d'espublización: 1r xunu 1953. Númberu d'exemplar: 39863.
- ↑ Afirmao en: Oxford Dictionary of National Biography. Oxford Biography Index Number: 76713. Editorial: Oxford University Press. Llingua de la obra o nome: inglés. Data d'espublización: 2004.
- ↑ Afirmao en: Plarr's Lives of the Fellows. Identificador Plarr: E002055b. Data de consulta: 8 xineru 2024. Llingua de la obra o nome: inglés.
Enllaces esternos
editar
Wikimedia Commons acueye conteníu multimedia sobre Margarita del Reinu Xuníu.- Memorial sobre la Princesa Margarita
Datos: Q153815- Multimedia: Princess Margaret, Countess of Snowdon
