The Goonies
Los Goonies (The Goonies) ye una película d'Estaos Xuníos d'aventures de 1985 dirixida por Richard Donner y escrita por Chris Columbus, basada nuna historia de Steven Spielberg. Foi producida por Steven Spielbert xunto a Donner, Harvey Bernhard, Kathleen Kennedy y Frank Marshall. La película rellata'l viaxe d'un grupu de neños amigos en busca d'una ayalga perdida, y convirtióse nuna de les películes de cultu de los años 80.
Sinopsis
editarLos Goonies, — "Mikey" (Sean Astin), "Brand" (Josh Brolin) "Gordi" (Jeff Cohen, "Chunk" en Llatinoamérica), "Data" (Jonathan Ke Quan), "Bocayón" (Corey Feldman, "Bocazas", na versión española, "Bocón" en Llatinoamérica), "Andy" (Kerri Green) y "Stef" (Martha Plimpton) — son un grupu d'amigos que viven nun pueblu costeru d'EEXX. Los sos padres viven ablayaos poles deldes y los acreedores pretenden valtar el barriu au viven pa construyir nel so llugar un campu de golf.
Una tarde de seronda, aburríos, xuben al sobráu au atopen una gran variedá d'oxetos antiguos y estraños. Ente ellos afayen un mapa qu'indica l'allugamientu d'una supuesta ayalga perteneciente a un pirata conocíu como "Willy el Tuertu", desapaecíu cola so tripulación hai sieglos en siendo escorríos pola armada británica dempués de que'l pirata cometiera un gran robu. El llexendariu ayalgueru Chester Copperpot tamién sumiera ensin dexar rastru décades tres mientres la so busca.
El grupu decide entós dir en busca d'esa ayalga que podría solucionar económicamente el problema pol que ta pasando'l barriu, y qu'en casu de nun iguase podría derivar na disolución de "Los Goonies" como grupu, al tener que treslladase toos.
La busca de l'ayalga va llevar a una aventura so tierra sorteando les trampes que dexaron tres de sí los pirates, y escapando de los Fratelli, una familia d'atracadores que fuxe de la policía, y que n'afayando la historia de "Willy el Tuertu" prentende faese tamién col botín.
Producción
editarEl direutor, Richard Donner, filmó la película siguiendo l'orde cronolóxicu, por que eso ayudara a los mozos actores. Quixo tamién que los actores improvisaren enforma; según les sos pallabres:
"Ellos teníen bones idees y yo yera'l primeru n'oyeles. Improvisamos enforma, yeren capaces de metese nos sos personaxes y convertíense nun grupu xuníu. Yeren maraviyosos. Empezaron a ser eses persones. Había ocasiones que paecía que nun tábamos trabayando. Sí eso nun asocedía nellos de forma instintiva, sabía que daqué andaba mal."
Pa consiguir una reacción más natural de sorpresa al ver el barcu pirata per primer vegada, Richard Donner esplica:
"Nunca dexé que los mozos vieren el barcu. Prohibióse-yos la entrada nel plató dende'l primer día de la so construcción. El día en qu'ellos entren n'escena, saliendo disparaos y cayendo a l'agua, xírense y ven el barcu per primer vegada. Los traxe a toos de llombu. Toos sabíen lo que diba apaecer, pero nun teníen nin idea de lo que diben ver. Y asina, na película, cuando ellos xírense y ven el barcu per primer vegada, les sos reacciones son reales".
El barcu foi construyíu a escala real. Al terminar el rodaxe foi ufiertáu a quien pudiera interesa-y, pero a nun apaecer naide comenenciudu, acabó siendo desmontáu..
El 5 d'abril de 2014 Donner anunció que se rodaría una segunda parte con tol repartu orixinal,[10] daqué que finalmente non se fizo.
El tema principal de la película ye The Goonies 'R' Good Enough interpretáu pola cantante Cyndi Lauper. En 1985 sacó'l discu The Goonies 'R' Good Enough nel qu'incluyó'l tema What a thrill, que tamién apaez nel llargumetraxe.
Repartu y personaxes
editar- Los Goonies
| Sean Astin | "Mikey" (Michael Walsh) |
| Josh Brolin | "Brand" (Brandon Walsh), hermanu mayor de "Mikey" |
| Jeff Cohen | "Gordi" (Lawrence "Chunk" Cohen) |
| Corey Feldman | "Bocayón" (Clark "Mouth" Devereaux) |
| Ke Huy Quan | "Data" (Richard Wang) |
| Kerri Green | "Andy" (Andrea Carmichael), novia de "Brand" |
| Martha Plimpton | "Stef" (Stephanie Steinbrenner), amiga de "Andy" |
- Los Fratellis
| Anne Ramsey | Ma Fratelli |
| Robert Davi | Jake Fratelli |
| Joe Pantoliano | Francis Fratelli |
| John Matuszak | Sloth Fratelli |
- Otros personaxes
| Mary Ellen Trainor | Irene Walsh (madre de "Mikey" y "Brand") |
| Keith Walker | Irving Walsh (padre de "Mikey" y "Brand") |
| Lupe Ontiveros | Rosalita (emplegada doméstica de la familia Walsh) |
| Steve Antin | Troy Perkins (fíu del millonariu Mr. Perkins que pretende mercar la urbanización) |
| Curtis F. Hanson | millonariu Mr. Perkins (padre de Troy) |
| Paul Tuerpe | Xérif |
- El direutor de la película, Richard Donner, fai un curtiu caméu como policía llocal.
- Personaxes de los que namái apaez la so cadarma: "Chester Copperpot" y "Willy el Tuertu".
