Marino Busto García

Marino Busto García
Vida
Nacimientu	Quimarán, 13 d'abril de 1916
Nacionalidá	España
Muerte	Quimarán, 2 de xineru de 2005 (88 años)
Estudios
Llingües falaes	castellanu
Oficiu	escritor, políticu, periodista

Marino Busto García (13 d'abril de 1916, Quimarán – 2 de xineru de 2005, Quimarán) foi un escritor y políticu asturianu. Foi cronista oficial de Carreño (1983 - 2005), miembru del Real Institutu d'Estudios Asturianos y miembru d'honor del Club de Carreño en L'Habana.

Biografía

Ente les sos principales obres destaquen "Noticias históricas del concejo de Carreño" (1948), "Historia del concejo de Carreño en la general de Asturias" (1984), "El príncipe de los poetas asturianos: Antón de Marirreguera" (1985), "Diccionario bable de González Posada" y "Academia de las Buenas Letras" (1986), "Noticias históricas del concejo de Carreño" (1989) y "Historia heroica de Carreño en la Guerra de la Independencia Española" (1990). Escribió un volume de cuentos: "Alma de la tierrina" (1950), y les noveles "Josefín l'emigrante" (1950) y "El beso de la catedral de Erfurt" (1953).

Desempeño un ampliu llabor como conferenciante n'España y nel estranxeru, tratando les sos esposiciones sobre cultura tradicional asturiana y lleendes populares. Participó en múltiples programes radiofónicos y foi columnista de los periódicos El Comercio, de Xixón, y La Nueva España, d'Uviéu, lo mesmo que de otres revistes y publicaciones nacionales y del estranxeru (Arxentina, Cuba y Suiza). Les sos amplies moliciones y l'amor a la so tierra viéronse reflexaes na promoción de representaciones teatrales na ilesia de San Esteban de Quimarán, y na participación activa na coronación canónica de la Virxe de los Remedios de Carreño (1959). El so estudiu de la obra de González Posada y la so conocencia del Monte Areo nel conceyu de Carreño facilitó'l descubrimientu d'una necrópolis tumular, que los sos trabayos arqueolóxicos fueron realizaos por Miguel Ángel de Blas, profesor de la Universidá d'Uviéu.

Referencies

Enllaces esternos

Biografía de Marino Busto (enllaz rotu disponible n'Internet Archive; ver l'historial y la última versión).
Otra biografía de Marino Busto.