Xuegos Olímpicos de Los Angeles 1932

Xuegos Olímpicos de Los Angeles 1932
Xeneral
Tipu de competición	Xuegos Olímpicos de branu
País	Estaos Xuníos
Historia
Desapaición	14 d'agostu de 1932
Competición
Participantes	37 ; 1334
	Web oficial

Los Xuegos Olímpicos de Los Angeles 1932, oficialmente conocíos como los Xuegos de la X Olimpiada. Los Xuegos Olímpicos volvieron a los Estaos Xuníos en permaneciendo n'Europa mientres 28 años, pero, l'impresionante viaxe hasta l'alloñada mariña oeste y el fechu de que la 'Gran Depresión Económica' siguía azotando al país anfitrión y al mundu, provocó que s'amenorgara'l númberu de países y deportistes participantes, especialmente del Vieyu Continente.^[1] Asina de 46 naciones concurrentes na olimpiada anterior báxase a 37 y d'atletes de 3 014 a 1 328. El tornéu de fútbol tuvo qu'atayase pola falta d'equipos. El COI tuvo que brindar ayuda económica pa los deportistes al aprovilos d'alimentu y tresporte. Esta situación, provocó un discutiniu porque al llexendariu Paavo Nurmi, nueve veces medayista d'oru, prohibióse-y participar nos sos cuartos xuegos por cuenta de que al recibir ayuda n'efectivu pal so viaxe, dexara de tener l'estatus de deportista amateur, lo cual yera totalmente vetáu pol COI. El finlandés reclamó que realizara munchos gastos pa viaxar a una competencia a Alemaña, pero l'organismu sía comoquier torgó-y poder alzar el so impresionante total de preseas doraes a 12.

Semeya del estadiu *Los Angeles Memorial Coliseum* en construcción l'añu 1922.

Innovaciones

L'apurra de los xuegos en California foi la edificación de la primer villa olímpica p'allugar a los atletes, na que fueron agospiaos los homes ente que les dames fueron agospiaes nun hotel de luxu. Amás utilizóse per primer vegada'l photo finish y el cronometraxe automáticu nos eventos de pista del atletismu. Igualmente, implementóse'l podiu de trés niveles pa les ceremonies de premiación y el izado de la bandera nacional del ganador de cada prueba (el barón de Coubertin creo los xuegos como una participación d'atletes a títulu personal y non nacional).^[2]

De la mesma, per primer vegada nel sieglu XX, les competencies realizáronse en menos de 79 díes al concentrase nun calendariu de 16 díes, del 30 de xunetu al 14 d'agostu. De magar, los Xuegos Olímpicos desenvolviéronse en periodos ente 15 y 18 xornaes.

Al marxe de les grandes asusencies, el nivel competitivu xubió al superase o empatase 18 récores mundiales, amás de que l'asistencia a los eventos deportivos tamién resultó un acontecimientu, llegando a axuntase hasta 100 mil persones pa la ceremonia d'inauguración.

Momentos importantes

L'atleta xaponés Kusuo Kitamura, de 14 años d'edá, ganó nos 1.500 m de natación llibre y convirtióse nel atleta más nuevu en ganar una medaya d'oru.
La norteamericana Babe Didrikson de 18 años, calificó pa los cinco pruebes femenines d'atletismu, pero namái foi autorizada a participar en trés d'elles. D'éstes, ganó en xavalina la medaya d'oru y estableció récor mundial en saltu d'altor y en 80 metros.
El policía suecu Ivar Johansson ganó tres medayes en llucha llibre y llucha grecorromana.
Carl Westergren, otru lluchador suecu, ganó'l so tercer títulu en grecorromana, cada vez nuna categoría distinta.
Nun xestu notable de xuegu llimpiu, la xugadora d'esgrima británica Judy Guinness abandonó les sos esperances d'una medaya d'oru dempués de face-yos ver a los xueces que comprobara que la so adversaria austriaca Ellen Preis tocárala dos vegaes.
L'arxentín Juan Carlos Zabala, moteyáu "El Ñandú criollu", foi campeón olímpicu de maratón nos Xuegos Olímpicos de Los Ángeles 1932.

Deportes

	Deportes nos Xuegos Olímpicos de Los Ángeles 1932
Atletismu \| Boxéu \| Ciclismu \| Equitación \| Remane \| Ximnasia \| Halterofilia \| Ḥoquei \| Llucha \| Natación \| Pentatlón modernu \| Remu \| Saltos de natación \| Tiru \| Vela \| Waterpolu