Wikipedia:Votaciones/Archivu/2017
- Esta votación ta archivada y yá nun se puede participar.
Pa participar n'otres votaciones visita Wikipedia:Votaciones.
Votación pa usar los nomes de países, capitales, xentilicios, etc, etc según el Cartafueyu Normativu de la Academia de la Llingua editar
Resumío:
- Nun pue ser que nesta wikipedia, porque nun nos presten ciertos términos, decidamos cambialos, o apautemos otros distintos a lo convenío. La wikipedia nun ye una fonte primaria y nun podemos pasanos pel arcu'l triunfu esti fechu. Otra cosa, sedría que necesitásemos un nuevu términu que nun figurase nos cartafueyos. Pero nun s'imaxina una wikipedia seria que nun siga les normes ortográfiques, gramaticales y les normatives que mande la so Academia.
Nun correspuende a una wikipedia determinar estes coses. Pa eso tán los organismos oficiales. Llegáu el casu, qu'estos términos cambiasen, cambiaríamos tamién (como nun pue ser d'otra manera) esos términos nesta wikipedia.
Asina que propongo que nesta wikipedia s'usen los términos qu'han ser: Cartafueyu normativu: Nomes de los países del mundu y de les sos capitales y xentilicios. Repito que na wikipedia nun podemos facer lo que nos dea la gana. Les fontes oficiales son les que son, y nesta llingua, márcales l'Academia, lo mesmo que na wikipedia Gallega, Vasca, Catalana, etc.
A favor:
#--ENOL (alderique) 18:28 31 xnt 2017 (UTC)(votu anuláu por nun cumplir los requisitos de númberu d'ediciones. Tien menos de 100)
Escontra:
Comentarios editar
Fui yo quien propunxo nun usar los términos d'esi cartafueyu polo mui mal que ta fechu; yá espunxi los porqués, pero solo voi remitime a un exemplu: si usamos los términos d'esi cartafueyu (que ye una propuesta, non una norma), taríemos cambiando'l nome de la capital de Dominica, que se llama Roseau por Rousseau, filósofu francés que nada tien que ver con esi llugar del Caribe. Por nun mencionar la babayada d'asturianizar la trescripción Beijing pa la capital china.
Opóngome amás porque cuando entamé yo'l nun usar esos términos, fíxose, más o menos, ún per ún, por mor precisamente de los munchos equivocos que tien esi cartafueyu. Pidiría que volviereis lleer los mios argumentos enantes de caltener el vuestru votu.--etienfr (¡Vamos parolar!) 14:48 5 ago 2017 (UTC)
- Prácticamente toi contigo en tolo que dices, pero precisamente por un puntu que menciones de los pilares de Wikipedia ye que voto que sí: Wikipedia nun ye fonte primaria. Mientres nun podamos aportar otra fonte meyor, esta ye la única que tenemos. Imaxina que mañana yo doi mis esplicaciones a que se diz "Banglades" porque fice un estudiu. Tú dices que ye "Bangladesh" porque tienes abondos argumentos. ¿Quién tien razón? Pa la Wikipedia daría igual. La fonte más acreditada que tenemos diz que ye "Bangladex" y anque los dos pensemos que ta fatal, ye la qu'hai que usar. Ye lo buenu y lo malu que tien la Wikipedia. --Omarete (mensaxes) 11:53 25 ago 2017 (UTC)
- La votación yá ta acabada y dame igual. Pero dicite que yo nun toi faciendo fonte primaria al, por exemplu, proponer usar Bangladesh en llugar de Bangladex o Banglades o lo que quieras: Bangladesh yá esiste porque ye la trescripción internacional del nome d'esi país (amás, nun refugo, como yá tengo dicho, n'usar la lletra xe pa representar la palatal fricativa xorda -si pa /b/ usamos "b", pa /f/ "f" y etc..., por qué non pa /ʃ/ la lletra "x"). Enxamás propunxi usar un términu que nun esistiera yá, polo qu'enxamás fixi ser fonte primera. Cuido que fui mui cuidadosu cuando espunxi tolos mios argumentos, y fui ún per ún esplicando'l por qué me paecía, y me sigue paeciendo, un enorme error usar esos términos propuestos nesi cartafueyo, ente otres coses polos munchos errores y incoherencies que tien. Pero ea, yá ta votao, non?, pues a nomar, perdón, rebautizar la capital de Dominaca por Rousseau (manca a la madera!) y a asturianizar un atrescripción fonética como ye Beijing. Usar esos términos, que nun son asturianu sinón andechés, ye facer el ridículu, y siéntolo pola Academia, pero con esi cartafueyu metió la pata hasta'l cuezu.--etienfr (¡Vamos parolar!) 18:06 31 ago 2017 (UTC)
- A ver, que yo nun lo dixe por esi casu concretu, yera un exemplu cualquiera. A ver, en sí la votación tampoco ye que sirva pa muncho, porque por encima les votaciones tan los principios de Wikipedia. ¿El cartafueyu ye una fonte acreditada? Sí, vien de la academia de la llingua na que ta escrita la Wikipedia. Pues ya ta, val como fonte. ¿Hai otres fontes na nuesa llingua? Nun tengo ni idea. Si les hai, y nun coinciden col cartafueyu, habrá que ver na discusión de cada país / ciudá con cual nos quedamos. Vamos, como se fae con cualquier otro artículu. Recordai: Wikipedia nun ye una democracia. Da igual que to dios vote que "la tierra ye plana". Si les fontes acreditaes que tenemos dicen que ye redonda, ye lo que tien que ponese. Nun sé si me toi esplicando o lo toi liando más. Un saludu. --Omarete (mensaxes) 19:45 31 ago 2017 (UTC)
