Carlos Sierra
Carlos Sierra Cueto (6 d'abril de 1943, Sorrobín – 3 de xunetu de 2022, Uviéu) foi un pintor asturianu que prauticaba principalmente'l realismu máxicu pictóricu. Participó en munches esposiciones dientro y fora d'España. Les sos obres formen parte de numberoses coleiciones públiques y privaes.
Carlos Sierra | |
|---|---|
 | |
| Vida | |
| Nacimientu | Sorrobín, 6 d'abril de 1943 |
| Nacionalidá |
 España |
| Residencia | Uviéu |
| Muerte | Uviéu[1], 3 de xunetu de 2022[2] (79 años) |
| Estudios | |
| Llingües falaes | castellanu |
| Oficiu | pintor |
| Movimientu | realismu máxicu |
 | |
Biografía
editarEl pintor Carlos Sierra nació'l 6 d'abril de 1943 en Sorrobín, un llugar de la parroquia de Lieres, perteneciente al conceyu de Siero, na zona central del Principáu d'Asturies, al norte d'España.
El pintor sierense Casimiro Baragaña animó-y a dedicase profesionalmente a la pintura, empezando de bien nueva a trabayar nuna axencia de publicidá d'Uviéu y nel periódicu La Nueva España.[3]
Autodidacta de formación, viaxa a París nos años sesenta, onde visita, ente otros munchos pintores, a Orlando Pelayo. Ellí esperimenta un contautu direutu col impresionismu de la que se decide definitivamente pel mundu del arte como manera de vida. La so obra posterior tendría amplia repercusión n'Asturies, onde fueron acoyíes con muncho entusiasmo les esposiciones que realizó nos 70 y nos 80.[4]
Na capital de Francia, a onde llegó faciendo autoestop en 1962, tuvo contautu col esistencialismu y el posimpresionismu de Montmartre, unes corrientes que-y influyiríen tamién na so manera de vistir, peculiar, venturera y chocante pal Uviéu d'aquella dómina. Los clubes nocherniegos de Barcelona, el serviciu militar en Marruecos y la Revolución de Mayu del 68 dexaron dellos reflexos nos entamos de la so trayeutoria artística.[5]
En recibiendo dellos premios, ente ellos la medaya d'oru na especialidá de dibuxu nel IV Certame Nacional d'Arte Xuvenil celebráu en 1964,[6] realizó la so primer esposición en 1965, na sala Cristamol d'Uviéu, en compañía de Sancho-Miñano y José Luis Fernández.[7]
De primeres de la década de los 70 vivió na islla d'Eivissa, Islles Baleares, ellí empezó la so conexón cola filosofía oriental. Escontra mediaos de los 70 vuelve a Uviéu, onde anguaño sigue trabayando nel so estudiu de la cai Uría. La so obra ta presente en numberoses coleiciones privaes y públiques,[8] el so oleu Edificiu en construcción,[9] de 1976, atópase, ente delles obres sos, nel Muséu de Belles Artes d'Asturies.[10] Tamién realizó semeyes de munchos personaxes tales como'l rectores de la Universidá d'Uviéu Alberto Marcos Vallaure[11][12]y Santiago Gascón.[13][14]El exalcalde uvieín, Antonio Masip, considéra-y, nel so llibru Dende la mio ventana..., unu de los pintores asturianos más importantes de tolos tiempos.[15]
Non bien gustante a les esposiciones de les sos obres, l'artista sierense protagonizó n'abril de 1997 l'antolóxica La realidá allumada nel Centru d'Arte Moderno Ciudá d'Uviéu, que superó los 15 000 visitantes, comisariada por Luis Feás,[16][17]críticu d'arte qu'años tras, en 2006, escribiera sobre La oriental sensibilidá de Carlos Sierra.[18] El catálogu editáu en 1997 por cuenta de la esposición La realidá allumada,[19] de 207 páxines y profusamente ilustráu, contién testos de Javier Barón, daquella xefe del Departamentu de Pintura del Sieglu XIX del Muséu del Prado.[20]
