Robert Gerhard
Robert Gerhard i Ottenwaelder (25 de setiembre de 1896, Valls – 5 de xineru de 1971, Cambridge)[4], foi un compositor catalán. Ye una de les personalidaes más destacaes del patrimoniu tradicional catalán de tolos tiempos, hasta'l puntu de ser consideráu una figura clave de la música catalana y europea[5]. Morrió nel exiliu al que-y condergó l'ascensu del réxime franquista.[6]
Robert Gerhard | |
|---|---|
 | |
| Vida | |
| Nacimientu | Valls, 25 de setiembre de 1896[1] |
| Nacionalidá |
 España  Reinu Xuníu |
| Muerte | Cambridge[2], 5 de xineru de 1971[1] (74 años) |
| Sepultura | cementeriu de la parroquia de l'Ascensión |
| Familia | |
| Hermanos/es | Carles Gerhard Ottenwälder |
| Estudios | |
| Llingües falaes |
catalán castellanu[3] inglés[3] |
| Alumnu de |
Arnold Schönberg Felipe Pedrell (es)  |
| Profesor de |
Joaquim Homs (es) |
| Oficiu | compositor |
| Trabayos destacaos |
String Quartet No. 2 (en) |
| Miembru de |
Moderna Escuela de Viena (es) |
| Xéneru artísticu |
ópera Sinfonía sardana (es) |
| IMDb | nm0314281 |
 | |
Fíu d'un suizu y d'una alsaciana, llueu refugó dedicase al negociu familiar d'esportación de vinos para dedicase a la música[7]. Tres unos primeros años de formación en Munich y en Barcelona, instalóse en 1923 en Viena para recibir clases de composición d'Arnold Schönberg. Cola llegada de la República, trabayó con Higini Anglès en xeres de pedagoxía y popularización de la música clásica. Amás, lideraba'l Grup de Barcelona, formáu polos compositores más creativos y vanguardistes del momentu. Al terminar la Guerra Civil, Gerhard entamó'l duru camín del exiliu. Antifranquista hasta'l migollu, afitó la so residencia en Cambridge. Adoptó la nacionalidá inglesa en 1960, y namás visitó Cataluña en contaes ocasiones[8].
Gerhard axuntó la tradición nacionalista catalana tresmitida pol so maestru Felip Pedrell y les nueves corrientes centroeuropees aprendíes en Viena y Berlín mientres los sos años d'estudiu con Schönberg. La música que llevó a Barcelona na so torna provocó desconciertu y refugu na sociedá catalana de principios de los años 30, pero tamién un gran entusiasmu ente'l círculu de mozos almiradores[9]. El so proyeutu de modernización de la música viose ralentizáu pola so vida más bien tráxica: la Primer Guerra Mundial obligó-y a dexar los estudios qu'empezara n'Alemaña y dempués de la Guerra Civil española tuvo que exiliase, primero en París y a partir de xunetu de 1939 en Cambridge, onde-y atrapó la Segunda Guerra Mundial[10]. Foi n'Inglaterra onde desenvolvió'l gruesu de la so obra y onde, a la fin de la so vida, foi reconocíu con premios y distinciones. Nos últimos años de la so vida sufrió una nueva dificultá na so actividá compositiva, cuando se vio afectáu por una grave enfermedá respiratoria[11].
La música de Robert Gerhard fai un usu bien personal de la técnica serial dodecafónica de Schönberg, allumándola con imaxinatives chispes de lluz mediterránea bien característiques. Na so etapa de los años 50, la so obra apunta a un realcuentru significativu de la forma tradicional, coles mesmes qu'esplega la esploración esperimental na música de cámara, sobremanera nel campu de les tímbriques y les testures instrumentales y de forma singular na percusión.
El so virtuosismu como orquestador estendióse a toa clase d'instrumentos, inclusive atípicos, que compaxinó cola so afición de coleccionar soníos pregrabaos, qu'utilizaría más tarde nes sos obres electroacústiques[12].
Tamién foi maestru de Joaquim Homs[13]. Ente les sos obres podemos atopar el Trio per a piano (1916), L'infantament meravellós de Shéhérazade (1918), Albada, Interludi i dansa, La Merope, Contrapunt: ballet en un acte, Nr. 2: Danse de la jeune fille, la ópera The Duenna[14] o'l Concert per a violí, estrenáu nel Maggio Fiorentino el 1950 pol violinista catalán Antoni Brosa i Vives[15].
El fondu personal de Robert Gerhard consérvase na Cambridge University Library, na Biblioteca de Cataluña y nel Institut d'Estudis Vallencs.
Referencies editar
- ↑ 1,0 1,1 Afirmao en: Gemeinsame Normdatei. Data de consulta: 4 mayu 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: https://www.rcm.ac.uk/singingasong/featuredmusicianscategory1/robertogerhard/.
- ↑ 3,0 3,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ «Llibre de Baptismes (1889-1897). Pàg.746». A.H.A.T. Valls. Parròquia de Sant Joan Baptista, 25-09-1896. [Consulta: 19 xineru 2020]
- ↑ Joaquim Homs. Robert Gerhard y su obra. (Ethos-Musica; 16). Universidad de Oviedo, 1987, p. 15.
- ↑ «Programació Gerhard 2011». L'Auditori. [Consulta: 11 setiembre 2019].
- ↑ «Robert Gerhard, un compositor inconformista i cosmopolita», 26-01-2020. [Consulta: 26 xineru 2020].
- ↑ Pallàs, Josep Maria. «La figura de Robert Gerhard». La Vanguardia, 27-02-2002. [Consulta: 15 setiembre 2019].
- ↑ Eras, Josep Lluís. «Valls s'aboca a l'aniversari del naixement de Robert Gerhard». El Punt Avui, 28-09-2016. [Consulta: 11 setiembre 2019].
- ↑ Pighi, Pierina. «L’avantguardista oblidat». La Vanguardia, 23-11-2011. [Consulta: 10 setiembre 2019].
- ↑ Homs, 1991, p. 42.
- ↑ Monsalvatge, Xavier. «Robert Gerhard, músico racial y universalista» (en castellà). La Vanguardia, 11-01-1970. [Consulta: 15 setembre 2019].
- ↑ Homs, 1991, p. 10.
- ↑ Joaquim Homs. Robert Gerhard i la seva obra. Barcelona: Biblioteca de Cataluña, 1991, páxs. 147-164.
- ↑ Antoni Brosa i Vives. Enciclopedia Espasa, suplementu 1979-1980, p. 78.
Enllaces esternos editar
Datos: Q713949
Multimedia: Roberto Gerhard