- La votación yá ta acabada y dame igual. Pero dicite que yo nun toi faciendo fonte primaria al, por exemplu, proponer usar Bangladesh en llugar de Bangladex o Banglades o lo que quieras: Bangladesh yá esiste porque ye la trescripción internacional del nome d'esi país (amás, nun refugo, como yá tengo dicho, n'usar la lletra xe pa representar la palatal fricativa xorda -si pa /b/ usamos "b", pa /f/ "f" y etc..., por qué non pa /ʃ/ la lletra "x"). Enxamás propunxi usar un términu que nun esistiera yá, polo qu'enxamás fixi ser fonte primera. Cuido que fui mui cuidadosu cuando espunxi tolos mios argumentos, y fui ún per ún esplicando'l por qué me paecía, y me sigue paeciendo, un enorme error usar esos términos propuestos nesi cartafueyo, ente otres coses polos munchos errores y incoherencies que tien. Pero ea, yá ta votao, non?, pues a nomar, perdón, rebautizar la capital de Dominaca por Rousseau (manca a la madera!) y a asturianizar un atrescripción fonética como ye Beijing. Usar esos términos, que nun son asturianu sinón andechés, ye facer el ridículu, y siéntolo pola Academia, pero con esi cartafueyu metió la pata hasta'l cuezu.--etienfr (¡Vamos parolar!) 18:06 31 ago 2017 (UTC)
- Yo tamién coincidía (y coincido) col planteamientu que dabes Etienfr, pero ye que nun puede ser. Les normes ortográfiques a min tamién me paecen una cagada (nun veo porqué hai qu'usar acentos o v/b), pero tengo qu'aceutales. Esti casu, (extremu.. ye verdá), podría ser verdá, pero nun tendría cabida nesta wikipedia. Si por exemplu mañana pasamos a nun usar la v, porque lo dicen les normes, pues dexaríemos d'usar la v. Toes estes coses, son na ALLA onde han cambiase, porque sinón creamos confusión. Personalmente, diríate que tuviemos una discusión sobre'l xentiliciu de la xente que vive nos Estaos Xuníos (¿estaunidense?¿estauxunidense?¿D'estaos xuníos?).... oye, pues esto ye tán fácil como dir a la ALLA, poner argumentos enriba la mesa.... y sabes qué? que t'escuchen. Y dialoguen contigo. Y ye posible que aceuten la propuesta, o non. Pero créeme que ye l'únicu camín. --Astur (alderique) 08:03 1 set 2017 (UTC)
- A ver, ye que cuido que tamos confundiendo lo que ye normativo y lo que nun ye, masque too provenga de l'Academia. Lo único normativo y polo tanto que tenemos que siguir, préstenos o non, son les normes ortográfiques, la gramática y el DALLA; a min por exemplu nun veo'l porqué han d'acentuase les pallabres agudes terminaes en diptongu decreciente (Principáu, Uviéu, llamáis, acuéi, etc.), tampoco toi d'alcuerdu en nun siguir una regla 100% etimolóxica pa escribir "b/v" y "h" como se fai na normativa oficial gallega (tener qu'escribir basoria y non *vasoria, boda y non *voda, vilbu y non *vilvu, hermanu y non *ermanu, etc.), mesmo tener que dicir diptongu o femenín en llugar de *diftongu o *feminín. Pero esto ye norma y hai que siguila y cumplila. Pero fuera d'estes trés publicaciones, el restu son solo propuestes que podemos, o non, usales y aceptales, y nesti casu tán los cartafueyos normativos (quiciabes el nome que-y dieron a la colección nun ye'l más afayadizu). Ye por eso que propunxi nun usar esos términos polo, repítolo de nuevo, mui mal fechu que ta esi cartafueyu. Y ye por eso, porque nun ye normativu, que si decidimos (anque wikipedia nun seya una democracia) nun usar esos términos, tenemos el completu drechu a nun lo facer, y nun va pasar nada. Y pa terminar, si toos tais d'alcuerdu colos mios argumentos, nun entiendo entóncenes porqué votestis agora volver a usar esos términos totalmente equivocaos d'esi cartafueyu. Ah, y que naide piense que ye un ataque pela mio parte a l'Academia; ye solo un ataque a esa publicación, cola que l'Academia la cagó y bien cagada. Y, Astur, nun ye cuestión de falar o non falar cola Academia: esi cartafueyu, que nun sé quien foi o fueron los sos redactores, fíxose, a poco que se consulte, con muncha priesa y ensin reflexonar, y eso nun ye propio d'una institución como ye l'Academia de la Llingua Asturiana; yo nun tengo nada que falar ni proponer énte ella.--etienfr (¡Vamos parolar!) 09:37 17 set 2017 (UTC)
Resultáu final editar
- Apruébase'l cambiu propuestu. --Vsuarezp (alderique) 10:21 31 ago 2017 (UTC)