Moravia
Moravia[1] (en checu y eslovacu: Morava, alemán Mähren) ye una de les trés rexones históriques que conformen la República Checa, xunto con Bohemia y la Silesia checa. Llenda al oeste con Bohemia, al sur con Austria (estáu de Baxa Austria), al sureste, este y nordeste coles rexones eslovaques de Trnava, Trenčín y Žilina, respeutivamente; al nordeste y norte cola Silesia checa, y al norte cola Silesia polaca.
| Moravia | |||||
|---|---|---|---|---|---|
 | |||||
| |||||
| Alministración | |||||
| País |  Chequia | ||||
| Tipu d'entidá | rexón xeográfica | ||||
| Capital | Brno y Olomouc | ||||
| Nome oficial | Morava (cs) | ||||
| Nome llocal | Morava (cs) | ||||
| Xeografía | |||||
| Coordenaes | 49°30′N 17°00′E / 49.5°N 17°E | ||||
 | |||||
| Superficie | 22348.87 km² | ||||
| Puntu más altu |
Praděd (es)  | ||||
| Demografía | |||||
 | |||||
El so nome vien del ríu Morava, onde s'estableciera cerca d'él un grupu d'eslavos pocu antes del añu 600. Los habitantes de Moravia falen diversos dialeutos del checu.
Anguaño Moravia ta estremada nes rexones de Moravia Meridional, Zlín, y parte de les rexones de Moravia-Silesia, Olomouc, Pardubice, Vysočina y Bohemia Meridional. La so capital y principal ciudá ye Brno.
Historia editar
Alredor del añu 60 e.C. el pueblu celta de los boios retiróse de la rexón y foi asocedíu poles tribus xermániques de los cuados, siendo absorbíos por Roma y reemplazaos nel sieglu VI d.C. por tribus eslaves. A finales del sieglu VIII, el principáu de Moravia correspondíase col sureste de la contemporánea Moravia, Záhorie (nel suroeste d'Eslovaquia) y partes de la Baxa Austria.
Poblada polos moravos, un pueblu eslavu, dende'l sieglu V. A finales del sieglu VI foi invadida polos ávaros, qu'establecieron un imperiu ente'l ríu Elba y el Dniéper. Tres dellos intentos de llibrase del xugu ávaru, estos fueron finalmente vencíos por Carlomagno a fines del sieglu IX, y Moravia pasa a ser tributaria del Imperiu francu.
Nel añu 833 constituyóse como l'Estáu de la Gran Moravia tres la conquista del Principáu de Nitra (Eslovaquia contemporánea; dende'l sieglu X hasta 1918 parte del Reinu d'Hungría). El so primer rei foi Mojmír I (dende 830 hasta 846). El segundu rexente de la Gran Moravia foi Ratislav I (846-870), que trató d'emancipar el so territoriu de la influencia carolinxa, unviando los sos emisarios a Roma. En siendo refugáu, pidió ayuda al emperador bizantín Miguel III. Ello resultó na misión de Cirilu y Metodiu, que traducieron los llibros llitúrxicos al llinguaxe eslavu, y que darréu foi alzáu pol papa al nivel del llatín y griegu.
En siendo vencíos polos maxares nel añu 906, los reinos vecinos compitieron por Moravia. A partir del sieglu XI, Moravia xunióse a Bohemia y en 1526 dambes quedaron sol dominiu de los Habsburgu.
A partir d'entós formó parte d'esi reinu, pudiendo siguise la so historia na Historia de Chequia.
Ciudaes editar
Referencies editar
- ↑ Esti términu apaez nel Diccionariu de l'Academia de la Llingua Asturiana. Ver: checu
Enllaces esternos editar
Wikimedia Commons acueye conteníu multimedia sobre Moravia 
.- [1] (Moravia nel sitiu oficial de la República Checa).
- Chequia.cz (Moravia del Norte).
- Chequia.cz (Moravia del Sur).
- Olomouc-Travel.cz (Olomouc).