Recaldación
editar| País | Fecha d'estrenu | Recaldación |
|---|---|---|
 Alemaña |
Xueves 19 d'avientu de 1985 | 1.075.690 |
 Arxentina |
Miércoles 25 d'avientu de 1985 | 1.266.300 |
 Australia |
Xueves 12 d'avientu de 1985 | 1.070.800 |
 Austria |
Vienres 20 d'avientu de 1985 | 330.000 |
 Bélxica |
Miércoles 20 de payares de 1985 | 720.500 |
 Belize,  Costa Rica El Salvador,  Hondures Nicaragua,  Panamá Guatemala |
Miércoles 25 d'avientu de 1985 | 145.380 |
 Brasil |
Xueves 19 d'avientu de 1985 | 994.100 |
 Chile |
Llunes 23 d'avientu de 1985 | 1.004.768 |
 Colombia |
Xueves 20 de marzu de 1986 | 884.300 |
 Corea del Sur |
Sábadu 19 de xunetu de 1986 | 944.737 |
 Dinamarca |
Vienres 11 d'ochobre de 1985 | 415.000 |
 España |
Miércoles 24 de xunetu de 1985 | 3.124.279 € |
 Estaos Xuníos d'América.svg){kind=small} Canadá |
Vienres 7 de xunu de 1985 | 61.400.000 $[11] |
 Filipines |
Miércoles 30 d'ochobre de 1985 | 255.340 |
 Finlandia |
Vienres 6 d'avientu de 1985 | 476.910 |
 Francia |
Miércoles 4 d'avientu de 1985 | 570.623 |
 Grecia |
Vienres 20 d'avientu de 1985 | 971.660 |
 Ḥong Kong |
Xueves 28 de payares de 1985 | 280.074 |
 Hungría |
Xueves 29 de marzu de 1990 | 317.810 |
 Islandia |
Miércoles 11 d'avientu de 1985 | 752.480 |
 Israel |
Vienres 22 de payares de 1985 | 192.440 |
 Italia |
Xueves 5 d'avientu de 1985 | 683.190 |
 Xapón |
Sábadu 21 d'avientu de 1985 | 826.300 |
 Malasia |
Xueves 7 de payares de 1985 | 178.100 |
 Méxicu |
Xueves 12 d'avientu de 1985 | 356.200 |
 Noruega |
Xueves 30 de xineru de 1986 | 945.271 |
 Nueva Zelanda |
Vienres 13 d'avientu de 1985 | 880.733 |
 Países Baxos |
Xueves 19 d'avientu de 1985 | 567.140 |
 Perú |
Miércoles 25 d'avientu de 1985 | 882.119 |
 Portugal |
Vienres 29 de payares de 1985 | 773.289 |
.svg){kind=small} Reinu Xuníu Irlanda |
Vienres 29 de payares de 1985 | 1.077.674 |
 Singapur |
Xueves 12 d'avientu de 1985 | 151.473 |
 Sudáfrica |
Vienres 29 de payares de 1985 | 476.339 |
 Suecia |
Vienres 20 d'avientu de 1985 | 4.368.645 SEK[11] |
 Suiza |
Miércoles 4 d'avientu de 1985 | 37.021 |
 Tailandia |
Sábadu 12 d'abril de 1986 | 80.059 |
 Taiwán |
Domingo 9 de febreru de 1986 | 66.710 |
 Uruguái |
Miércoles 25 d'avientu de 1985 | 103.084 |
 Venezuela |
Miércoles 25 d'avientu de 1985 | 215.663 |
Referencies
editar- ↑ 1,0 1,1 1,2 1,3 Afirmao en: Box Office Mueyo. Identificador Box Office Mojo de película (esquema anterior): goonies. Data de consulta: 17 avientu 2021. Llingua de la obra o nome: inglés.
- ↑ URL de la referencia: http://www.boxofficemojo.com/movies/?id=goonies.htm.
- ↑ URL de la referencia: http://www.sfi.se/sv/svensk-filmdatabas/Item/?itemid=6787&type=MOVIE&iv=Basic.
- ↑ «Internet Movie Database» (inglés). Consultáu'l 14 abril 2017.
- ↑ 5,00 5,01 5,02 5,03 5,04 5,05 5,06 5,07 5,08 5,09 5,10 5,11 5,12 5,13 5,14 5,15 5,16 5,17 5,18 5,19 5,20 5,21 5,22 5,23 5,24 5,25 5,26 5,27 5,28 5,29 Afirmao en: Internet Movie Database. Identificador IMDb: tt0089218. Data de consulta: 17 avientu 2021. Llingua de la obra o nome: inglés.
- ↑ 6,0 6,1 6,2 6,3 6,4 6,5 6,6 Afirmao en: ČSFD. Llingua de la obra o nome: checu. Data d'espublización: 2001.
- ↑ URL de la referencia: https://www.cnc.fr/professionnels/visas-et-classification/60673. Data de consulta: 3 febreru 2023.
- ↑ Afirmao en: Filmografía Nacional Danesa.
- ↑ Afirmao en: Filmratings.com. Editorial: Motion Picture Association.
- ↑ «'Goonies' Direutor Sequel is Happening». tmz.com (5 d'abril de 2014). Consultáu'l 5 d'abril de 2014.
- ↑ 11,0 11,1 «The Goonies (1985) - Box office / business». Archiváu dende l'orixinal, el 2009-04-14.
Enllaces esternos
editar- Ficha en Cartelos de Cine
- Intereses de la película
- Páxina dedicada n'esclusiva a la película
- Intercambiu de cromos de la película
- Reseña de la película
- actuación
- Llocalización de la sablera onde se desenvuelve parte de la película
Datos: Q636043
Multimedia: The Goonies