Carlos Sierra, ta consideráu como'l pintor asturianu más importante de la nuesa dómina, ente los grandes maestros asturianos de tolos tiempos, y unu de los más xenuinos representantes del realismu español contemporaneu.[21]
Esposiciones individuales
editar- 1966 Atenéu d'Uviéu
- 1966 Ateneo Xovellanos, Xixón
- 1967 Galería Benedet, Uviéu
- 1968 Casa de Cultura d'Avilés
- 1973 Galería Benedet, Uviéu
- 1976 Galería Tassili, Uviéu
- 1979 Galería Tassili, Uviéu
- 1987 Exposición Homenaje XVIII Certame Nacional de Pintura de Ḷḷuarca
- 1997 «La realidá allumada», Centru d'Arte Moderno Ciudá d'Uviéu
- 2015 «Años 60. Pintures y dibuxos». Casa de Cultura de Pola de Siero[23][24]
- 2017 «Stillness and fury». Centru Asturianu d'Uviéu[25][26]
Esposiciones coleutives
editar- Sala Cristamol, Uviéu
- Galería Tantra, Xixón
- Galería Áltex, Madrid
- Galería Kandinsky, Madrid
- Galería Vallribera, Eivissa
- Galería Margall, Uviéu
- Galería Nogal, Uviéu
- «... Y de primeres foi la mazana». Feria de Muestres d'Asturies
- Centro Asturianu de Madrid
- «Nuevos paisaxes d'Asturies», Madrid, Zamora, Teberga, Candás, Santillana del Mar, L'Arena, Avilés, Piedrasblancas, Uviéu, Muros, La Pola Ḷḷena, Pravia, Mieres, Lisboa y Xixón
- Galería Durero, Xixón
- Galería Munuza, Xixón
- Feria de Colonia (Alemaña)
- «Paisaxe contemporáneo español». Hamburgo, Berlín, Bremen, Düsseldorf, Francfort, Hannover, Múnich, Stuttgart
- «Coleición Lorenzana». Casa del Gordón, Burgos
- Galería Marta Llames, Uviéu
- Galería Vértice[27]
- Caxa d'Asturies
- «Pintores Asturianos nacíos nes décades 40 y 50»[28]
Certámenes y concursos
editar- Certámenes xuveniles, Uviéu
- 1964 IV Certame Nacional d'Arte Xuvenil, Barcelona
- 1973 II Bienal de Pintura Gargallo, Xixón
- 1974 V Certame Nacional de Pintura de Ḷḷuarca
- 1976 I Bienal Nacional d'Arte Ciudá d'Uviéu
- 1979 II Bienal Nacional d'Arte Ciudá d'Uviéu
- 1981 Concursu del Colexu Oficial d'Apareyadores y Arquiteutos Téunicos d'Uviéu
- 1984 IV Bienal Nacional d'Arte Ciudá d'Uviéu
- 1987 Primer Certame Nacional «La Gastronomía na Pintura». Restorán Casa Consuelo, Outur (Ḷḷuarca)
- 1992 VI Bienal Nacional d'Arte Ciudá d'Uviéu PREMIOS
- Certámenes d'Arte Xuvenil d'Uviéu
- Primer Premiu de Dibuxu nel IV Certame Nacional d'Arte Xuvenil de Barcelona
- Tercer Premiu na II Bienal de Pintura Gargallo de Xixón
- Mención Honorífica nel V Certame Nacional de Pintura de Ḷḷuarca
- Primer premiu nel Concursu del Colexu Oficial d'Apareyadores y Arquiteutos Téunicos d'Uviéu
Museos y coleiciones
editar- Muséu de Belles Artes d'Asturies
- Colexu Oficial d'Apareyadores y Arquiteutos Téunicos d'Uviéu
- Conceyu d'Uviéu
- Caxa d'Aforros d'Asturies
- Fundación Lorenzana, Madrid
- Coleiciones privaes en Méxicu, Madrid, Palma de Mallorca, Ámsterdam, Colonia, Uviéu y Xixón
Referencies
editar- ↑ URL de la referencia: https://www.cope.es/actualidad/noticias/fallece-oviedo-pintor-carlos-sierra-los-anos-20220703_2177788.
- ↑ URL de la referencia: https://www.elcomercio.es/oviedo/fallece-carlos-sierra-pintor-siero-asturias-oviedo-20220703150146-nt.html.
- ↑ «Carlos Sierra - Enciclopedia d'Uviéu». Consultáu'l 22 d'avientu de 2015.
- ↑ «La Fundación Lombardía rinde homenaxe a Orlando Pelayo, fináu hai 25 años». Consultáu'l 22 d'avientu de 2015.
- ↑ «Les primeres pintures de Carlos Sierra amuesen les sos "imáxenes de la memoria"». Consultáu'l 22 d'avientu de 2015.
- ↑ «Conceyu de Siero / Servicios al ciudadanu / Axenda / La Pola acueye la esposición "Carlos Sierra. Año sesenta"». Consultáu'l 22 d'avientu de 2015.
- ↑ «Carlos Sierra - Enciclopedia d'Uviéu». Consultáu'l 22 d'avientu de 2015.
- ↑ (2004.) «Tomo 14», Diccionario Enciclopédico del Principado de Asturias. Uviéu: Ediciones Nobel.
- ↑ Mercedes-Pelaez. «www.descubrirelarte.es». Consultáu'l 23 d'avientu de 2015.
- ↑ «excelencia.html Alfonso Palaciu: “Buscamos la excelencia” – Afayar l'Arte, la revista líder d'arte n'español». Consultáu'l 22 d'avientu de 2015.
- ↑ «Alberto Marcos Vallaure - Enciclopedia d'Uviéu». Consultáu'l 23 d'avientu de 2015.
- ↑ Uviéu, Centru d'Innovación - Universidá de. «Galería de la Universidá d'Uviéu - Visor». Consultáu'l 30 de marzu de 2016.
- ↑ «Santiago Gascón». Consultáu'l 30 de marzu de 2016.
- ↑ Uviéu, Centru d'Innovación - Universidá de. «Galería de la Universidá d'Uviéu - Visor». Consultáu'l 30 de marzu de 2016.
- ↑ 1946-, Masip, Antonio, ([2001?]). Dende la mio ventana--. Ediciones Nobel. ISBN 8484590763. Consultáu'l 7 de setiembre de 2018.
- ↑ «Por una guapura convulsiva». Consultáu'l 23 d'avientu de 2015.
- ↑ «El pintor Carlos Sierra inaugura güei una muestra con obres de los años sesenta» (castellanu). Consultáu'l 23 d'avientu de 2015.
- ↑ «Ajimez Arte. Páxina d'Arte Asturiano :: Crítica». Consultáu'l 22 d'avientu de 2015.
- ↑ «Carlos Sierra. La realidá allumada. Catálogu de la esposición. Testos de Javier Barón y otros. de SIERRA (Carlos).: Uviéu, CAMCO, Centru d'Arte Moderno "Ciudá d'Uviéu", - Berceo (Llibros Antiguos)». Consultáu'l 31 de marzu de 2016.
- ↑ «Barón Thaidigsmann, Javier - Muséu Nacional del Prado». Consultáu'l 23 d'avientu de 2015.
- ↑ «Carlos Sierra, años 60.». Consultáu'l 23 d'avientu de 2015.
- ↑ Barón, Javier (1997). La realidá allumada. Uviéu, CAMCO, Centru d'Arte Moderno "Ciudá d'Uviéu".
- ↑ «Carlos Sierra - Año 60 | Facebook». Consultáu'l 31 d'avientu de 2015.
- ↑ «El pintor Carlos Sierra inaugura güei una muestra con obres de los años sesenta» (castellanu). Consultáu'l 31 d'avientu de 2015.
- ↑ (en castellanu) Carlos Sierra va esponer les sos obres de filosofía más oriental. El Comercio. 23 d'agostu de 2017. https://www.elcomercio.es/oviedo/carlos-sierra-expondra-20170823000458-ntvo.html. Consultáu'l 6 de setiembre de 2017.
- ↑ (en castellanu) Retrospectiva llírica y esencial. El Comercio. 2 de setiembre de 2017. https://www.elcomercio.es/cultures/arte/retrospectiva-lirica-esencial-20170902000408-ntvo.html. Consultáu'l 6 de setiembre de 2017.
- ↑ (en castellanu) Galería Vértiz. masdearte. Información d'esposiciones, museos y artistes. http://masdearte.com/centros/galeria-vertice/. Consultáu'l 7 de setiembre de 2018.
- ↑ pres., Rodríguez Díez, Ma. Trinidá, (1996). Pintor asturianos : nacíos nes décades 40 y 50. Principáu d'Asturies. ISBN 8478474110. Consultáu'l 7 de setiembre de 2018.
Enllaces esternos
editar- Páxina oficial de Carlos Sierra Archiváu 2018-11-17 en Wayback Machine.
- Artículu de Rubén Suárez (enllaz rotu disponible n'Internet Archive; ver l'historial y la última versión).Testu estrayíu del catálogu de la esposición "Pintores Asturianos nacíos nes décades 40 y 50". 1996
- Noticia na páxina web pintoresaturianos.com (enllaz rotu disponible n'Internet Archive; ver l'historial y la última versión).
- Reproducciones d'obres de Carlos Sierra en Photolounge.es, realizaes pol fotógrafu Marcos Vega.
- Noticia en www.asturias24.es sobre la esposición Años 60, pintures y dibuxos (enllaz rotu disponible n'Internet Archive; ver l'historial y la última versión).
Datos: Q21798185
